دليل الكتب والمؤلفين ودور النشر والفعاليات الثقافيّة ، اقتباسات و مقتطفات من الكتب ، أقوال المؤلفين ، اقتباسات ومقاطع من الكتب مصنّفة حسب التخصص ، نصيّة وصور من الكتب ، وملخصات للكتب فيديو ومراجعات وتقييمات 2024
❞ الجزء الرابع عشر
(عفتي والديوث )
كانت سودي تنتظر اخواتها ووالدها
وكانت تتصفح مواقع التواصل
وعندما دخل سيف جرت عليه تقبله وتحتضنه بشده
سودي:ما اني زعلانه منك بس ما اقدر ما ابوسكش ولا أخذ ادفا حضن في العالم بعد بابا
جلس سيف علي الاريكه التي تنتصف الهول الكبير
وقال:طيب روح يا ختي خدي اول ادفا حضن
سودي لوت فمها كالاطفال وردت ابوك شكله كده بيعط بره وضحكت
سيف:اول مره يعملها هو فين
سودي:مش عارفه انا كلمته وقولي كلوا انتم وانا هتاخر شوي
وحضرتكم ما كنتوش هنا جوعتني الله يسامحكم بقا وبعدين فين الواد رسلان
سيف:الواد ده لو سمعك هينفخك
ضحكت سودي وقالت:ما تقولش ده ما بيضايق من حاجه في الدنيا قد الكلمه دي
سيف:هتدفعي كام
سودي:اللي انت عاوزه
سيف:مش دلوقتي بعدين
سودي:والنبي انت اخويا اكتر منه
سيف:دلوقتي ولما تحتاجي حاجه تجري تقولله نفس الكلمه
ضحكوا الاثنين ونادهت سودي علي عم محروس الطباخ حتي يحضر العشاء
وكان سيف موجود ولكن كصوره يفكر في ما حدث اليوم بكل تفاصيله
~~~~~~~~~~~
وقبل أن يكملوا حديث وجدوا الباب بيخبط خبطات بسيطه نرمين : خليكم انا هروح افتح
ذهبت تجاه الباب وعندما فتحت لم تجد احد باين من الكارتين
نرمين:ايوه من حضرتك وعاوز مين
رسلان:انا عامل التوصيل
نرمين:طيب عرفنا انت مين عاوز مين بقا
رسلان:طيب ممكن ادخل الاول انزل الحاجات دي
نرمين:اسفه مش قبل ما تقول عاوز مين
رسلان انزل ما بيديه وبأن وجهه
فانصدمت نرمين وكان باين عليها التوتر
نرمين:انا انا اسفه جدا بس انت
قاطع رسلان حديثها
وقال:انا اللي اسف بس انا اللي حبيت اهزر معاكي لما سمعت صوتك
وقبل أن تتكلم نرمين جاءت رونال وهي تضحك كعادتها
رونال:ايه يا بنتي مين علي الباب
وعندما اتجهت ناحيه الباب وجدت رسلان
اهلا اهلا استاذ رسلان اتفضل
فدخل وحمل ما معه
رونال:ايه ده
رسلان:دي حاجات بسيطه للحجه وليكم
رونال:ولينا ليه
رسلان:علشان لما تسافر
رونال:انا اسفه ما اقدر اقبلها
رسلان:لو مش هتعجبك اقدر اغير اي حاجه
رونال:الموضوع مش موضوع عاجبنا أو لا الموضوع إننا مش هنقبل صدقه من حد
وقبل أن يجيب رسلان جاءت فتحيه
فتحيه:اهلا يا ابني خير
رسلان:انا جايه علشنا اقول لحضرتك أن السفر بكره الساعه١٠الصبح بس لازم تكوني في المطار بدري فأنا هعدي علي حضرتك ٦الصبح علشنا نلحق
فتحيه:مش عاوزه اتعبك يا ابني انا هروح المطار بتاكس
رسلان:مفيش تعب ولا حاجه ولا حجه
فتحيه:طيب هو انتم كنتم بتتخانقوا علشنا كده
رونال:لا يا ماما كنا بقول لاستاذ رسلان اننا مش هنقدر نقبل اللي هو جايبه ده
رسلان:والله حاجه بسيطه يا حجه
مش قد المقام
فتحيه:هو انت جايب الحجات دي ليه
رسلان:دي شويه حاجات ليكي وشوي حاجات ليهم علشنا وحضرتك في السفر ما ينفعش يروح يجيبوا حاجه وحد يضايقهم
فتحيه:بس ماهما كده كده هيروحوا شغلهم يعني يقدورا يجيب كل حاجه وهما جايين ومحدش هيقدر يضايقهم دول رجاله وناقصهم شنبات
ضحك رسلان عاليا حتي أنه كح من كثره الضحك فذهبت نرمين سريعا تحضر له الماء
نرمين:اتفضل اشرب احنا نطاف والله
اخذ رسلان منها الماء فتلامس أطراف أصابعهم ببعض فحسوا اثنينتهم بقشعريره في جسدكم لا يعرفوا سببها
رسلان:متشكر جدا يا نرمين
فانتبه لحديثه وصحح كلامه يا مدام نرمين انا اسف
ذهبت نرمين إلي الداخل دون كلمه
رونال:ياريتك ما كنت صلحت هتقوم تضربك
رسلان:ليه كده انا اتاسفت
رونال :اصل جرحها ليسه مفتوح ومش هيلم بسرعه
رسلان:تذكر كلامها مع احمد
ورد والله ما كنتش اقصد
فتحيه:عارفين يا ابني بس هي حساسه زياده شوي ربنا يكتب لها الخير ويرزقها باللي ينسيها كل حاجه
رسلان:انشا لله قريب يا حجه
فتحيه:انتم نستنوا موضوع الحاجات
رسلان:يا حجه إذا كان علي حاجتك فسيف بيجيب ذيهم لكل المسافرين
واذا كان علي شوي الحاجات العبيطه دي يا ستي اعتبرهم سلفه وابقوا راجعهم وقت ما تحبوا
فتحيه:ماشي يا ابني ما اني مش مقتنعه تسلم ايدك يا حبيبي
رسلان:استاذن انا بقا بس وحيات النبي تعتذروا لنرمين
رونال:حاضر نرمين قلبها ابيض وبتصفا بسرعه ما تقلقش
ذهب رسلان وعندما فتحوا ما جابه وجدوا ملابس إحرام لفتحيه
ووجدوا أشكال واصناف من كل شكل ولون اشياء حتي لم يروها من قبل
رونال :هي دي الحاجات العبيطه
فتحيه:يمكن يا بنتي عبيطه بالنسبله ربنا يزيدهم
وذهبوا الي نرمين يطيبوا خاطرها
~~~~~~~~~~~
في مكان آخر كانت مريم ما زالت تحكي
طلعت قعدت علي السرير وانا بهدومي تعبانه جدااااا
لقيت بابا طالع ودخل الاوضه عليا مره واحده من غير ما يخبط وبيزعق فيا
مجدي:انتي ايه اللي عملتيه ده
مريم:يا بابا ممكن تهدا الاول
مجدي:انا بسالك ردي عليا
مريم نفخت بضيق وردت : يابابا حضرتك عارف اني مش بسلم علي حد المفروض انت اللي كنت تقول كده
مجدي:انتي تطولي تسلمي عليه ده اشهر راجل اعمال في بلدك
مريم:لا يابابا انا اطول واحسن منه بس يكون محترم
مجدي:وهو قل أدبه معاكي في ايه انشالله
مريم:معني أنه يكلمني من غير ما يستاذنك دي مش قله ادب
مجدي:لا
مريم:طيب خلاص يا بابا وعلي فكره لو بدل المره مليون معك حد انا ما بسلمش علي حد علشان ما يكونش في خناق تاني يا بابا
مجدي:انا مش عارف انتي طالعه لمين
مريم:شيطاني يا بابا شكرا ليك
مجدي تركها وغادر الغرفه واقفل بابها بشده
