📘 ❞ أختي الخارقة ❝ رواية ــ ندا محمود عبد اللطيف اصدار 2023

قراءة المزيد .. ❞ الحلقة الثانية من الرواية

وعند عودة تامر إلى المنزل تصادف مع مريم أمام المبنى ، فقال لها متذمرًا :
أنا بقيت مسخرة قدام صحابي ، عجبك كده ؟!!
اه ، ردي ، بدل ما أديكي في وشك ، وأريح الناس من شرك .
فأجابته وهي تسخر ، وتلوح بيدها :
صحابي ، صحابي ، يبني هما دول صحاب ، ياريتك مصاحب حد عدل ، كنا قلنا ماشي ، لكن إنت وهما عايزين إبادة ، ملكمش أي فايدة إطلاقًا .
فانزعج وقال :
اتكلمي عدل يا مريم ، عشان لغاية دولوقتي عامل اعتبار إنك أختي الصغيرة وبقول عيلة وبكرة تعقل ، لكن إنك تقلي مني ومن صحابي
ولوح بيده وقال :
لا ، أنا بقولك أهو ، احترمي أخوكي الكبير ، انتي فاهمه ولا ولا .
فقالت :
هما حيالله تلات سنين ، مش غاغا هي .
وتركته وصعدت للبيت .
فصاح فيها وقال:
بت ، لما بكون بكلمك ، مش تمشي إلا لما أخلص كلامي ، انت يا بت ، انتي با بتاعت الكونغ فو .
فدخلت الشقة وأغلقت الباب فى وجهه ، فصاح غاضبًا:
انا هعرفك إزاي تحترميني ، استني عندك .
فجأة لمح إحدى صديقات والدته وتدعى ˝ نرمين ˝ جالسة مع والدته في غرفة المعيشة ، فارتبك وكانت تنظر إليه ، فقال :
أهلاً يا طنط ، أهلا ، إزي حضرتك عاملة ايه ؟!
فأجابته :
أهلا يا حبيبي ، أخبارك كويس ؟!.. سامعاك بتزعق ، في مشكلة .
-لا ، خالص ، دنا أنا ومريم كنا بنتناقش في شوية حاجات كده ، بس احنا عيلة كده صوتها عالى وهي بتتناقش ، فتحسي ان احنا بنتخانق ، لكن ، لا احنا بس بنتناقش .
- طيب يا حبيبي ، انا همشي بقا يا نادية ، وابقي فكري في إلي قولتلك عليه .
- سلام عليكو
- سلام. يا تامر ، وابقى سلملي على مريم ، عشان دخلت ومسلمتش عليا ، مش مشكلة ، يمكن ما أخدتش بالها .
فأشار بيده وقال :
سلام يا طنط
وأوصلتها الأم إلى الباب وقالت :
مع السلامه يا حبيبتي. ما تنسيش بقا .
-ربنا يقدم إلي فيه الخير .
وبعد أن غادرت ، فذهب تامر لأمه وأمسك يدها ، وقال:
تعالي بقا ، اقعديلي هنا ، قوليلي الست الحشرية دي عايزة ايه ، اوعي تكوني لسه مصرين تجوزوني بنتها .
- على أساس انها هتبور بنتها جمبك ، يا تك نيلة ، بنتها اتجوزت وقربت تولد. ، اومال انا كنت في فرح مين السنة الي فاتت .
فوضع يده على صدره وقال :
الحمد لله ، أومال موضوع ايه إلي مش عايزاكي تنسيه ؟!
- جايبة عريس لأختك مريم .
- وده ايه ظروفه ؟!
- راجل ، شغال برة مصر ، وظروفه المادية كويسة ، وأهله ناس محترمين ، يعني بتقولي مناسب ، وهيعيش مريم مبسوطة ومش محتاجة حاجة .
- أومال مش مبسوطة ليه ، مادام مناسب .
- قلقانة بس مش أكتر، بتقولي عنده ٤٢ سنه ، بس مش باين عليه شكله لسه شباب ،
- ايه ده ٤٢ ولسه متجوزش لغاية دولوقتي ، مع انو ظروفه كويسة يعني .
- ومستغرب ليه ، منتا قريب هتقفل 40 ولسه بتتسرمح ، على الأقل ده اتجوز وطلق ومعاه عيلين .
- نعم ، انتي بتقولي ايه ؟!
