❞ هو يجري والهدف يجري قدامه لا عمره هيحصله ولا عمر الهدف هيقف وياه ❝ 💬 في اقتباسات الكتب 📖

قراءة المزيد .. ❞ كلنا بنجري ونسعى ونعيش ونموت بندور على حاجة مش عارفين هي أصلا إيه. ناس بتسميها (السعادة) وناس بتسميها (الرضا) و(راحة البال)، زي اللي يجري ورا هدف متحرك، هو يجري والهدف يجري قدامه لا عمره هيحصله ولا عمر الهدف هيقف وياه. ينبهر قوي بالأماكن الفخمة، فنادق خمس نجوم، عربيات مرعبة، رحلات (الجزر المالديف) و(الكاريبي)، مع إن راحتنا ممكن تكون في مكان بسيط، في وسط عيلة، في حضن حد بنحبه ومتطمنين معاه بنفرح قوي بكل جنيه بيزيد في المحفظة والبنك، مع إن السيمون فيميه بيشيع، والفطيرة أم سمنة وسكر بتشبع، وكوز الدرة بيشبع. شاغلين بالنا باللي ناقص في دواليبنا اللي أصلا مليانة مع إن الجسم واحد والطول معروف والوزن مش فارق كثير.
- بنشتري عشرين كرسي وكنبة ونقعد على كرسي واحد، بننام على نفس الناحية في السرير بقالنا سنين، بتطمن لما بنشتري، بنحس بالانتهاء ناحية الأشياء، بنشتغل فوق طاقتنا عشان ناخد فلوس مابنصرفهاش ويوم ما بنصرفها بنجيب حاجات مابنستخدمهاش أو مش محتاجينها. وفي وسط كل ده بتروح علينا كام قعدة حلوة، وأكلة سخنة وضحكة من القلب❤، وحضن دافي . ❝