❞ يلا عيش الخيال ❝ 💬 في اقتباسات الكتب 📖

❞ سهران لوحدي

سهران لوحدي
أغزل حنين الشوق..
من جوه قلبي اللي اتصدم
★★
أغزل من خيالي البعيد
أُنس الحبيب..
من بعد ما أصبح عدم
★★
باضحك على حالي
وحالي لا يعرف يوم..
إزاي يضحك أو يبتسم
★★
الضحكة دي للسعيد
والسعد للموعود..
وكل وعد بينا اتهدم
★★

يا غدر السنين، يا مُر الأنين،
دا الجراح بتنزف قهر..
والقهر أسوأ من نزيف الدم.
★★
عمر اللي راح ما بيرجع،
وإن رجع! زي السواقي،
عند الرجوع لا تروي، ولا تتحكم.
★★
يلا عيش الخيال،
للصعب المحال، دا الحياة..
لحظة والضحكة فيها بتترسم . ❝