جلست مريم تبكي وتلعن حظها لو انها كانت مع والدتها بالرغم من ضيق حالها الا أنها كانت سيكون سعيده
وظلت تبكي إلي أن غلبها النعسان وافاقت تاني يوم علي رنين هاتفها
وكانت فتحيه فكنسلت واتصلت هي لمعرفتها ظروف والدتها
مريم:صباح الخير يا ست الكل
فتحيه انبسطت لأن مريم أصبحت تقول مثل رونال وتحس بمكانتها
فتحيه:صباح ايه قولي مسا دي الساعه ١٢ونص
مريم:ياااه هو انا نمت كتير كده بعد الخناقه
فتحيه:خناقه ايه يا بنتي كفله الشر
مريم:مفيش يا حبيبتي لما اشوفك هقولك
فتحيه:ماهو ده اللي كنت عاوزكي فيه
مريم:خير يا حبيبتي
فتحيه:انا عازمكي النهارده علي الغداء
مريم:طيب قولي فطار
فتحيه:تعالي بس ويكون فطار وغداء وعشاء وبيات يا قلبي لو ينفع
مريم:يا ريت اعيش معاكم علطول
فتحيه:والله اتمنا يا بنتي
مريم:خلاص انا هغير هدومي واجي تكوني حطرتي الفطار أفطر معاكم
فتحيه:عيوني يا حبه عيني
أقفلت مريم الهاتف وذهبت لتأخذ حمامها وتذهب سريعا
خرجت ولكن عندما خرجت وجدت من يقف أمام سيارتها ويضع عليها باقه من الورود الحمراء تاخذ العقل ولكن هي لم تهتم
وكان هو مهتم بهاتفه ويكتب شي ولكن عندما اقتربت ادخل الهاتف بجيبه واقترب منها وركع علي ركبته ومد يديه بالورود وبعلبه قطيفه بها خاتم اقل ما يقول عنه أنه رائع
وكان هو
يتبع
الجزء الرابع عشر
(الجحيم )
كانت سودي تنادي علي سيف وهو شارد بأفكاره فهزته ففزع منها
سيف:ايه يا بنتي خضتني
سودي:بنادي عليك بقلي ساعه مالك اللي واخذ عقلك يتهنابه يا عن
سيف:أما حته بنت ادب وجمال واصل طيب
سودي:شكلك وقعت يا معلم
سيف:تصدقي ممكن بس انا شفتها مرتين بس
سودي:مش شرط بس ما سمعتكش بتقول مال
سيف :بس يا هبله مال ايه يعني انا لو اعجبت بواحده عندها فلوس ومش محترمه فلوسها هتخليها محترمه يعني
سودي:ياحبيبي انا مش قصدي وانا عارفه مبادئك بس شكلك كده مش حد انا اتعاملت معاه أو من معارف بابا
سيف:لا دي السكرتاريه الجديده بتاعتي مش عارف هي مالها
سودي:مالها ازاي
سيف:يعني المرتين اللي شفتها فيهم حسيت أن عينها بتلمع لوحدها ذي ما تكون عيونها محبوس فيها الدموع دايما وفي نفس الوقت ابتسامتها جميله شفتها مره وهي بتضحك مع مامتها حسيت قلبي خرجت ودخل تاني مش عارف ايه الاحساس ده
سودي:يبقا مش اعجاب ده حب من اول نظره يا كبير وضحكت عاليا
سيف:يا شيخه روحي انتي كنتي عاوزيني في ايه صح
سودي:يا راجل ده انا نسيت كنت من عاوزك علشنا نتعشا بس زمان الاكل برد هسخنه تاني عقبال ما تغير هدومك وانا اتصل برسلان والحاج
سيف :سيبي بابا طالما قالك عنده شغل
سودي:طيب هتصل برسلان واشوفه فين
أومن برأسه بالموافقه وصعد إلي غرفته ليبدل ملابسه
فدلف الي الحمام ليأخذ حمام بارد لعله يستريح من التفكير فيها
وعندما خرج ارتدي ملابسه ونزل للاسف
كان رسلان جاء وجالس مع سودي منتظرين سيف
سيف:ايه اتاخرت ليه
رسلان :معلش كنت محتاج اغير هواء
سودي:ايه انت كمان بتحب
رسلان:انا كمان ليه مين بيحب في البيت ده
سودي:سيف
سيف:انت تايه عن اختك بتقول اي حاجه وبتتخيل يا عم
رسلان:ماشي هعديها مع أن البت تستاهل
سودي:انت شفتها
سيف بنبره تحذير انا مش هنخلص بقا من الكلام ده
صمتوا ولكن النظرات من تتكلم فضحك سيف علي نظراتهم
سيف:انا اسف اني زعقت فيكم بس انا نفسي مش عارف في ايه
رسلان:سيب نفسك وربنا مش بيعمل حاجه وحشه
رددوا كلهم ونعم بالله واكملوا طعامهم وصعد كل منهم الي غرفته
~~~~~~~~~~~~~
في هذه الأثناء كانت مريم ما زالت تحكي لمحمود
مريم :ايه ده انت اتجنينت
أشهب:لا ما اتجنينتش بس ذي ما تقولي كده بحب امتلك الحاجات النارده
مريم:وانا مش فازه أو تبلوه علشنا تمتلكني
أشهب:يا ستي انا اسف بس انا صريح شوي
مريم نفخت في ضيق ومشيت من أمامه ولكن قبل أن تخطو خطوتها الثانيه وجدته يمسك بيديها فلفت تجاهه
وصفعته صفعه قويه حتي أن وجهه اتجه الي الجهه التانيه
مريم:ده علشنا تعرف تحترم نفسك كويس ولو لاقيت اتعرضت ليا في اي مكان مش هيكون الاخير
وتركت وذهبت سريعا وكان هو علي نفس وقفته لم يتحرك مصدوم من رد فعلها فكانت اي فتاه يمسك يديها كانت تخر تحت قدميه وتطلب المزيد ولكن هذه الفتاه لا يعرف كيف تجرو وتفعل هذا معه
فاستحلف بينه وبين نفسه أنه سياخذها إذا كان برضاها أو غصب عنها ويذلها علي هذا القلم
فذهب وراءها وكانت لم تبتعد كثير فظل يراقبها حتي أنها أخذت بالها واستطاعت أن تختباء منه
وعندما تأكدت أنها ضالته ذهبت سريعا الي والدتها
لتقابلها بتهليل هي ورونال
فتحيه:نورتي يا بنت قلبي
رونال:ايه ده يا ست الكل أنا كده هغير الكلمه دي كانت ليا انا وبس
مريم:يا بنتي حطي في عينك حصوه ملح بقالك ١٨سنه بيتقلك الكلمه دي مستخسره فيا كام يوم
ضحكوا جميعا
فتحيه :ربنا يخليكم ليا يارب
رونال:يارب يا ست الكل بس يلا تعالي بقا اقعدي معاها وانا هحطرلها الغداء
مريم:قولي فطار انا جيت علي هنا علي طول وجوعت اوي من الخناق من الزفت ده
فتحيه:زفت مين يا بنتي خير
مريم حكت ليهم ما حدث وما كان رد فعل والدها قبلها بيوم
فتحيه:خلي بالك يا بنتي بعد كده احسن ده شكله مش سهل يعني ايه بمتلك الحاجه النارده يبقا نيته مش خير ابدا
مريم:انا خايفه اوووي يا ماما وخصوصا أنه ليه شغل ما بابا وممكن بابا يجبرني علي الجواز منه وانا هكون عنده مجرد كميله من ضمن الكماليات وهياخد اللي عاوزه مني وبعدين يذلني
رونال:طيب هتعملي ايه
مريم:مش عارفه بس لازم اقول لبابا
فتحيه:اوعي ابوكي هياخدها فرصه ويجري عليه ويجبرك علي الجوازه دي
