قراءة المزيد .. ❞ 🌿 الدراسة 🌿
هتيجي تقولي متكلمتش ليه باستفاضة عن الدراسة هقولك أنا فعلا جاية اقولك شوية كلام عن الدراسة بالنسبة لـ فئتك كـ مراهق فأنت أكيد في أشد مراحلك الدراسية شراسة و حرارة ألا و هي الثانوية و سواء كنت عام او لغات_ علمي أو ادبي_ تجارة او صناعه او أي حاجة فإنت لا غني لك عن الجد والاجتهاد و المثابرة و المعافرة و مفيش حاجة اسمها فئة أقل من فئة أو فئة شايفة المُرّ اكتر من فئة يعني متجيش تقولي ˝لاااااااااا دنا داخل علمي… الأدبي للعيال اللي مبتذاكرش˝
مش هكدب عليك… أنا كمان تخيلت للحظة إنه الموضوع كدا لكن بعدين بقيت بفكر بعقل أوسع و لقيت إن العلم علم.. سواء كان كيميا و فيزيا و احياء او فلسفه و علم نفس و تاريخ.
في الحالتين بندرس علم و في الحالتين إحنا بنتعلم مفيش فرق بين خريج طب و خريج حقوق… و مفيش فرق بين إللي أخد تمريض بعد اعدادي و بين إللي أخدها بعد الثانوي

في ناس بتدخل ادبي و تدخل منها آداب و يطلعو مدرسين أفاضل يربو أجيال و في اللي بياخد ألسن و يطلع منها بـ لغة او اتنين و يتخرج و يعلمهم لناس كتير من محبي تعلم اللغات و عندك واحد دخل علمي و مع ذلك طلع شايل عربي و كيميا

مش بقولك واحد أحسن من التاني… دا مجرد مثال عشان تفهم قصدي و ختاما لهذه الفقرة احب اقولك اختار إللي إنت حابب تدرسه مش إللي غيرك شايف إنه مهم

مبدأيا كونك طالب ثانوي(عام _ فني _ أزهري) فـ إنت مطلوب منك تذاكر و تجتهد و تفحت في الصخر زي ما بيقولو لأنك في كل الحالات أكيد هتوصل لـ حاجة و علي اد ما هتتعب علي اد ما هتاخد في الاخر و لازم تعرف إن العلم بيرفع صاحبه فـ لازم تهتم بالدراسة.


هتقولي مش بحب المذاكرة و بتنكد كل ما أشوف الكتب… هقولك بكل بساطة إنت مش لوحدك محدش يا عزيزي بيسمع سيرة المذاكرة و يبتسم بس تعالي نفسر الحوار دا… أولا طول ما إنت بتدي لعقلك إشارة إنه هيبذل مجهود كل ما هيقلل حماسك للموضوع عشان كده قول لنفسك ˝يا عقلي أنا هذاكر و المذاكرة ممتعة زيها زي الأكل و الشرب و المرواح للملاهي ˝.

ثانيا لازم المكتب أو المكان إللي هتذاكر فيه يكون نضيف و هادي و بيشع كدا طاقة إيجابية و حاول تستخدم قصاصات الورق الملونة و تعمل خرايط ذهنية و ترتب الأفكار في الورق و تذاكر منها و تحطهم لوقت تحتاجه زي المراجعات و إمتحانات الدروس كدا يعني.
نفترض سوا إنك مش بتحب تكتب كتير هقولك إنت ممكن تشرح لنفسك الدروس في تسجيلات و تحتفظ بيها و تسمعها كل ما تنفلت منك زمام الأمور يعني كل ما تحس إن الموضوع تقل عليك.. هاته من الأول بالشرح دا و تقدر تسمعها في أي وقت زي مثلا المواصلات لو إنت سكة سفر أو في حصة فاضية في المدرسة بس خد بالك لازم تستأذن عشان في معظم المدارس الموبايل بيكون محظور و بيتصادر فورا لما يلاقوه و ربنا يعوض عليك لو طلعت إدارة غليظة و ملتزمة بالقوانين.

