█ حصرياً جميع الاقتباسات من أعمال المؤلِّف ❞ أ:احمدمحمد ابراهيم محمد الحاج ❝ أقوال فقرات هامة مراجعات 2024 ❰ له مجموعة الإنجازات والمؤلفات أبرزها ديوان زي الأفلام لما كنا الناشرين : دار دون للنشر والتوزيع ❱
❞ الديوان ده اهداء الي المزاجيين اللى زى حالاتى .. اللى بيهربوا بالنوم .. و اللى بيضحكوا علشان يخبوا .. اللى بيعملوا كل حاجه من غير فرامل .. بيحبوا للآخر .. وبيدوا كل الفرص الممكنه .. عشان لما يمشوا ميبصوش وراهم .. الطيبين جدااا .. اللى لسه بيصدقوا الناس .. أو بيعملوا مصدقين عشان ميكسفوش حد .. الناس اللى طول الوقت خايفه مش عارفه خايفه من ايه .. وزعلانه عشان زعلانه وخلاص .. الناس اللى لو كسبتهم .. تبقى كسبت ضهر فـ ضهرك للأبد .. شكرا . ❝
❞ احنا نستاهل عقابنا
والظروف طلعت بريئة
احنا بعنا لبعض بعض
ماكانش م اللازم نبيع
ف الطبيعي ان احنا لما
نفترق نبدأ نضيع
الغريبة أنا لسه واقف
والحياة وقفت عليكي
وانتي عايشة الدنيا عادي
جنب واحد مش أنا
وانهارده بدأت أصدق
اني سايبك من سنة . ❝
❞ و اصلح غلطتي بغلطه
بتبقا ساعات كتير أكبر
بحل مشاكلي بمشاكل
و بهرب من الضغوط بضغوط
و طول الوقت مش زعلان
و طول الوقت مش مبسوط . ❝
❞ ونعلن ان من بكره
خلاص الضرب هيوقف
ومن بكرا العراق حرة
وسوريا هتنسى اوجاعها
ويوم الجمعة هنصلي سوا في القدس
وفايرس اسرائيل غلطة
مسحها الكون باستيكه
مفيش من بكرا امريكا مفيش اطفال بتتيتم . ❝
❞ لكل اللى قالوا ˝ هنفضل معاكوا ˝
وغابوا وسابوا الحنين و الفراق
لكل اللى عايش عشان حد تانى
لكل اللى كان نفسه اصلا يعيش
لكل اللى ساكت ولو قولت مالك
يكون فيه ولكن يقولك ˝ مفيش ˝ . ❝