رونال:انا رايي يا ماما فعلا تقوله وتهدده لو أجبرها هتنتحر
فتحيه:بعد الشر ايه اللي انتي بتقوله ده
مريم:يا حبيبتي هي قصدها تهديد بس مش اكتر هو انا صغيره يا ماما علشنا اعمل كده
فتحيه :لو انتم شايفين كده خلاص بس افتكروا اني قولتكم بلاش
مريم:خليها علي اللي يا ست الكل
فتحيه:ونعم بالله ربنا يحرسكم ويحميكم وما اسمعش عنكم الا كل خير يارب
رددوا يارب يا ست الكل
رونال:يلا بقا البت زمانها هيغما عليها عندنا
ذهبوا ثلاثتهم الي المطبخ بين ضحك وهزر ومعرفه اشيا عن بعض واتغدوا مع بعض ومر الوقت عليهم كأنها لحظه
مريم نظرت إلي الساعه وجدتها تقرب علي ١١فقامت سريعا
مريم:ياخبر ده هتبقا في مشكله كبيره النهارده
رونال:ليه
مريم:اصلي مش بتأخر عن الساعه٨والوقت اتاخر اوووي مش عارفه هعمل ايه
فتحيه:قولي لابوكي انك كنتي خايفه ترجعي البيت احسن يتعرضلك تاني وخصوصا أنه كان ماشي وراكي
مريم:صح بس يارب تخش عليه
رونال:انشا لله بس اول ما توصلي طمنيني عليكي
مريم تمام خدوا بالكم من نفسكم انتم بس وعلي تليفونات بقا
وذهبت سريعا بعد أن سلمت عليهم وكأنها لن تراهم ثانيا
~~~~~~~~~~~
في الوقت الحالي في صباح يوم جديد وشمس تعلن عن قدوم امل جديد
صحت فتحيه قبل رونال كعادتها لتحضر الفطار
توضيت وصلت فرضها فسمعت صوت خارج الغرفه
فذهبت الي المطبخ لتجد رونال واقفه تعد الافطار وهذه ليست بعادتها ابدا
فابتسمت فتحيه وقالت:ايه الجميل صاحي بدري ليه علي غير عادته
فالتفت إليها رونال وردت:اصلي قولت احطرلك الفطار علشنا ترتاحي قبل السفر
فتحيه:ربنا يخليكي ليا يا بنتي ويرزقك بابن الحلال اللي يريح قلبك وبالك
رونال:امانه عليكي تدعيلي الدعوه دي قدام الكعبه
فتحيه:دي نقطه من بحر اللي عاوزه ادعيه ليكي انتي واختك
رونال:اه والنبي يا ماما ادعيلها كتير اوي ربنا يبعدها عن اللي اسمه أشهب دي علي خير احسن في يوم يجي الطوبه في المعطوبه لحد ما ننفذ اللي في بالنا ونخلص منه
فتحيه:دي تبقا مصيبه يا بنتي ربنا يسترها عليها ده انا قلقانه عليها اووووي
رونال:يارب يا حبيبتي يلا بقا نفطر عاوزه اقعد معاكي قبل ماتنزلي علشنا هتوحشني اوووي وتلالات الدموع في عيونها فأخذتها فتحيه بين أحضانها فتركت العنان لدموعها بالنزول فبدلتها فتحيه نحباها وظلوا هكذا فتره إلي أن رن هاتفها علي المنبه
فسمحت فتحيه دموع رونال ودخلت حتي تستعد
رونال :قامت وعملت كثير من الساندوتشات لفتحيه ودخلت تطعمها وفتحيه تضحك علي طريقه رونال الطفوليه
وفي هذه الأثناء استيقظت نرمين علي صوت طرق علي الباب فقامت سريعا تفتح ولم تنتبه لملابسها النوميه
ففتحت فوجدت أمامها
يتبع . ❝
❞ الجزء الثالث عشر
(عفتي والديوث )
توقفت مريم عن السرد للحظه نزلت فيها دموعها واكملت
نزلت من عندهم وانا كنت بحسب أن الدنيا هتضحكلي بعد ما خصمتني
بس ربنا ما أراد ليا كمال الفرحه واول ما دخلت الفيلا لقيت والدي معاه واحد قاعد في الهول ودي مش اول مره الاقي حد معاه بس الغريب المره دي ان الشخص ده فضل باصص عليا بطريقه شهوانيه واول ما جيت اطلع اوضتي بابا نادي عليا
مجدي:مريم تعالي سلمي
مريم:بابا انت عارف اني ما بسلمش علي حد
وصعدت درجتين من الدرج ولكن اوقفني صوت رجولي وكان أشهب
أشهب:طيب يا انسه مريم عبرنا ده انا حتي في بيتكم
مريم ولم تلتفت بالنظر إليه
مريم:حضرتك ضيف بابا وبابا قاعد معاك وانا مليش صله بيك والقرآن حرم علينا إننا نسلم الا علي ناس معينه تحب اقولهم ولا انت عارفهم وانت مش واحد منهم يبقا انا ربنا مش هيحسبني علشان مجرد سلام مش هيزيد منك حته ولا ينقص مني حته لو ما سلمتش
وتركتهم وصعدت سريعا قبل أن يغضب عليها والدها
كان أشهب في هذا الوقت سرح في جمالها وخلقها المميز فهو أشهب الصالحي الذي ترتمي تحت قدمه آلاف الفتايات طالبن نظره واحده منه
يأخذ صفعه كلامها كأنها نزلت علي وجهه اسكتته
فاق من شرورده علي كلام مجدي أشهب انت معايا
أشهب:اه
مجدي:كنا بقول ايه
أشهب وهو ما زال معلق نظره الي السلم أن بنتك حلوه اووي
مجدي:ايه
انتبه أشهب لكلامه ولف رأسه وقال :أن ورق الصفقه دي لازم استلمها في معادها علشنا الشرط الجزائي مايمشيش عليكم
مجدي:طيب يا أشهب بيه انا عاوز مهله كمان شهر علشنا اقدر اوفي باقي الطلبيات
أشهب:ماشي بس اكتر من شهر هتعرف شغلك انا ما عنديش يااما ارحمني
مجدي :حاضر حاضر
~~~~~~~~~~
في الوقت الحالي كانت رونال تحضر لوالدتها شنطه سفرها وهي تدمع
فتحيه:يا حبيبتي لولي اني رايحه ازور الحبيب كنت قاعدت دي اول مره اسيبك لوحدك فتره
رونال مسحت دموعها وقالت:ربنا ما يحرمني منك يا ست الكل روحي انتي وانا هكون كويسه بس علشنا انتي قولتي اول مره تسبني صعبان عليا بس
فتحيه:بس اوعديني تاخدي علاجك في معاده وتبقي تروحي شغلك
رونال:حاضر يا حبيبتي ما تقلقيش عليا
فتحيه:ربنا ما يحرمني منك يا بنت قلبي
رونال :ولا يحرمني منك يا روح الروح
طرقت الباب في هذه اللحظه نرمين
فسمحوا لها بالدخول
دخلت بابتسامها المعهوده
وقالت: حد هنا عاوز مساعده وما قليش
رونال:انتي ليسه فاكره كنتي فين
نرمين والدموع تجمعت في عيونها
وقالت:كنت بستلم ورقه طلاقي من المأذون
فتحيه:معلش يا بنتي قضا اخف من قضا
نرمين:انا مش زعلانه عليه انا زعلانه علي نفسي اني اتحسبت عليا جوازه وكانت مجرد مجزره ومصلحه
رونال في محاوله منها أن تخفف عن زميله عمرها
رونال:شوفي البت ياختي احمدي ربنا في ناس مش لاقيه عريس عدل لحد دلوقتي
نرمين:ده انتي الف مين يتمناكي