و أهم حاجة تقلل من استخدام الهاتف ولو انت طالب معظم دروسه أونلاين فـ ممكن تمسح التطبيقات اللي بتاخد وقتك زي facebook او Instagram او Twitter بالذات انهم بيسحبوا جزء كبير من باقة النت و هيضيعو الوقت كمان.
وفي النهاية يا عزيزي أنا مش بفرض عليك وضع معين… اختار إللي يريحك و يناسبك لكن أيا كان الوضع إللي هتمشي عليه…. فأنت مجبر تذاكر ثم تذاكر ثم تذاكر كمان مرة.



هتقولي أنا مش بحب اذاكر لوحدي أو في البيت… بحس بملل و مش بلاقي حاجة تخليني افصل لو حسيت بالتعب…. هقولك ممكن تروح تذاكر في كافيه او حتي حديقة… المناالمناطق الخضراء هناك كفيلة تروق عليك بمجرد ما تتأملها و حاول تختار مكان مظلل و مفيهوش اطفال و لو خت حد معاك زي صاحب دحيح و جاد في المذاكرة والله يكون افضل لإنه بالظبط هيكون زي الشاحن ليك كل ما طاقتك تنفد و الصراحه في حل ألطف من كدا… ممكن تعمل جو زي كدا في الاوضة… تجيب زهور سواء من المشتل أو من محل التحف و تشغل قرآن علي موبايلك بصوت بتحبه و تعمل جوك إللي تحبه بقي و يسلام لو تفتح الشباك بدل النور الصناعي…. دا إنت تكون نقلت الجو كله و انت قاعد…




Habiba ali . ❝

قراءة المزيد .. ❞ تمسح دموعها بعنف: لا يا صهيب ،انت مش غلطان ،انا كنت عارفة من البداية انك برئ ،ينظر لها بدهشة وقبل أن ينطق تنظر إليه بعيون باكية :ممكن تشتري لي مية
تنظر إليه بتعجب ثم يقف وهو يتنهد بهدوء:حاضر
وقبل أن يذهب تمسكه من ذراعه برجاء :ممكن توعدني وعد ..
بتعجب :طبعا اتفضلي ..
:صهيب وائل أمانة في رقبتك ..
ينظر إليها بترقب :انتي ناوية علي اي ؟
تبتسم وهي تنظر إليه بخواء ولامبالة :متقلقش ،انا كويسة جدا ،ممكن تروح تشتري لي الميه.
:حاضر
ومان ابتعد عنها بضع خطوات يلتفت إليها لتكن الصدمة وهي تقف علي حاجز المياه و تنظر إليه بتوديع ،ثم تقفز بوسط البحر
تحت صرخات ونحيب صهيب :سمرررر ،لاااااااا . ❝

