دليل الكتب والمؤلفين ودور النشر والفعاليات الثقافيّة ، اقتباسات و مقتطفات من الكتب ، أقوال المؤلفين ، اقتباسات ومقاطع من الكتب مصنّفة حسب التخصص ، نصيّة وصور من الكتب ، وملخصات للكتب فيديو ومراجعات وتقييمات 2024
❞ إزيك عاملة ايه
عليكى طمنينى
بقالك كتير غايبة عن عينى
أنا مش بخير م بعد مسيبتينى
أنام وأستناكى ف أحلامى
سيبتى قلبى الصغير أتيتم
وبحزنى بقى فتافيت
وحشانى منك ضمة
ول بلسم صوتك يداوي جروحى
فينك يا أمى ف غيابك
غابت روحى
#دعاء_محمود #همس_المشاعر . ❝
❞ ملاك ملفوف بتوب ابيض
ع الكفوف متشال
زارك المرض
ولحظة الموت فيكى أنا متخيلتهاش
لسه كنا ماشيين مع بعض ف الطريق
تكونى منى زعلانة بأمانة
لما قولتلك أمشى و ع الناس متسلميش
ما هو مش كل دقيقة نقف وتقولى بسلم ع الغاليين
وانتى عارفة اننا مستعجلين
ولا تكونى رحتى تزورى حد مريض
ما أنا عرفاكى زى العادة مبتكليش
فاكرة لما قالولى امك تعبانة
ولاقيتك خابزة لفلانة
ما قالولى طول الليل منمتيش
خبزتى كيف ورصتيه ف فرن الطين
ايه حصل كنتى أقوى م المرض لما يجيلك تكسريه
اهو الموت جالك ورقدك ف فرشته
واستسلمتى ليه
#دعاء_محمود #همس_المشاعر . ❝
❞ ضحكة مزيفة
بضحكها وأضحك
ع نفسى بيها
الدنيا بالنسبالى شايفنها معايا مش فارقة
ولا الحزن مآثر فىّ
مش شايفنى بضحك
وبهرج يبقى خلاص
مش شايلة هم ولا مسؤولية
اااااه لو تعرفوا الوجع ال بيقطع فىّ وإن الضحكة ال بضحكها
ضحكة مزيفة طالعه م جوايا بأنين غرقانه ف بحر الألم م سنين ولا انتم هنا بىّ دارين
#دعاء_محمود #همس_المشاعر . ❝
❞ صباح الحنين والأشتياق
صباح القلب ال أتعذب ف الفراق وداب
صباح الوجع ال مالى الروح
والدموع ال غطت الكون 🥹
بقالك كام يوم عليا مبتصبحيش
سيبانى ومبتكلمنيش
فين الوعد ال بينا كان
مش متفقين إن فراق مفيش
اليوم بقى ممل وطويل
وإنتى عليا مبتسئليش
وكل ثانيه بتعدى بموت
و نادى عليكى مبترديش
طيب هو إنتى موتى صحيح
عرفاهم بيكدبوا عليا
بس انتى مرجعتيش
قولتلك شويه واكلمك
بس رجعت ملقتكيش
#دعاء_محمود #همس_المشاعر . ❝
❞ أنا العاشق وأنا المجنون وأنا ال سرحان ف نظرة عنيكى
أنا ال فاكر وبردد كل كلمة م حواديتك
تشهد حروف قصايدى وهى عاجزة توصف
حزنى عليكى
والليل شاهد ع سهرى
والقمر ال بيفكرنى بيكى
أصعب ع الليل
فيطوى ظلامه
ويخبى قمره
غبى ميعرفش
لما بتشرق الشمس
بشوف فيها لمعة عنيكى
#دعاء_محمود#همس_المشاعر . ❝
❞ أنا العاشق وأنا المجنون وأنا ال سرحان ف نظرة عنيكى
أنا ال فاكر وبردد كل كلمة م حواديتك
تشهد حروف قصايدى وهى عاجزة توصف
حزنى عليكى
والليل شاهد ع سهرى
والقمر ال بيفكرنى بيكى
أصعب ع الليل
فيطوى ظلامه
ويخبى قمره
غبى ميعرفش
لما بتشرق الشمس
بشوف فيها لمعة عنيكى
#دعاء_محمود#همس_المشاعر . ❝