❞ ولما يعوزوا زرع من عندنا بيقولوا عاوزينه زرع طبيعي من غير كيماوي ❝ 💬 في اقتباسات الكتب 📖

قراءة المزيد .. ❞ ˝ عمل أدبي تحول لمسرحية˝

(يذهب عارف لمكتبه ويدخل عليه غفران)
غفران :- د/ عارف اكتب بسرعه اللي هقولك عليه وياريت ماتقطعنيش .. علمونا كلمة استقلال ووحده .. وخلونا نسيب وحدتنا لوحدتنا .. كنا موحدين .. اصبحنا وحيدين .. وعملوا لنفسهم عمله موحده .. علمونا اننا نتكلم بلسانهم ونستخدم لغتهم علشان نلاقي شغل في بلادنا العربيه .. ادونا الكيماوي نزرع بيه ارضنا .. ولما يعوزوا زرع من عندنا بيقولوا عاوزينه زرع طبيعي من غير كيماوي
(يخرج غفران سريعاً)
عارف :- معقولة تكون ديه فلسفتك في الحياه .. والله ما بقيت عارف من فينا اللي المفروض يكون نزيل هنا
(يعود غفران سريعاً)
غفران :- اسمع وماتكتبش .. عارف خيوط اللعبه في ايد مين .. طب انت عارف ان اللي فاكرين نفسهم مسكين خيوط اللعبه هما نفسهم جواها .. كلنا .. كلنا بنؤدي الدور اللي مرسوم وفاكرين اننا فاهمين الا اللي عارفين
(يخرج غفران)
عارف :- يعني ايه .. كلنا عايشين وفاكرين اننا فاهمين واحنا في الخيط مربوطين
(تدخل امل ومعها غفران)
عارف :- في حاجه تاني حتمليهالي يا غفران
امل :- هو لسه ملاك اولاني .. ده معايا من بدري في المرور علي المرضي وافتكر كلام عاوز يقولهولك في المسرحيه وجبته وجيت
عارف :- طب ماهو لسه ممليني الكلام فعلاً .. حتي هتلاقيه عندك هناك
(يشير عارف نحو الورق وتذهب له امل ويقف عارف امام غفران في تحدي)
امل :- بعد ما كنا موحدين .. بقينا وحيدين
عارف :- علمونا نتكلم بلسانهم ولغتهم
غفران :- عاوزين زرعهم بدون كيماوي
امل :- ايوه .. نفس الكلام
غفران :- كلنا بنؤدي نفس الدور
امل :- الكلام ده مش موجود
محمود زيدان حافظ . ❝