قراءة المزيد .. ❞ كنت زى أى شاب عايز اتجوز واستقر واعمل عائلة شوفت بنت عجبتني وقررت اتقدملها .
#بقلم_الهام_احمد_نيروزونيارنيار
وفعلاً اتقدمت لها واتجوزنا والحياة كانت ماشية اينعم أنا على أدى بس عايشين مستريحين بعد فترة مراتى حملت وكنت مبسوط جدا بأنى وأخيراً هبقى أب وأول طفل ليا مراتى حامل فيه ما كنت مخلى مراتى عايزة حاجه كنت بحاول على اد ما أقدر استحمل تقلبتها المزاجية وخصوصاً لما عرفت أن الحمل بيخلى الست فى تقلبات بسبب الهرمونات بتاعت الحمل.المهم عرفت أنها حامل في بنوته الدنيا ما كنتيش سيعانى من الفرحه.ولما جات لوجى نورت الدنيا كنت فرحان اوى بيها على الرغم من زيادة المصاريف وزيادة الاسعار بس كنت مبسوط أوى بيها.بس مراتى طول فترة الحمل وهى منكدة وكمان لما ولدت بقت بتتخانق على أى حاجه آخر حاجه اتخانقت معايا علشان أنا مش بقعد معاها وهى زهقت لأن البنت مقيدها في البيت حتى مش بتعرف تخرج خالص لما زهقت واتخنقت.
حاولت أهديها واقولها أنها بمكن في فترة ضيق وحالة نفسية بعد الولادة هنحاول نتخطاها.
وفضلنا فى الخناق اللى ما بيخلصش وكل شوية حجة مختلفة البنت بقى عندها سنتين ونص.
كل شوية تعالى شيل معايا مسؤولية بنتك هى بنتى لوحدى.
أقولها عندى شغل علشان اقدر اوفر لكم حياة كويسة تتخانق وتقول وأنا هفضل مدفونه هنا.
غضبت وراحت عند أهلها وطلبت الطلاق.
بقلم إلهام احمد نيروزونيارنيار.
قولتلها أنى موافق أنى أطلقها بس تسيب البنت وأنا هعطيها كل حقوقها الغريبة أنها ما اتمسكتيش بيها زى أى أم وقبلت تسيب لى البنت ومضت تنازل عن الحضانه واطلقنا بس طبعاً مش هحرمها من بنتها عايزة تشوفها في أى وقت تشوفها عايزة تاخدها تقضى معاها يوم تاخدها لكن فى الحقيقة ما كنتيش بتطلب تشوف البنت.
البنت هى اللى كانت بتسأل عليها وبناء عليه كنت بكلمها واخليها تشوف البنت علشان ما ابقش حرمت بنتى من أمها بس كنت بحس أن البنت مش فارقه معاها المهم تخرج وتتفسح وتشوف نفسها.لكن البنت مش فارقه معاها.
عدى سنتين ونص على الحالة دى أنا اللى بطلب منها تشوف البنت وهى كانت بتوافق تشوفها لكن ولا مره قالتلى هاتها تقعد معايا وأنا من حبى لبنتى ما كنتش هعرض عليها كده بس جينا يوم وقفة العيد الكبير بنتى اتحايلت عليا تقضى العيد مع أمها وعلشان أنا بحبها ما رضيتش أرفض لها طلب واتصلت بمامتها وقلت لها البنت عايزة تقضى معاكى العيد قالت ماشى هاتها تقعد معايا أسبوع.
حميت بنتى وسرحتلها شعرها ولبستها لبس جميل وعملت لها شنطه صغيرة فيها لبس ليها وكلمت مراتى تنزل تاخد منى البنت فى الشارع قدام بيتها.
وفعلاً نزلت واستلمت البنت كانت جميلة ومبسوطه علشان هتقضى العيد مع أمها حضنتنى جامد وباستنى فى خدى وقالت هو أسبوع وهرجعلك تانى.
بعد كام يوم اتفاجاء ببلاغ ضد أخويا من طليقتى بأنه اعتدا إعتداء متكرر على بنتى.كنت هتجنن حصل امتى ده أنا مسلمك البنت يوم الواقفة زى الفل نظيفة وسليمة وصحتها كويسة بشهادة الناس اللى فى الشارع وجبت الناس اللى كانت واقفة وأنا بسلم بنتى لأمها وشهدوا أن البنت كانت سليمه ونظيفة وكانت فرحانه ومفيش عليها أى أعراض مرض أو أى حاجه تانية.
بقلم إلهام أحمد نيروزونيارنيار.
وكيل النيابة استدعا طليقتى تانى ووجهها بشهادة الناس وأن اتهامها لاخويا باطل لأنه ما شافش بنتى بقالوا كتير ده غير أنه مستحيل يعمل كده ومن كتر الضغط عليها اعترفت بالكارثة مش قادر أصدق اللى حكيته وقلبى مولع على بنتى اللى ماتت بسبب إهمال أمها وتركها لناس معدومى الضمير.