رونال: حبيبتي تسلملي طيب تعالي بقا يختي وابقي احكيلي من اول ما سبنا الجامعه عملتي ايه
فجلست نرمين تحكي عن مأساتها من يوم تخرجها
فلاش باك
كانت خارجه من الجامعه والدنيا لا تحملها من سعادتها فاخيرا تقدر تشتغل وتعوض خالتها التي كانت بمثابه الام بالنسبه لها بعد موت والديها وتقدر تكمل باقي جهازها والتي كانت تجهزها علي قد مقدارها من الجمعيات التي تعملها باللي تقدر عليه
فجرت وجرت إلي أن وصلت للبيت ولكن صدمتها أن هناك ناس كتير أمام باب البيت
فكانت تسألهم في ايه وهي خائفه من المجهول
رددت واحده منهم وقالت البقاء لله
نرمين:في مين ولم تنتظر الرد ودخلت تجري علي شقه خالتها
وكانت صدمتها الأكبر عندما وجدت صديقه خالتها والتي معاها مفتاح الشقه تبكي بحرقه
تحكي وتقول :انا دخلت عليها الصبح ذي كل يوم ومعايا الفطار ولقيتها ساجده علي الارض فقولتها طيب خلصي عقبال ما احضر الفطار واعمل كوبيتن الشاي بلبن
فلاقتها ماقامتش فقلقت بس روحت علي المطبخ وعلي غير عادتها ماجاش تناكف فيا فخلصت وجريت اشوفها
لقيتها ليسه ساجده بهزها في كتفها لاقيتها اترميت علي الارض ومكنتش عارفه اعمل ايه غير اني قعدت اصوت وانادي باسمها لحد ما انتم جاتوا
كانت صدمتها الأكبر هي موتها
ظلت تبكي وتبكي حتي سقطت مغشي عليها
ولم تفيق الا بعدها بثلاث ايام من أثر المخدر الذي كان يعطي لها الدكتور في المستشفي التي نقلها لها
كانت تفيق تصرخ باسم خالتها ويعطوها الحقنه وتنام
خرجت بعد اسبوع من المستشفي بعد ان اطمنوا عليها
ذهبت سريعا الي البيت وظلت تملس علي الجهه التي كانت تنام عليه خالتها وتبكي بحرقه فراق والم
الم فراق خالتها والم أنها أصبحت الآن يتيمه حقا
ظلت علي هذا الحال فتره طويله حتي أنها دخلت في حاله اكتئاب شديده
ولكن بعدها وجدت احمد يتصل بها يقول لها
احمد:ايه يا بنتي مش خلاص كفايه حزن
نرمين:حزن ده انا لو حزنت العمر كله مش هقدر اوفي حقها عليا
احمد:طيب انا جايبلك خبر حلو
نرمين :مبقاش في حاجه تفرحيني خالص
احمد:حتي لو شغل
نرمين:شغل ايه
احمد:هتشتغلي امينه مخازن
نرمين:ازاي ده انت مش عارف ان ده بعيد عن دراستي
احمد:معلش ماهو لحد ما تلاقي حاجه تناسبك ولا هتعيشي تشحتي اللقمه
نرمين ذي مايكون الكلام كان تايه عنها وفكرت أن كلامه صحيح
احمد:ايه روحت فين
نرمين:انا موافقه
احمد :بجد طيب اكتبي العنوان لازم بكره بدري تكوني هناك واملا عليها العنوان وقفل معاها
ظلت تفكر في حالها إلي أن غلبها النوم واستيقظت تاني يوم وجرت حتي تلحق الموعد وقبلت بالوظيفة وظلت ترتقي في عملها لتنفنها في العمل وظلت الايام تمشي علي وتيره واحده إلي أن في يوم جاء إليها احمد
احمد:ايه بقا مش هنجوز
نرمين:ان شاء الله بس كمان كام شهر اجهز نفسي
احمد:يا ستي كفايه اللي عندك هو انتي شايفه اني ليا أهل يعيبوا عليكي ده انا وانتي بس
نرمين: خلاص ماشي بس اديني وقت برضو
احمد:لا وقت ولا غيره كتب الكتاب يوم الخميس الجاي والدخله الخميس اللي بعده
نرمين :يا احمد
احمد:مفيش يا احمد
نرمين :خلاص امري لله
وتم الزفاف
عوده
وطبعا انتم سمعتوا الباقي في الشارع
فتحيه:ربنا يعرض عليكي يا بنتي
وقبل أن تجيب وجدوا من يطرق
يتبع . ❝
❞ الجزء الثاني عشر
(عفتي والديوث )
افاقوا من شروردهم علي صوت نحنحت رسلان
سيف جلس في مكانه دون كلمه
ورونال ذهبت تضيف الكل وعن وصولها الي سيف نظرت في الأرض ومد يديها حتي أنه عندما مد يديه تركت رونال الفنجان بسرعه ووقع علي ملابس سيف ولحسن حظه لم تكون القهوه ساخنه لأن الوقت الذي ظلوا فيه متاملان بعضهم ليس بقليل
رونال:شهقت وقالت في توتر انا اسفه والله اسفه ما شافتك كويس
سيف:ولا يهمك بس ممكن اقوم انظفها
فتحيه:طبعا يا ابني اتفضل وأشارت له بمكان الحمام
ونظرت الي رونال وقالت روحي يا بنتي هاتيله فوطه نظيفه
رونال:نفخت بضيق وردت حاضر يا امي فذهبت
فتحيه :نظرت إلي نرمين وقالت اهدي يا بنتي عسي أن تكرهوا شي وهو خير ليكم
نرمين:مسحت دموعها وردت بكل خجل ولكن وجهت الكلام لرسلان
انا متشكره جداااااااا علي اللي عملته معايا
رسلان:لا شكر الا علي واجب انا ما عملتش الا اللي شفته صح ويرضي ضميري لأن الاشكال دي لازم تاخد فوق دماغها علشنا تتلم
فتحيه:ربنا يخليك يا ابني دي نرمين غلبانه اوووي وتستاهل كل خير
محمد:طيب استاذن انا يا حجه بعد اذنك
فتحيه:ليه كده يا ابني انت قاعد مونسنا
محمد:معلش الساعه قربت علي واحده وانا عندي شغل الصبح
رسلان:وقف مره واحده وكرر وراءه واحده احنا اتاخرنا اوووي لامؤاخذه يا حجه ما حسناش بالوقت معاكم
فتحيه :ليه يا ابني كده ده انتم قاعدين عاملين لينا حس
وفي هذا الوقت جاء سيف وهو ينظر لرونال ويبتسم دون أن تأخذ بالها منه
سيف:يلا يا جماعه احنا اتاخرنا اووي
فتحيه:كلكم كده عاوزين تمشوا
سيف:احنا هنجي تاني والله يا حجه انتي بقيتي قريبه من قلبي وربنا يعلم
فتحيه:وانتم والله يا ابني حسيت انكم ذي بناتي بالضبط
سيف:ربنا يخليكي وان شاءالله هبعتلك حد يخلص كل حاجه
تصبحوا علي خير
الكل رد وانتم من اهله
~~~~~~~~~~
كانت مريم مازالت تسرد قصتها لمحمود
قعدنا كلنا ناكل وانا مبسوطه اوووي لاول مره احس بطعم الاكل وحلاوته
فتحيه تطعم مريم ورونال وهم يضحكون
مريم:تسلم ايدك يا ست الكل
فتحيه:تسلملي يا بنتي بس ما قولتليش انتم اتقابلوا فين
رونال ومريم سردوا ما حدث من الالف الي الياء
فتحيه:هو ابوكم ليسه عنده نفس العاده القادمه ربنا ما تابش عليه منها ده انا قولت كبر وعقل
مريم:لا يا امي ليسه ذي ماهو ده حتي كل يوم يجبلي عريس من معارفه وانا خايفه احسن في مره يجوزني وانا ما اعرفش
فتحيه:خدي بالك يا بنتي منه ده قادر ويعملها
رونال :حبيبتي ياختي انا مش هقدر اقولك تعالي اقعدي معنا علشنا عيشنا مش قد المقام ومش هتقدري تتاقلمي عليها
مريم:والله ياريت بس بابا مش هيسبكم في حالكم
ده انا خايفه في مره الاقيه مدخل عليا واحد ويقولي ده جوزك والله اعلم يكون ظروفه ايه معاه
فتحيه:ربنا معاكي يا بنتي لازم تاخدي بالك من نفسك
مريم:حاضر يا امي بس انا عاوزه رقمك انتي ورونال علشان اطمن عليكم
رونال:اكتبي يا ستي علشنا امك مش بتحفظ ارقام واملات علي مريم
مريم:يلا بقا انا همشي علشان اتاخرت
رونال:استني
مريم:ايه
رونال:غيري هدومك احسن يحسبوكي انا تاني وضحكت
مريم:اه تصدقي صح ودلفت الي الغرفه لتغير ملابسها ومشت
~~~~~~~~~~~
في فيلا محمود السيوفي
كانت تجلس سودي مع داده حليمه
سودي:اوف يا داده انتي هتتعلمي امتي
حليمه:يا بنتي انا قولتلك مليش في حاجات اليومين دول
سودي:وهو الانجليزي بتاع اليومين دول ده من زمان اوي
حليمه:هو انتي من ناحيه وروجين بنتي من ناحيه اعمل ايه معاكم
سودي:يعني أنا غلطانه اني عاوزه لو حد جيه اتكلمي معاكي بالانجليزي
حليمه:طيب يا ختي شوفي مذاكرتك انتي الاول احسن محمود بيه يموتك لو سقطتي تاني
سودي:ايه سقطت دي يا داده اسمها
Reverso Context
حليمه:يابنتي انا معرفش الحاجات دي احسن تكوني بتشتمني
ضحكت سودي ضحكه عاليه
وقالت : لا عشت ولا كونت يا داده ده انتي بدل ماما الله يرحمها
حليمه:الله يرحمها يا بنتي دي كانت ست الناس كلها بطيبتها وحنينتها بس والدك برضو حنين ونعم الرجال برضو
سودي:ايوه صح هو بابا فين انا اتصلت بيه من بدري وقلي ناكل احنا وما نستنهوش واهو كمان سيف ورسلان ما جاوش اعمل ايه انا فيهم وانا هموت من الجوع ايه البيت ده يا ربي
واحده غلبانه ذيي تعمل ايه مع ثلاثه رجال في بيت واحد
ضحكت حليمه علي طريقتها وضربتها علي كتفها
فتاوت الما ومثلت أنها تبكي كالاطفال
حليمه:ايوه مثلي مثلي كده يا ختي اجبلك مصاصه
سودي :لا عاوزه ايس جريم فانيلا
حليمه:طيب هجبلك بس ماعنديش فانيليا عندي شولاكوته واتريقت علي كلام سودي
سودي:امري لله هاتاي بقا وخلاث
ضحكوا الاثنين مع بعض ولم ينبهوا لمن يرقبهم وبانتظار اللحظه المناسب لتنفيذ ما بباله
يتبع . ❝
❞ الجزء الحادي عشر
(عفتي والديوث)
عن فتحيه بالبيت كانت مازالت قلقانه علي رونال فهي اول مره تتأخر هكذا
فتحيه:ربي لا اسالك رد القضاء ولكن اسالك اللطف فيه
يارب طمني علي بنتي اتاخرت ليه يارب انت عارف مليش غيرها بعد اختها ما ضاعت مني كانوا الاختين علي الباب ويستمعون الي امهم فرونال تعرف عاده والدتها اما مريم فكانت تدمع فرحا لأن والدتها ما زالت تتذكرها
وفي هذه اللحظه رنت رونال الجرس حتي تخرج مريم من حالتها واختباءت
فتحيه ذهب تجاه الباب وتدعو أن تكون رونال واول ما فتحت كانت مريم ما زالت عيونها مدمعه
فتحيه:ادخلي يلا اتاخرتي ليه
مريم:مفيش بس الطريق كان زحمه
فتحيه:مالك يا بنتي فيكي ايه مدمعه ليه حصلك حاجه
مريم ارتمت في احضان امها وتركت العنان لدموعها بالنزول
فتحيه :خير يا رو مالك يا حبيبتي طمنيني عليكي يابنتي ما توجعيش قلبي
مريم:وهي ما زالت تبكي هو انتي بتحبي اختي ذيي
فتحيه:استغربت من السؤال ولكن جوابت ايوه طبعا يا بنتي كلكم غلاوه واحده اينعم انا مشتاقه اشوفها واخدها في حضني بس في الاول والاخر كلكم عيالي وبحبكم من كل قلبي
رونال:طيب ما هي في حضنك يا ست الكل
فتحيه رفعت عيونها ونظرت الي رونال ومريم التي بحضنها
وظلت مصدومه حتي جاءت رونال وجلست تحت قدمها كعادتها
رونال:ايه رايك في المفاجئه دي يا ست الكل
فتحيه:فركت عيونها كأنها تريد أن تصدقها أنها في حقيقه ليس حلم وردت انتم بجد ولا انا بحلم
فضحوا كليتهم عاليا
مريم:خرجت من حضن فتحيه وقالت لا حقيقي يا امي كان نفسي في الحضن ده من زمااااان اوووووووي كنت بموت كل يوم وانا بفكر فيكم وبدور عليكم لما كبرت وبقيت أخرج لوحدي كنت كل يوم يعدي عليا كنت بقول ياتري عايشين ولا وصمتت ولكن دموعها هي التي تكلمت ثانيا
ربيت فتحيه علي كتفها واخذتها في حضنها من جديد وقالت
فتحيه:ما تزعليش يا مريم احنا خلاص اتجمعنا ومش هنتفرق تاني
كانت فتحيه تقول هذا لماوسات ابنتها ولكن هي تخشا الفراق مره اخري ودموع عيونها تبرهن علي هذا فكم مره كانت تتمنا أن تري بنتها وكم مره خافت من مقابل وجه كريم قبل الاطمئنان علي كليتهم بجوار بعضهم
مريم:كان نفسي في حضنك ده اوووي يا امي ونفسي اقول كلمه امي من غير خوف كان نفسي اعمل حاجات كتير وانتي معايا كنت بلومك كتير انك سبتني بس كنت برجع وأقول إن بابا هو اللي عمل كده من الاول
فتحيه:الله يسامحه يا بنتي ويهديله حاله
رونال:بتدعيله بعد كل اللي عمله فينا
فتحيه:يابنتي مالناش علي القلوب سلطان وابوكي اينعم جت فتره كرهته فيها بس كره نابع من حب حبي ليه وده اللي خلاني اعافر اكتر علشنا اقدر اعيش بعيد عنه وادفن حبي في قلبي علشنا اقدر اعيش واربيكي وكان عندي امل اني الاقي اختك
ولكن ربنا فضله كبير عليا واستجاب لدعوتي ورجعلي اشوف بنتي قبل ما اموت
بعد الشرعليكي يا امي ردوا الاثنين في نفس واحد
ففرحت فتحيه واخذتهم بين أحضانها وظلوا فتره كبيره حتي تذكرت فتحيه أن تسألهم
فتحيه:صحيح انتي ازاي لبستي لبس رونال وانتي يا رونال ازاي غيرتي وشوفتوا بعض فين وكمان
قاطعت كلام فتحيه رونال وهي تقول
رونال :يا ست الكل هعرفك كل حاجه بس انا عاوزه لقمه انا هموت من الجوع ماكلش من الصبح لا أنا ولا الغلبانه دي
فتحيه:عينيا الاثنين ده انهارده يوم عيد
وتركتهم فتحيه ودخلت الي المطبخ تحضر لهم كل شي عندها فهي المره الأولي من سنوات سيجلسون معنا علي مائده واحده
~~~~~~~~~~~
أما عن سيف
كان يريد طلب من فتحيه وهو
سيف:كنت عاوز اطلب منك طلب عارف أنه ملهوش علاقه بالموضوع بس ياريت ما تكسفينش يا حجه
فتحيه:خير يا ابني
سيف:انا الشركه بتاعتي بتعمل كل سنه رحلات عمره وبطلع ناس تكون وصمت لثواني
ولكن فتحيه فهمت صمته وردت
فتحيه:وبعدين يا ابني
سيف:لو اقدر اطلب من حضرتك انك تعطيني الثواب بتاعك وتطلعلي عمره مش هنسا فضلك عليا ابدا
فتحيه:انت بتتكلم جد يا ابني ولا بتهزر
سيف:لا والله ما بهزر يا حجه انا اول ما شفتك افتكرت أن ليسه في أماكن فاضيه وقولت انك اكيد مش هترفضي تزوري بيت الله
فتحيه:لا ارفض ازاي ده دعوه من عند الحبيب هرفضها ازاي
فرح سيف بشده ولكن قاطع فرحته صوت فتحيه وهي تقول
فتحيه:بس في مشكله
سيف:ايه هي
فتحيه:رونال مش هينفع اسيبها لوحدها
وكانت رونال خارجه من المطبخ وبيدها المشروبات ووضعتها علي الترابيزه الصغيره المتهلكه وتخاف أن تقعهم أرضا
فنظرت الي فتحيه الي كانت وجهها ازادد نورا علي نوره وسألتها
رونال:مالك يا ست الكل فرحانه ليه
فتحيه قصت علي رونال كل شي
فابتسمت رونال وردت
رونال:حبيبه قلبي انا هخلي نرمين تقعد معايا الكام يوم دول وانتي روح انتي كان نفسك من زمان تروحي تزوري بيت الله الحرام وما تقلقيش عليا خاااالص
فتحيه:يا بنتي بس
نرمين:من غير بس يا خالتي اتكلي علي الله واحنا مع بعض
رسلان:والله يا حجه ما تخافيش وانا هطمن عليهم بالتليفون ولو هما محتاجين حاجه هبعتلهم اختي لأن مش هينفع انا اجي
فتحيه:يبقا كتر خيرك يا ابني بس برضو في مشكله
سيف:ايه هي
فتحيه :ان جواز السفر بتاعي منتهي من فتره كبيره
محمد:ما تقلقيش يا حجه انا اخويا شغال في الجوازات ويقدر يساعدك
سيف:والله فيك الخير يا محمد بس ما قولتليش انت كنت جاي هنا ليه وضحك
محمد تذكر أن رسلان نزل ليحضر العلاج
فقال:العيب مش عليا انا عملت اللي عليا العيب علي اخوك اللي نزل يجيب العلاج واتخانق وشكله نسي أو العلاج وقع منه وضحك
رسلان فرق في رأسه
وقال :تصدق عندك حق
فقام سيف تجاهه وقبل أن يفعل شي كان رسلان يخرج من جيبه العلاج لانه نوعين من البرشام وقال :خلاص يا سيف اهو وربنا انا ما نسيتش انا عارفك غبي فاللي يخصك
فابتسم سيف علي طريقه كلام اخيه وتركه واعطا العلاج لرونال وتلاقيت عيونهم ببعض وسارحوا ونسوا كل الجالسون ينظرون إليهم
ولكن قاطعهم صوت
يتبع . ❝
❞ الجزء العاشر
(عفتي والديوث)
رسلان وجد أمامه سيف لأن من الأساس سيف وجدتهم اتاخروا ذهب ليطمن عليهم وعندما وصل كان الموضوع في بدايته ولم يتدخل لانه يعلم أن شقيقه ذو راس كبير ويتقن حسن التصرف
ورسلان عندما وجد سيف أمامه ارتعب بالرغم أن الفرق بينهم خمس سنين ولكن رسلان علي قدر ما بيحبه ومصاحبه علي قدر خوفه منه
رسلان:سيف انا كنت وقبل أن يكمل كلامه رد سيف بعصبيه
سيف:انا علمتك كده
رسلان:وهو لا يستطيع الوقوف من الهلع اصل
سيف :علمتك انك تعمل حاجه ناقصه
رسلان:يعني ايه
سيف:يعني فين المأذون اللي هيخلص
رسلان فرح جداااا لأن سيف يدعمه في قراره
وقبل أن يجيب ردت رونال والتي نزلت من فتره عندما سمعت صوت الخناق بالشارع لأن شارعهم يتميز بالهدؤء
رونال:المأذون علي اول الشارع تعالوا هوريكم فين وأخذت نرمين معاها والتي كانت في أحضانها منذ أن نزلت وراتها تبكي بحرقه دون صوت
ومشوا وراء رونال جميعا وطبعا احمد كان مربوط فأخذه سيف ورسلان تحت جناحهم ومشوا
~~~~~~~~~~
كانت مريم ما زالت تحكي
ذهبوا هي ورونال الي بيت صديقتها
طرقت مريم الباب
ففتحت رسل (فتاه قمحويه البشره تمتلك عيون واسعه وشعر اسود طويل وهي محجبه وتعتز بحجابها جداااااا مثل رونال )
رسل:رونال ايه اللي شقلب حالك كده
مريم :اصلي قولت اغير استيلي
رسل:استيل ايه وقرف ايه خلعت حجابك ليه
مريم:احنا هنكلم علي الباب ولا ايه
رسل:منظرك الزفت ده ناسيني يلا ادخلي
مريم:بس انا معايا ضيفه
رسل:ضيفتك علي عيني
فظهرت رونال أمام رسل والتي كانت تختبئ بجوار الباب
رسل ظهرت علي وجهها معالم الصدمه جليا وبعد فتره ليست قليله ابدااا
رددت انت انتي مين وأشارت علي مريم
رونال:دي اختي يا رسل ممكن ندخل وافهمك كل حاجه
رسل وليسه مصدومه أشارت إلي الداخل
وكانت مديحه والدتها جالسه في الصاله تسبح كعادتها بعد الصلاه
مديحه رفعت عينها وعندما وجدت أمامها رونال ومريم انصدمت هي الأخري ولكن ردت بنبره ضحك
مديحه:ايه يا بت يا رونال امتي نسختي نفسك
رونال:ضحكت وردت دي اختي يا خالتي
(رونال تقول لمديحه خالتها لأنها صديقه والدتها ومن اول الناس التي ساعدوهم منذ أن طردتهم والدهم وطلق فتحيه واصبحوا اصدقاء )
مديحه:اهلا يا بنتي بس انا عمري ما شفتك قبل كده
رونال:اصلي ليسه مقابلها النهارده وبالصدفة
مديحه:لا دي فيها حكايه كبيره
رونال:عيوني يا خالتي بس معلش وقت تاني علشان مريم عاوزه تقابل ماما
مديحه:ومالو يا بنتي ربنا جمع بينكم بعد سنين طويله ده امك كانت قلبها مفطور ياحول الله عليها
مريم:بجد يا طنط
مديحه:ايوه يا بنتي كانت كل يوم تعيط وهي قلقانه عليكي يا حبه عيني
مريم :انا هموت واشوفها يلا يا رونال بسرعه نغير
رونال:رسل هاتي الطقم اللي ناسيته عندك امبارح
رسل:حاضر عينا تعالي
دخلوا جميعا الي غرفه رسل
وابتدءت رونال تغير وتلبس الطقم وتعطي ملابسها لمريم حتي يستطيعون خداع امهم مثل رسل
