📘 ❞ لما كنا ❝ كتاب ــ أ:احمدمحمد ابراهيم محمد الحاج

❞ ونعلن ان من بكره
خلاص الضرب هيوقف
ومن بكرا العراق حرة
وسوريا هتنسى اوجاعها
ويوم الجمعة هنصلي سوا في القدس
وفايرس اسرائيل غلطة
مسحها الكون باستيكه
مفيش من بكرا امريكا مفيش اطفال بتتيتم . ❝

❞ الجارح بكره هيتجرح
والمجروح دا مسيره يخف
كلنا ادوار بتتبدل
طول ما الايام دايرة تلف . ❝

❞ لكل اللى قالوا ˝ هنفضل معاكوا ˝
وغابوا وسابوا الحنين و الفراق
لكل اللى عايش عشان حد تانى
لكل اللى كان نفسه اصلا يعيش
لكل اللى ساكت ولو قولت مالك
يكون فيه ولكن يقولك ˝ مفيش ˝ . ❝

❞ مخلوقه من ضحك وبُكا ..
جواها زحمه و دربّكه
وهدوء و حيره و نرفزه
جواها طفله معجّزه . ❝

❞ كان راجل طيب وقريب من كل الناس
كان راجل طيب بس خلاص
يصعب ع الكافر يا جماعه
من كتر ما يومه ويتكرر
مبقاش بيركز ف الساعة
مقطوع من شجرة
ابنة إللى مسافر برا
او بنته اللي اصلا بيشوفها
ف الشهر أساسا كام مرة
ومراته اللي السرطان خدها
من ايده ف ظرف ٣ ايام
بقى أقصى طموحاته يشوفها
او ما يخش الأوضة ينام
والكرسي الهزاز والقعدة وكباية الشاي
الراجل من كتر الوحدة بقى شبه الناي
حضارتنا خلاص مبقتش تشوف
عكازه كمان مبقاش واحده
قاعد يتفرج ع الدنيا
ويشوف العالم من عنده
ولا حد أساسا بيزوره
وكأن حياته خلاص خلصت
وانتهى بالنسبة لهم دوره
كان راجل طيب لكن كان
فيه حد اتبقى معاه؟!لأه
اهو عاش طول عمره عشان غيره
واهو مات من وحدته ف الشقة . ❝

❞ ˝عارف يا رب..
انا كنت زمان فاكر اني ..
ممكن لما اكبر ابقى احسن !
وبقيت لما اكبر باحزن
مع اني بقيت ويايا فلوس
هتكفي اجيب كيس شبسي كبير
وتفيض واجيب بالباقي عصير
ولوليتا ودولسي وجيلي كولا !
مأساتي مبقتش دروس ..
ولا واجب عربي ف سنة أولى
ولا عجلة مع اصحابي اركبها
ولا لعبة ف اعلان هاكسبها
ولا حاجة اعيط بسببها
او علقة هاخدها اما اتأخر
انا بتعب اوي لما بفكر!!! . ❝

❞ يا وطن بطبعه غريب . . من إمتي أنا بفهمك ؟
كان السمك رزقنا . . وبقينا رزق السمك . ❝