❞مريم أحمد علي❝ المؤلِّفة المصرية

تسجيل دخول للتصفح بدون إعلانات

27 عاماً

مريم أحمد علي المؤلِّفة المصرية

# مؤلِّفة

مريم أحمد علي متخرجة من كلية الإعلام جامعة القاهرة، و الڤيديوهات بدأت معايا من وأنا في الجامعة وكنت بنزلها علي صفتحتي حبة حاجات كوميديا ..

❰ لها مجموعة من المؤلفات أبرزها ❞ أخر ليالي البشر ❝ ❞ البعض لا يرحل ابدا ❝ ❞ تطبق الشروط و الاحكام ❝ الناشرين : ❞ دار تشكيل للنشر والتوزيع ❝ ❱

أنا زي ما معروف أسمي مريم أحمد علي متخرجة من كلية الإعلام جامعة القاهرة، و الڤيديوهات بدأت معايا من وأنا في الجامعة وكنت بنزلها علي صفتحتي حبة حاجات كوميديا بسيطة، أصحابي وقتها نصحوني أعمل صفحة وانزل عليها الڤيديوهات.

علي مدار السنين اللي فاتت التفاعل كان أكبر مما كُنت أحلم بيه الحقيقية و مكنتش أتوقعه وخلال السنين دي حاولت بقدر إستطاعتي إني اقدم محتوي مش مُبتذل يعني منغير ألفاظ او ايحاءات أو حاجة تتنافي مع تربيتي و شخصيتي و المقبول مجتمعيًا ..

- طب أنتِ ليه بتطلعي تنصحي الناس و تتكلمي عن علم النفس و اللايف كوتشينج!؟

أنا يا سيدي مريت بتجربة اكتئاب فعلي (مش مجرد زعل او حُزن) دامت تقالباتها 3 سنين تقريباً خرجت منها واحدة تانية خالص في كل حاجة .. وجايز ده الجانب اللي معظمكم ميعرفهوش و مش بحب أتكلم فيه كتير أو اشخصن الأمور علي نفسي ، لإنكم بتشوفو هنا الضحك والهزار فقط و أنا حابه إني أكون مصدر طاقة إيجابية مش كلام عن زعل و احباط.

خلال الفترة دي كنت بقرأ في علم النفس بشكل كبير لأنها كانت السبيل للتعافي من الألم النفسي اللي كنت بمر بيه سواء نظريات، مقالات أو حتي كتب بتتكلم عن علم النفس كنت بقراها.

قررت بعد كدا من خلال كل اللي اتعلمته وفهمته انه يكون مشروع تخرجي عن الإكتئاب علشان أوصل رساله لو حابين تعرفوها فيديو المشروع موجود علي الYoutube تحت عنوان " سالب سيرتونين " ، و الحمد لله المشروع أخذ مركز أول علي مستوي مشاريع كلية الإعلام جامعة القاهرة.

الرعاة والناشرين: دار تشكيل للنشر والتوزيع

نماذج من أعمال مريم أحمد علي: