❞ السلام عليكم ورحمة الله وبركاته
في بداية الحوار ممكن معرفة بعض المعلومات الشخصية عنك
الاسم: داليا موسى أحمد حسين
العمر: 18 سنة
المحافظة: أسيوط
لقلبك: دودو 😂💗

الموهبة: الكتابة الأدبية – قصص قصيرة، خواطر، مقالات، وبعض التجارب الروائية

__________________♕
ممكن تقولِلنا بدأتِ كتابه من أمتى؟
=بدأت رحلتي في الصف الثالث الإعدادي، لما اكتشفت إن في جوايا طاقة ومشاعر محتاجة ورق وقلم علشان تخرج. ومن يومها، والكتابة أصبحت جزءًا مني.
__________________♕
مين وقف جمبك وشجعك ف أول خطوة ليكِ ف المجال؟

= أول شخص شجعني كانت صاحبتي "مروة"، ومن بعدها لقيت دعم من صحابي في المدرسة. ومع الوقت، أسرتي بدأت تلاحظ تطوري، وكان والدي وخطيبي هما أكتر ناس دعموني بكل حب.
__________________♕
هل لديكي اعمال ورقية او الكترونية

=عندي أعمال إلكترونية منشورة، لكن لسه ما نشرتش كتاب ورقي. حاليًا بشتغل على رواية جديدة، وشاركت بقصص قصيرة في مجالات إلكترونية وكتب جماعية، زي:

"أخيرًا اتكلم" كتاب ورقي جماعي

"ربما علينا خوض المغامرة"قصة قصيرة

"بين الوهم والحقيقة"قصة قصيرة

"مقعد الانتظار"قصة قصيرة

"الخيط الذي أنقذني"قصة قصيرة

وكتبت مؤخرًا مقالات مثل:

"عندما يتحول الإنسان إلى مجرم"

"البارانويا حين يصبح الخوف أسلوب حياة"


__________________♕
من رأيك الكاتب المثالي او الناجح أيه أكتر شيء بيتصف بِ؟

=الموهبة أكيد هي الأساس، بس الصبر والمثابرة هما اللي بيخلّوا الكاتب يتطور. كمان مهم يكون عنده خيال، قدرة على الوصف، وتقبُّل للنقد
__________________♕
أي شخص في بداية حياته او مشواره بيقابل صعوبات فهل واجهتك صعوبات في المجال؟ وأزاي تخطتيها؟

= أيوه، واجهت كسل داخلي وعدم التزام في البداية، بس بالعزيمة بدأت أخرج من الدائرة دي. كمان واجهت انتقادات، لكن حولتها لدافع قوي علشان أكون أفضل.
__________________♕
مين أكتر الشخصيات اللي قابلتك ف مجال الكتابه وأثرت فيكِ ككاتبه؟

= تأثرت جدًا بأعمال الكاتب محمد أحمد حسانين،وبأعمال الدكتور أحمد خالد توفيق...
والشاعر محمود درويش. كتاباتهم كانت ملهمة بشكل كبير.

__________________♕
كلمينا عن انجازاتك داخل وخارج المجال؟
=نجحت في الثانوية الأزهرية بمجموع كويس

التحقت بكلية الشريعة والقانون

نجحت في الفرقة الأولى، وأنا حاليًا بعد بداية الدراسة سأكون في الفرقة الثانية

كُرّمت بسبب كتاباتي

شاركت في كتب إلكترونية جماعية

نجحت في دمج دراستي بموهبتي

كتبت أكثر من قصة
__________________♕
من وجهة نظرك گ كاتبة هل الكتابة هوايه ولا موهبه ولا ممكن شخص يكتب عادي؟

= الكتابة في الأساس موهبة، لكن ممكن تنمو بالممارسة والتغذية الفكرية. القراءة، والتأمل، والتدريب بيخلّوا أي حد يطوّر نفسه.
__________________♕
لكل شخص مثل أعلي ليه في الحياة بيأخذه قدوة له ويهتدي به فمين مثلك الأعلى؟
=
كل شخص بدأ من الصفر ووصل، هو قدوتي. الناس اللي كسرت القيود ومشت ضد التيار، هم اللي بيشكلوا دوافع كبيرة ليا.
__________________♕
هل عندك مواهب تانيه؟

= أحب الرسم جدًا، والقراءة، وأتعلّم حاليًا قراءة القرآن بالتجويد، وكمان بتعلم كتابة المحتوى.

__________________♕
هل أخذتي أي خطوة في مجال الإلقاء؟

= أيوه، بدأت في تجارب بسيطة في الإلقاء، ولسه بطور نفسي فيه.

__________________♕
كلمينا عن خططك المستقبليه في الكتابه؟

= أكون كاتبة معروفة ومؤثرة، ويكون ليا كتب بتحمل اسمي في كل مكتبة، وتوصل رسالتي لكل قلب محتاج كلمة أمل.

__________________♕
لكل شخص منا حلم يريد أن يصل له فما هو حلمك؟
=نشر أول عمل ورقي ليا، وإنه يوصل لقلوب الناس. كمان نفسي أطور نفسي في فن الرواية، وأبني قاعدة جماهيرية تتابع كتاباتي
__________________♕
تقولي إيه او تنصحي بِ إيه لكل شخص يريد ان يسلك مجال الكتابة

=ابدأ، حتى لو من أبسط حاجة. متستناش الكمال. اقرأ كتير، اكتب أكتر، وتقبّل النقد بحب. خلي شغفك هو اللي يوجّهك.

__________________♕
ممكن شيء من كتاباتك
ماذا لو عاد معتذراً؟
= ماذا لو عاد معتذرًا؟
هل نُعيد الذكريات، أم نُعيد كسر أنفسنا؟
الخذلان الأول لا يُشفى، فماذا نفعل حين يعود من جعلنا نُجيد التجمّل بالوحدة؟"
__________________♕
وجه كلمه للكيان

=شكرًا من القلب، لكل منصة احتضنت حرفي، وكل شخص آمن بيا، وكل كيان خلق لي مساحة أعبّر فيها عن نفسي
وشكرًا لكيان "إبداع قلمي" على إنه بيساعد في تنمية مواهب ناس كتير وبيحببهم في الكتابة والقراءة. شكرًا بجد للكيان المتألّق.
__________________♕
اي سؤال تحبي تضفي؟

= ممكن سؤال: "هل للوجع عمر افتراضي؟"
وإجابتي: لا، لكنه يذبل حين نحوله إلى فن.
__________________♕
كلمه أخيره نختم بيها الحوار؟

أنا لسه في البداية، لكن مؤمنة إن اللي بيبدأ بحب، يوصل بحب.
الكتابة نجاة، وأنا وجدت فيها طوقي.

__________________♕ ❝