❞ أولاً كل واحد هيتحاسب لوحدوا ❝ 💬 في اقتباسات الكتب 📖

قراءة المزيد .. ❞ ـــــــــــــــــــــــــــــــــــــــــــــــــــــــــــــــ
إسكريبت جديد.. ♥

_توبتوا إزاى..!؟

: بوست كتبت فيه قصه هدايتي...

-هو ليه كل شويه أنا بالذات يحصل معايا كده ليه.

_إهدي يا نور متقوليش كده قولي الحمد لله.

-أنا تعبت قوي يا هدى تعبت؛ كل حاجه فى حياتي جايه بالعكس معايا وحياتي بايظه وأهلي مش فاهمني وبيعاملوني وحش وحتى الولد الى كنت بحبو سابني ودراستي بايظه أنا تعبت قوي قوي..

_طب حالك مع ربنا ايه يا نور؟

-إيه إزاى ده أنا عادى بصلي وبدعي لكن مفيش حاجه بتتغير..

_مهو الذنوب بتحجب الدعاء انو يوصل فمبيتقبلش مهو الى غلط لازم يتعاقب لازم..

-طب انا غلطت فى ايه انا معصتش ربنا معملتش حاجه من الكبائر يعنى ولابسه طرحه ودريس طويل اهو وسعات بناطيل لكن الواسعه دى ومش بعمل حاجه غلط يعني..

_مهو الغلط اننا منعمل الذنب وفاكرين دايما إننا صح مفكرتيش مره ان الخمار فرض ذى الصلاه وهتتحاسبي عليه كلامك مع الشباب غلط وحراااام انك مش مهتميه بالصلاه وبعيده عن ربنا وشايفه بعد كل ده انك صح.

-أه صح عادى كل الناس كده يعني كل الناس دول غلط.

_أولاً كل واحد هيتحاسب لوحدوا..
ثانيًا لو الرسول ﷺ كان بينا دلوقتى تحبيه يشوفك بلبسك دا تحبيه يشوفك بتغضبي ربنا وبتكلمى شاب فى الحرام وإنك بتغضبي أبوكي وأمك ومش بتطعيهم ولا بتعبدي ربنا عباده صحيحه تحبيه يجي يشوفك كده قوليلى لو قابلتيه على الحوض ومرضاش يشربك هيكون إحساسك إيه هتكونى مبسوطه هيبقى إحساسك إزاى وإنتى بتتعذبي فى النار هااا إحساسك هيبقي عامل إزاى فكري كده. طب فكرتي مره حالك لما تموتي  هيحصلك إيه. طول عمرى نفسي نكون صحاب صالحين لبعض متستنيش الموت ياخدك وانتي لسه فى غفله ويبعدك عن الجنه إحذري من الدنيا يا نور الدنيا فتنه وإلهاء إوعك يا نور تحبى النار أكتر من الجنه..

-إنتى حره وأنا حره فى حياتى أنا شايفه حياتى صح.. يلا سلام عشان همشى وانا غلطانه انى جتلك بدال متساعديني بتدينى محاضره..

_سلام يا نور أسأل الله لي ولكي الهدايه..

-اللهم آمين. يلا اشوفك بكره.

_ان شاء الله..
ـــــــــــــــــــــــــــــــــــــــــــــــــــــــــــــ

_نور نور نور اصحي يا نور..

-إيه ده أنا فين إيه إلي جابنى هنا يا هدى وإنتي لابسه كده ليه وشكلك عامل كده لييه متغيره للأحلى قووى.

_أنا جايه أودعك يا نور خلى بالك من نفسك وأحب أقولك إنها صعببه قوى والملائكه جايه تاخد روحك وجع قوووووى وإنتى بتتسحب منك روحك يا نور إحساسى بالوجع وانا سامعه الكل ومحدش سامعني الموت طلع أصعب مما كنت متخيلاه روحك وهى بتطلع من جسدك صعبه قوووى الموت بييجي بسرعه متخليش الدنيا تضحك عليكي وتلهيكى الموت قريب قوووى وعذاب القبر صعب قوووى يا نور والنار أصعب إدعيلي أدخل الجنه أنا مرعوبه من سؤال الملكين خايفه خايفه مجاوبش صح خايفه أضيع إدعيلى ربنا يثبتني ساعه السؤال إدعيلي.. سلام يا نور..

-هدى هدددددددددددى رايحه فين إستنى مش هعرف لوحدى إستنى هددددى..

: في إيه يا نور بتزعقى كده ليه.

-هدى يا ماما أنا عاوزاها هى هى هى فين..

: روحلها البيت أنا رنيت عليها تلفونها مقفول..

-حاضر..

ومشيت وأنا بدعي ألاقيها مش هقدر أعيش فى الضلمه لوحدى هسمع كلامها وهرجع لربنا هصلح حياتى لكن ميكونش عقابى إنها تمشى لاااااا مش هقدر لااا..

-هدى فين يا عمتوا..
_إدخلي صحيها يا نور دى شكلها لسه نايمه..

دخلت وأنا إيدى بتترعش ودموعى بتنزل خايفه خايفه قوى لكن دموعى نزلت مكتومه بوجع قووووى وأنا بقولها قومي وهى مش سمعاني.. هدى قومي هسمع كلامك والله هدى قومى وبطلى تمثيل أنا أسفه إني زعلتك بس متسبنيش لااااااا مش عاوزه دا يكون عقابي إنى أفقدك لااااا ياريتنى معصيت ربنا ياريتني خليتك مبسوطه قبل متمشي وتسبيني إسمك هدى وكنتى هدى فعلااا بس مكنتيش تسبيني...

ملقتش نفسى بعمل حاجه غير إنى حضناها وساكته والكل من جمبى بيعيط وأنا مفيش فى تفكيري غير إنى بدعلها زى مقالتلى بفتكر كل كلمه منها وببكى أكتررر.
لقيتها كاتبه أخر جمله فى مذكراتها..
˝إنّ الموت لقريب ولكنهم لايعلمون يا الله. فاللهم أمتنى وأنت راضٍ عني فاللهم الهدايه لنور  والجنه لى ولها˝ اللهم آمين..

الدرس الأول والأخير متستناش لما ربنا يبتليك بإبتلاء شديد عشان تبعد عن الذنوب تووب من دلوقتى عشان العقاب ميكنش كبير وياخدك الموت على غفله أنا لو هطلب حاجه من ربنا هطلب إني كنت بقيت الصاحبه الصالحه ليها هطلب بس إن ربنا يتقبل توبتى ويجعله فى ميزان حسناتى وحسنتاها متستنوش لحد متندمو ندم يبقى معاكو العمر كله توب من دلوقتى وإرجع لربنا.

ودى كانت حكايتى أنا نور فِكرى الحمد لله ربنا هدانى وبقيت داعيه إسلاميه فاللهم لك الحمد...

#حكايات تائب..

                  لـ/أمنيه خميس 🦋

اللهم إغفر لأمنيه، اللهم الجنه لأمنيه ولوالدى أمنيه. اللهم آمين ♥
ـــــــــــــــــــــــــــــــــــــــــــــــــــــــــــــــ . ❝