~~~~~~~~~~~
عن فتحيه كانت تتكلم مع محمد عندما حدث ما حدث ونزول رونال الي الشارع وقفت في البلكونه تردد
(ربي لا اسالك رد القضاء ولكن اسالك اللطف فيه )
ظل تردد حتي جاءت رونال ومعاها رسلان وسيف ونرمين
فتحيه :ايه يا بنتي قلقاتني
رونال: هقولك يا حبيبتي كل حاجه بس نضيف الناس دي
فتحيه:ماشي يا حبيبتي اهلا يا ابني معلش ما اخدتش بالي كنت قلقانه علي بنتي
سيف:لا ولا يهمك يا حجه
فتحيه:تشرب ايه يا ابني
سيف:ولا حاجه يا حجه
فتحيه:لا ازاي انت بخيل ولا ايه
سيف :لا ابدا طيب لو ما يتعبش حد ممكن فنجان قهوه ساده
فتحيه:عيوني يا ابني يا رو اعملله قهوته
ابتسم سيف لمعرفه اسم دلع رونال
وهي احمرت وجنتيها خجلا وذهبت سريعا الي المطبخ دون أن تعرف ماذا يشرب الباقيه
فسألت فتحيه الكل واخبرت بيه رونال وهي بالمطبخ ما خرجت حتي انهاءها
في هذه الأثناء دار حديث لطيف بين الجميع
فتحيه:قولي يا ابني ايه اللي حصل تحت
فلاش باك
اول ما دخلوا عن المأذون
سيف :حضرتك ممكن تطلق دول من غير كل الإجراءات والكلام اللي بيتقال
المأذون :ازاي
سيف :يعني حضرتك هتطلق الست دي من الراجل ده بس غيابي
المأذون:ازاي وهي واقفه قدامي
سيف :يعني علشان هو وسخ ولو فكر يعملها حاجه تاني تشتكي بالقايمه
احمد:وهتشتكي ازاي والقايمة في جيبي
رسلان:بسيطه ووضع يديه في جيوب احمد وفتشه حتي أخذ كل شي يتعلق بنرمين حتي صورتها
احمد :وهو يصرخ لا لا فكني وانا اموتك
رسلان:كنت موتني من شوي انت جبان وصفعه صفعه قويه
المأذون:انا كده عرفت ليه هما عاوزين يعلموا كده معاك وانا هنفذلهم اللي هما عاوزينه لان انا عندي بنات
بس انا عاوز عنوانك بالتفصيل وأشار إلي نرمين
رونال:بص يا عم محمود اكتب عنوانها علي بيتي
محمود:أشار إلي نرمين ثانيا وقال موافقه يا بنتي
نرمين هزت راسها بالموافقه وتم الطلاق
رسلان :واسبوع واحد والشقه تكون فاضيه وما اشوف وشك تاني
سيف:لو لمحت خيالك بس بيقرب منها هدفنك حي
احمد :ايه هي شرك بينكم ولا ايه
في هذه اللحظه سيف لم يحس بنفسه الا وهو فوق احمد ينهال عليه ضرب
عوده
فتحيه:ربنا يخليك يا ابني ويجعله في ميزان حسناتك
سيف:اللهم امين يا حجه بس انا كنت عاوز حضرتك في حاجه تاني
يتبع . ❝
❞ الجزء التاسع
(عفتي والديوث )
ذهبوا مريم ورونال الي البيت ليفاجئوا والدتهم
مريم:ممكن يا رونال اطلب منك طلب
رونال:اكيد اتفضلي انتي اختي
سعدت مريم بالكلمه جدااااا وكأنها طارت ونزلت بين احضان اختها
مريم:انا عاوزه ادخل انا الاول وانتي تستخبي واشوف هتحس بيا ولا لا
رونال:موافقه بس انت ناسيه حاجه
مريم :ايه
رونال:اني محجبه وما تزعليش مني لبسي ولن تكمل
مريم:نظرت إلي ملابسها أنها محتشمه ولا يظهر منها شي ولكن يختلف اختلاف تام عن لبس رونال
وقالت خلاص بقا مش مشكله كان نفسي اشوفها هتقبلك ازاي
رونال:طيب واللي يحلها
مريم:فرحت جداااا وردت بجد بجد تقدر تحلها
رونال: اه
مريم:طيب ازاي
رونال:انا كنت مشتريه طقم جديد امبارح ونسيته عن صاحبتي نقدر نروح وتغيري هناك
مريم:عيونها دمعت من فرحتها لأختها التي طالما انتظرت أن تقبلها وكانت تخاف أن يكون لقاء فاتر دون احساس ولكن خاب املها ويوم ما تقبلها تكون بهذه الرقه والحنان
فاوقفت السياره مره واحده والتفت وأخذت رونال بين أحضانها وطال بشده وكان رونال كانت بحاجه اليه فبادلتها حضنها بقوه
وجلسوا يبكون لفتره حتي هدأت شهقاتهم
رونال:تصدقي كنت بحسبك كل ده بتهزري بس اول ما حضنتني حسيت كاني بحضن امي اوعي تبعدي تاني
مريم:حبيبتي انا عمري ما هبعد تاني
وفي هذه اللحظه رن هاتف رونال وكانت امها
رونال:ست الكل
فتحيه:.................
رونال:ما تخافيش انا جايه في الطريق
فتحيه:..............
رونال:ماشي يا حبيبتي سلام وأغلقت الهاتف
رونال:يلا بقا امشي علشان ما نتأخر علي ماما
مريم :طيب قوللي عنوان صحبتك
وانطلقوا سريعا
~~~~~~~~~~~~
في المركز عند نرمين
وجدته امامها ولا تستطيع أن تصدق عينها
قالت بصوت مبحوح اح اح احمد
احمد:ايوه احمد اللي رافعه عليه قضيه طلاق يا هانم
نرمين:مسحت دموعها سريعا واصتنطعت القوه وردت انا في مكان شغل وماينفعش يبقا في مسائل شخصيه هنا
احمد:علي اساس ايه انك ما بعتليش الأخطار علي شغلي واتعملي فضيحه هناك
نرمين:بزعيق انا قولت مش ينفع نكلم هنا تخرج بمزاجك ولا انادي علي الأمن يخرجوك بره
احمد:انا تقوللي كده لا ده انا اجيب عليها وطيها
نرمين:عاوزني اقولك ايه اقول انك كذبت عليا اقول انك اغتصبتني في يوم فرحي اللي كان المفروض يكون احلي ليله في عمرنا اقول انك نصبت عليا علشان اكتب نص الشقه باسمك علشان كنت مخطط انك تعمل فيا كده اقول ايه ولا ايه ولا ايه من يوم ما عرفتك حسبي الله ونعم الوكيل فيك
كانت تقول كلماتها وتنزل علي قلب هذا المتراقب مثل النار تحرقه
وكان كل من بالمركز يستمعون ويشفقون عليها ويعرفون الان قصتها ويعرفون سبب الابتسامه التي يشبوها الحزن دائما
احمد :انتي مراتي وهتفضلي مراتي لو رفعتي مئه قضيه طلاق لحد ما تموتي واورثك كمان
ورفع يديه كي يصفعها ولكن وجد أمامه من يصفعه وكان رسلان
احمد كان مصدوم من رد فعله وظل علي هذا الحال فتره وحول استجماع قوته ورد الصفعه ولكن رسلان بجسمه الرياضي كان احمد بالنسبله مثل القزم
احمد:انت مين وازاي تجرءه وتضربني
رسلان:بصوت جهوري يخصك اووي يا حيوان انت اللي ذيك محتاج علقه محترمه علشان تعرف تعامل بنات الناس
احمد:وانت بقا المحامي بتاعها ولا انت اللي خلتها تهرب وتجي تعيش معاك هنا
