حوار صحفي مع الكاتبة / بسملة علاء

- حوار صحفي مع الكاتبة / بسملة علاء

تقديم♡ تتشرف جريدة العائلة الرضوانية بتقديم موهبة تألقت في سماء الإبداع، وأثبتت أن الطموح لا يعرف مستحيلًا، وأن الفنّ يُولد من الشغف ♥ إليكم هذا اللقاء المميز مع إحدى النجمات الصاعدات ✨ ــــــــــــــــــــــــــــــــــــــــــــ الاسم: بسملة علاء فتحي السن: 18سنة المحافظة: الفيوم الموهبة: منشدة، كاتبة، شاعرة اللقب الأدبي أو الفني: عہاشہقہة الوحہدة ــــــــــــــــــــــــــــــــــــــــــــ الأسئلة/ 1. كيف بدأتِ أولى خطواتك في عالم الموهبة؟ وهل كانت تجربة سهلة أم صعبة؟ الإجابة: بدأت إنشاد أول مرة مع المايسترو الحسن، أما الكتابة بدأت وقت ما كنت بكتب بالعامية وصاحبتي شافت بوست عندي فقالتلي أكتبه بالفصحى، وعجبها وقتها فقررت أدرب أكتر على الكتابة. كانت تجربة صعبة شواية في الأول بس مع التدريب أتعودت. 2. ما هو أول عمل شعرتِ فيه أنكِ "وصلتِ" فعلًا؟ الإجابة: وقت ما طلعت بفقرة إنشاد في حفل العائلة الرضوانية، الكتابة وقت ما بدأت أحس إني بخفف عن الناس الكتومة اللي مش قادرة تتكلام وتبوح بوجعها ولما بدأت أشارك في كتب مجمعة. 3. هل تعرضتِ لمواقف إحباط؟ وكيف تعاملتِ معها؟ الإجابة: أكيد كل واحد مننا عنده مشاكل وبيتعرض لإنتقادات كتير بس أنا كنت بتعامل معاها على إنها دافع قوي ليا عشان أكمل طريقي للوصل لحلمي. 4. برأيك، هل الإبداع فطرة أم مهارة مكتسبة؟ الإجابة: الإبداع ممكن يبقي فطرة وموهبة جواه الشخص بس ممكن بالإهمال يخسرها فلازم ندرب ونركز على تطوير مواهبتنا حتي لو كانت مهارة مكتسبة. 5. كيف توفقين بين دراستك/حياتك اليومية وبين تطوير موهبتك؟ الإجابة: بحاول أنظم وقتي كويس عشان مقصرش في أمر منهم وكمان أنا طول الوقت بحب موهبتي عشان بتخفف عني وقت حزني زي إني أكتب اللي جوايا أو أنشد مداح عن الحبيب المصطفى. 6. لو رجع بك الزمن، ما النصيحة التي كنتِ ستوجهينها لنفسك في بداية الطريق؟ الإجابة: نصيحتي هي بلاش تحزني ولا تستسلمي لإنك هتوصلي بعد التعب دا فمتزعليش على تعبك عشان النجاح طعمه حلو أوي. 7. من هو أول شخص آمن بموهبتك وساندك؟ الإجابة: الإنشاد كان المايسترو الحسن هو اللي كان بيشجعني وشايف إني لازم أدرب أكتر عشان أتمكن في المجال، لكن الكاتبة والشعر أنا كنت بشجع نفسي بنفسي. 8. من المشاهير أو الأدباء الذي تتمنين لقاءهم؟ ولماذا؟ الإجابة: الشاعر هشام الجخ، فارس قطرية، أميرة البيلي، لإنهم من أكتر الناس اللي بيلمس كلماتهم قلبي وبيوصفني وقت حزني. 9. ما هو الإنجاز الذي تطمحين لتحقيقه قريبًا؟ الإجابة: إن شاء الله بخطط لعمل كتاب أو رواية لوحدي وكمان بدرب على الفويس أوڤر الفترة دي وبتمني أوصل فيه لمكانة كبيرة بإذن الله. 10. لو سألناكِ عن "لحظة فخر"، ماذا ستكون؟ الإجابة: وقت ما بدأت أدخل مسابقات المبادرات وأخد مراكز في مجالات مختلفة. 11. شاركينا عملًا من موهبتك سواء شعر، رسم، كتابة، أو غيره: الإجابة: هشاركم خاطرة تحفيزية *لا تيأس يارفيق* كيف حالك يا صديقي؟ أنا أعلم أنك متعب ومرهق من الضغوط التي حولك، ولكن لا بأس فكلما اشتد الظلام والحزن إعلم؛ بأنه ما إلا نورٌ يتلصص خلف الغيم، فالجميع دائمًا يشعر بارتعاشةُ البدايات عندما يكون في بداية الأمر الذي يفعله، واجعل بداخلك تفاؤل ومقاومة باستمرار؛ لكي تكمل الطريق حتي وإن كانت نتيجة المحاولة مجرد ظلُّ احتمالٍ بعيد، لذلك عليك أن تبدأ في تطوير ذاتك، والتغلب على السلبيات التي في حياتك طوال الوقت؛ حتي تصل لغرضك وحلمك. گ/عہاشہقہة الوحہدة 12. ما رسالتك لكل فتاة تمتلك موهبة لكنها خائفة تبدأ؟ الإجابة: مضيعيش الوقت في التردد والخوف عشان متندميش بعدها وخدي خطوة ناحية موهبتك وتطوريها بالتدريب أكتر وحلمك لازم توصلي ليه في الأخر لإنك قدها وقدود. 13. ما رأيك في جريدة العائلة الرضوانية؟ وهل ترين أنها تفتح مساحة حقيقية للمواهب؟ الإجابة: المبادرة كلها مش الجريدة بس جميلة أوي وحالة أشكر المايسترو الحسن رمضان على العمل الرائع دا ومع تمنياتي للجميع بالتوفيق والنجاح. 14. كلمة أخيرة تُحبين توجهيها لنا؟ الإجابة: خليك مع ربنا وبلاش تركز مع كلام الناس المهم ترضي ربنا وتقرب منه عشان إنت مهما طالت بيك مدة إقامتك في الدنيا هتسيبها في الأخر وترجع لربك. ــــــــــــــــــــــــــــــــــــــــــــ وفي ختام هذا اللقاء الممتع، نُحيي روحك الملهمة وننتظر دومًا جديدك 💫 ــــــــــــــــــــــــــــــــــــــــــــ المؤسس/ المايسترو: الحسن رمضان رضوان. النائب العام/ نورهان رمضان " ليالي ديسمبر " مديرة الجريدة/ فاطمة صبحي المحررة الصحفية/يارا رفيق محمد ، دليل وجدول مواعيد معارض الكتب في الوطن العربي ، وتقويم للفعاليات والاحداث الخاصة بالكتب والمؤلفين والندوات والمؤتمرات الثقافية