- اهدى شوية ، أنا غلطانة إن بفضفض معاك ، وبستشيرك قبل ما أقول لأختك .
- لو هي وافقت ، انا مش هوافق .
- وليه يبني ، أختك كبرت مبقتش صغيرة ، وبعدين الراجل مفيش حاجه تعيبه ، وولاده مع أمهم.
- كبرت ايه ، بنتك لسه قدامها إن هي تنقي وتختار إلي يناسبها ، وبعدين ، على عيني وراسي وراجل محترم وكويس وتمام ، بس افرضي حب يرجع لمراته عشان خاطر عياله ، عايزة بنتك تبقى زوجة تانية يا حاجة نادية .
- لا طبعًا ، طليقته أصلاً اتجوزت ، وهو مطلقها من ست سنين .
- اه قولي كده ، هو بقا ايه . لقى طليقته اتجوزت ، قال ايه هروح اشوف بنت عزبا وحلوة واتجوزها عشان اغيظ طليقتي .
- انت بتقول ايه ، يا بني ؟!
- بقول على جثتي الجوازة دي .
- طيب يا تامر افرض العكس ، لو اختك هي الى مطلقة دولوقتى ومعاها عيلين ، وجه ليها واحد أعزب وابن ناس وطلب يتجوزها ، هيكون ايه رد فعل اهله ، هل هيعترضوا ؟! لا ، لأنو بيحبها ، ورضي بيها بكل الظروف إلي فيها .
- هو إنتي مقتنعة بلي بتقوليه ده ، ماما ، إنتي أصلاً مش مقتنعة ، فيه فرق بين حب ، وفرق بين جواز على السيرة والصور .
- بقولك ايه ، الموضوع ده ميتفتحش تاني ، وانسي ، ولا مريم تعرف بالموضوع ، خلصنا .
وتركها ودخل غرفته وهو منزعج ، فجلست تبكي وتقول :
- طب اعمل ايه ؟!.. أنا أم ونفسي أفرح ببنتي ، قبل ما أموت ، طب انت راجل ومش يتخاف عليك ، هتعيش في الدنيا بالطول والعرض وتتجوز بدل الواحدة اربعة ، لكن البنت دي ، هتعيش ازاى لوحدها ، لا قريب ولا غريب بقو بيسألوا عن حد .
ثم مسحت دمعتها وقالت :
هقوم أصلي المغرب ، وإن شاء الله ، المولى يحلها من عنده . اللهم لا اعتراض يارب
أما تامر قضى ليلته يفكر فيما قالته أمه وفيما قاله هيثم ، وقال :
طب وايه الحل ؟!.. يعني أختي دولوقتي ، مش هيجيلها غير المطلق والأرمل ، أدي فرصة لهيثم ولا اعمل ايه ؟!
وأمسك هاتفه ثم قال :
هو أنا ليه حسيت مرة واحده بالمسئولية كده ، والله ، شكل وقت السرمحة قد ولى ، بقا فيه مسئولية على كتافك يا واد يا تامر .
ورن الهاتف ، وإذ ، بصديقته ˝ مي ˝ تُهاتفه ، فتبدل وجهه القلق ، بابتسامة عريضة ، وأجابها ، قائلاً:
روحي ، وحبيبة قلبي ، كنت لسه بفكر فيكى يا ميس .
وأجابته الأخرى بصياح :
ميس ؟!.. ميس مين يا تامر ؟!!... نهارك مش معدي النهاردة .
فنظر في هاتفه ، فوجد مي. وليس ميس ، وضرب رأسه وقال :
يا بنتي مش تفهميني غلط ، بقول مي ، تلاقي عندك السماعة بايظة ، صلحيها يا حبيبتي ، أو أنا أجبلك غيره جديد ، مكان إلي هيوديني في داهية ده
-بجد ، ولا بتضحك عليا ، أصل أنا عارقاك ،مش هفضل ألملم من وراك ، وصحابي دايما بيحظروني منك .
- وصحابك مين دول ، تلاقيهم غيرانين ، منك يا روحي وده كلام ، إنتي إلي في القلب ، وفي أرض الملعب ، والباقي إحتياط على الدكة .
- انت بتقول ايه ، يا تامر؟!
- بقولك ، انت إلي في القلب ، غيري السماعة بعد اذنك .