رسلان استشاط غضبه ولكمه لكمه قويه سال علي أثرها الدم من فمه
رسلان:اولا لو هي ذي ما انت بتقول كانت فضلت مع ندل ذيك علشان حد يبقا .......عليها وتعمل اللي هي عاوزه
إنما أنت تجيب سيرتي انا انا هعرفك انا مين يا حيوان وجره وخرج بيه خارج المركز
ونرمين كل هذا ولم تتكلم كلمه ولكن دموعها التي تسيل علي وجنتيها الورديتين تتكلم
امام الجميع ربط احمد
رسلان:طلقها
احمد:علي رقبتي
رسلان:بقولك طلقها
احمد:بقولك علي جثتي
رسلان ظل يلكم فيه حتي فقد الوعي
ابتعد عنه رسلان قليل واحضر من سيارته زجاجه ماء ورشها علي وجهه
ابتدأ يستعيد وعيه ووجد أمامه رسلان وعيونه مليئه بالشر
احمد :انت بتعمل دكر عليا وانا لوحدي
رسلان:طلقها
احمد:قولت لا
رسلان:تمام ومشي تجاهه بخطوات ثابته وواثقه
خاف احمد من مظهره
وقال :انتي طالق
رسلان :بالثلاثه
احمد:انتي طالق طالق طالق يلا بقا فكني
رسلان:ليسه الحساب ما خلصش
احمد:عاوز ايه تاني
رسلان سار تجاه سيارته واحضر ورق وقلم وبعض الشيكات الامانه والتي بحكم شغله بيستخدمها كثير
رسلان:امضي يلا
احمد:علي ايه إن شاءالله
رسلان:ملكش دعوه يلا وصرخ فيه
احمد:حاضر حاضر ومضي علي ورق تنازل علي الشقه كامله وبعض من وصولات الامانه لأن احمد بطبعه جبان جداااا
ولكن ما لم يتوقع رسلان حصل
يتبع . ❝
❞ الجزء الثامن
(عفتي والديوث)
رونال ومريم وهما في الطريق
رونال:انا شفته افتكرته وافتكرت وانا صغيره وهو بيطردنا افتكر كل حاجه عملها اينعم هو كبر وشعره بقا ابيض بس هو نفس الوش اللي سببلي العذاب انا وامي قعدنا اسبوع في الشارع اللي خلانا كنا بنقعد ايام من غير اكل واللي خلانا الناس كانت بتعطف علينا ويقولوا يتيمه وهو علي وش الدنيا هو هو وانهارت في البكاء
مريم أحست بالم اختها والعذاب التي كانت فيه وكان من الممكن تكون هي مكانها لولي حب والدها لها وعدم تنازله عنها حولت تهدات اختها
مريم:خلاص يا رونال يا حبيبتي كل حاجه هتبقا كويسه اوعدك انا خلاص لاقيتك وعمري ما هتنازل عنك انتي وماما ابدا صحيح يا رونال ماما عامله ايه
سألت مريم سؤالها وهي تخاف من إجابته
رونال زاد بكاءها فاحست مريم أن أمها توفيت
مريم:بصوت يخنقه البكاء هي حصلها حاجه
رونال:لا بس تعبانه جدااا ومحتاجه عمليه والا هتموت واستمرت علي بكاءها
مريم الكلام نزل عليها مثل الصاعقه
ورددت بينها وبين نفسها يعني يوم ما اعرفها أنها عايشه اعرف انها ممكن تموت وتروح مني حرام ياربي
مريم : ماتقلقيش انا هوديها اكبر مستشفي تعمل العمليه
رونال:مش هتقبل حاجه من فلوس ابوكي
مريم:ما تخافيش انا هخليها تقبل وبعدين دلوقتي قوللي مكان البيت يلا نروح نتكلم هناك واشوف ماما احسن وحشني اوووي
رونال:توقف بكاءها وردت ده هتبقا مفاجئه حلوه جداااا وخصوصا انها ليسه من كام يوم احساسها انها هتشوفك قريب
مريم :بجد انا من هنا ورايح مش هخليها الا تشوفيني طيب يلا قوللي العنوان
رونال:العنوان ......................
~~~~~~~~~~
عن نرمين وجدت أمامها رسلان
رسلان:انا اسف اني جيت تاني عارف انك ست متجوزه وما ينفع اقف معاكي
نرمين :أحست بهذا الشعور الغريب ثانيا وردت بصوت شبه مخنوق هو ايه حكايه متجوزه متجوزه دي هو انت بتحفظها
رسلان : لا ابدا وحول تغير الموضوع انا عاوز اعرف عنوان صيدليه في المنطقه هنا لو سمحتي
نرمين:نفخت بضيق وردت الصيدليه اهي قدامك وأشارت إلي خارج المركز وهي كانت أمامه مباشر
رسلان:متشكر يا مدام نرمين وقبل أن تجيب ذهب من أمامها سريعا
نرمين دمعت ولا تعرف لماذا كلمته جرحتها ولكن لا مفر فالكل يعتبرها سعيده بحياتها من الابتسامه التي لا تفارق وجهها فالله الأمر من قبل ومن بعد
فجلست علي أقرب كرسي وهي تتذكر مقاطع من حياتها
فلاش باك
بعد ليله دخلتها أو دبحها بمعني اصح
افاقت في المستشفي علي صوت الدكتور وهو يقول
الدكتور:الانسه دي عندها نزيف حاد
احمد :انسه ازاي يا دكتور النهارده ليه دخلتنا وهي اغما عليها بعدها
الدكتور:اه يبقا هي كده غشاء البكاره عندها مطاطي ولو حتي فضلت كده لمائه سنه هتفضل بنت الا لو خلفت ممكن تبقا ذيها ذي اي مدام
احمد:طيب يا دكتور نقدر ناخدها امتي
الدكتور :لازم تفضل عندنا يومين نطمن عليها احسن يحصلها مضاعفات
احمد:طيب ماشي شكرا وتركه احمد ومشي في نفس اللحظه
افاقت كليا وكان الدكتور ليسه مكانه و مصدوم من رد فعل احمد ويحدث نفسه
هل هذا رد فعل عريس وهذه عروسته وليله عروسهم اليوم يتركها دون مبالاه
فاق من شرورده علي صوت نرمين
نرمين:يا دكتور
الدكتور:حمد لله علي سلامتك
نرمين:الله يسلمك ممكن اطلب منك طلب
الدكتور:اتفضلي
نرمين:ممكن تخرجني من هنا
الدكتور:ازاي انتي ليسه حالاتك حرجه
نرمين:ابوس ايدك انا مش هينفع ارجع البيت هيموتني دول اخدوا كل حاجه امتلكها وانا يتيمه ومليش حد يوقفلهم
الدكتور:حتي لو وافقت انتي هتروحي فين
نرمين:مش عارفه بس الشارع احسن بكتير من اللي هيحصلي
الدكتور:صعبت عليه جداااا فكر شوي وبعدين رد طيب بصي انا عندي مركز اشاعات في منطقه عشوائيه وشقه هناك ببات فيها لما اتاخر تقدري تقعدي فيها
لحد ما تشوفي هتعملي ايه
نرمين :انا هرفع قضيه خلع مستحيل اعيش معاه تاني بعد ما كذب عليا واستغليني
الدكتور :طيب لما تتحسن
نرمين :لا ابوس ايدك
الدكتور :طيب بصي هديك العنوان ولو تسمحلي هبقا اجي اطمن عليكي
نرمين:يبقا كتر خيرك وجميل عمري ما هنساه
الدكتور :خلع المفتاح من مفاتيحه وأعطاه العنوان وخرج معاها وقف تاكسي وحاسبه
عوده
ظلت تبكي وتبكي وهي ترفع وجهها وجدت أمامها
يتبع . ❝