اعترفت أنها ما كنتش بتقعد مع البنت وأنها كانت كل يوم بتسيبها وتخرج والبنت كانت بتبكى وتتحايل عليها ما تسيبهاش لكن هى كانت بتطنش وتسيبها وفى مره وهى بتحميها شافت علامات على فخذى البنت ولكن ما اهتمتش وشافت جروح متكررة وبرضوا ما اهتمتش لغاية ما البنت ضعفت بسبب الخوف من الاثنين معدومى الضمير اللى أمها كانت بتحميهم.
كان أبو طليقتى بياخد البنت شقة فاضية بعد لما أمها تخرج ويعتدى عليها جنسياً وبيهددها أنها ما تقولش لحد وهى حاولت تكلم طليقتى اكتر من مره لكن طليقتى ما كنتش مهتمه بالبنت أصلا وده خلى جدها يتمادى في اعتداءه عليها وخالها كمان كان بيعتدى عليها لحد لما البنت تعبت بسبب الإعتداءات كان لازم تروح المستشفى ف الجد كلم بنته أنها تاخدها تكشف لها ولو حد سألها تقول إنها واخدها من عند باباها كده . وده عرفته من اعتراف طليقتى فى النيابة بعد الضغط عليها وقالت إنها كانت خايفة تتكلم علشان ابوها هددها.
عالم معدومى الضمير مش عارف أوصف حرقة قلبى على بنتى من إثنين مجرمين استحلوا جسم طفلة فى أفعالهم الشنيعه.
ولا الأم اللى بلا رحمه ازى ما صعبتش عليها بنتها.
تم القبض على الخال والجد والام.
وحالياً هما فى إنتظار الحكم.
واتمنى أشد العقوبة للأشكال المريضة دى.
بعدو عن الدين والحلال و الحرام نسيوا أن فى رب شايف أفعالهم القذرة.
بتمنى من كل قلبي الإعدام لهؤلاء الجناه.
تم القبض على الجناه الخال والجد وآلام.
فى الحجز عند الخال والجد من اول ما دخلوا والمسجين بيضربوهم وهما يستاهلوا بس قرين البنت قرر ينتقم لها قرين البنت ضرب المسجون اللى جنب جدها بالقلم الراجل بص ما لاقاش غير جد البنت جانبه راح قام مسكوا من هدومه ونزل ضرب فيه الراجل وهو بيعيط ويستنجد بتضربنى ليه وراح سب الراجل المسجون ثار ونزل فوقيه ضرب جه إبنه يبعد المسجون عنه اتضرب هو كمان وفضل قرين البنت يعمل مقالب فيهم علشان يتضربوا.
طلع المسجون اللى قرين البنت ضربه هو كبير المساجين سلط المساجين على الراجل وابنه فضلوا رايحين جاين يضربوا فيهم وفى فسحة المساجين إثنين من المساجين حجزوا الخال في الحمام واعتدوا عليه جنسياً بطريقة بشعة خليته يتمنى الموت وفضلوا كل ما تسمح لهم الفرصة يعملوا معاه نفس الموضوع لحد ما ثار عليهم وضرب واحد منهم الاثنين ضربوا لحد ما مات وسابوا في الحمام وخرجوا.
أبوه كان عارف اللى إبنه بيتعرض له من المساجين بس كان خايف يتكلم لحد ما إبنه مات حالته تعبت اكتر وكان بيتمنى جلسة الحكم تيجى بسرعه علشان يهرب من المكان ده ولكن حدث معاه مثل ما حدث مع إبنه ومات بنفس الطريقة وداق من نفس الكأس اللى كان بياذى بيه طفلة بريئة لا تتعدا الخمس سنوات.
لا تأمن على طفلك مع أم مهملة مع خال مع عم مع جد فى زمن الناس بعدت فيه عن دينها وربها.
﴿ وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ ﴾
تمت.....
لو عندك أي حكاية غريبة أو مخيفة حصلت معاك أو مع حد تعرفه وعاوزني أكتب عنها في قصة بكرة كل اللي عليك إنك تبعتلي على الخاص كل اللي تعرفه عن الحكاية أو الموقف المخيف ده بدون استئذان وتأكد اني هشوف رسالتك بأمر الله..
لو عجبتك القصة ادعمنا بلايك وكومنت برأيك لأن رأيك يهمنا وشير للقصة ومنشن لأصدقائك ليصلك كل جديد . ❝