فكانت خلفه مريم ، وتتسمع عليه وضحكت ضحكة عالية ، وقالت :
يا تيمو ، انت فين يا حبيبي ؟
ففتح فمه من هول ما يحدث وبدأ يتلعثم ، والأخرى تصرخ وتقول :
مين دي يا تامر ، انت فين بالظبط ؟!.. قولي بقا دي كمان عيب سماعه ، أكيد بتتسرمح مع صحابك الصيع .
- والله العظيم ، أنا في البيت ، بس أمي شغلت التلفزيون و وهي بتحب تعليه شويه ، ده فيلم .
وبدأ. يضع يده على رقبته وينظر إلى مريم ويشير إليها ، بأنها سوف يقتلها ، وهي تهز برأسها وتخرج لسانها له لإستفزازه ، فرمى بها وسادة فخرجت وهي تضحك وتقول :
نجحت المهمة !!! نيااااااااه .
وأما مي فقد أغلقت الهاتف ، وحاول أن يعاود الاتصال بها ، لها دون جدوى ، فقد غضبت وتجاهلت ،كل مكالماته .
فلما يأس من محاولاته ، قال :
أهي اتقمصت ، يارب تكوني مبسوطة يا أخت مريم .
فعادت إليه ، وقالت :
اه مبسوطة ، مادام هساعد بنت إنها تبعد عنك ، فأنا هبقى مبسوطة ، لأن أنا بنت ومبحبش أبدًا بنت تنخدع ، وتتعشم على الفاضي ، وتضيع مستقبلها جمب واحد زيك ، بيلعب ببنات الناس ، افتكر كل ما تكلم بنت ، إن ممكن تكون البنت دي أختك ، وزي ما بتخاف وبتغير على أختك ،خاف على بنات الناس ، لأن كله بيترد صدقني ، حتى لو كنت شيخة البنات وملتزمة ، ممكن ابتلي ، بواحد زيك .

فصمت بعض الشيء ، وكأنه تأثر بكلامها ، وقال :
ماشي يا مريم ، على العموم ، أنا جد المرة دي بس عايز أموري تستقر مهنيًا وكده .
-طب الحمد لله ، ربنا يهديك .
- هصالحها ازاى دولوقتي ، بعد العملة الهباب ، إلي عملتيها .
-لو بتحبك هتعدي ، عشان إلي عايزك جمبه ، مش هيفرق معاه أي حاجه ، بس هقولك خاف ، من إلي بيعدي كتير من غير ما ياخد موقف منك ، عشان ده غدار ، في لحظه هيقلب وهيسيبك ، وهتفضل تدور عليه ، مش هتلاقيه ،لأنه ادالك فرص وكان نفسه تستغلها وتغير من نفسك .
عمر ما كان الساكت ، قلبه اسود ، أو بوشين ، كل إلي فيها مش عايز حياته كلها صراعات ، وتبريرات كدابه ، فبيريح راسه بالسكوت ، وبيعقد يتفرج حتى لو عارف إنك كداب ، بس بيجي يوم ويمل ، فبيمشي وهو ساكت بردو، وبتفضل تستغرب هو ليه مشي ، أنا معملتلوش حاجه ، أنا بتعامل بنفس الاسلوب إلي بتعامل بيه على طول معاه ،عارف الواحد ليه بيستغرب وقتها ، لأن في ناس ، لما بتفضل تعديلها ، و تمشي الدنيا ، تفتكر نفسها مثالية ، وإن انتَ متقدرش تعيش من غيرها ، َ محور حياتها ، لو جت صراحتك وقالتلك ،انت عملت كذا وكذا ، تفتكر هيكون ايه ردك ؟!.....لما تتفاجئ انها أخده بالها من تصرفاتك ، وانت عامل نفسك ، الذكي ، إلي بيلعب بالسمكة وديلها ، وفاهمها وهي طايرة.
فصمت وقال :
يعني ، هقولها ، طب مش جيتي ليه صرحتيني ؟!.. يمكن لو جت وقالتلي على في قلبها مني .... مش هنخسر بعض ..! صح مش كده ، ليه دايمًا بتفضلوا ساكتين . تفضلوا تتفرجوا وتعيشوا الدور كمان ، وفي الأخر تزعلوا ، مهو طبيعي ، انت لو مجتش وقولتلي على في قلبك ، طب أنا هعرف إزاى ؟!.. إلي بيزعلك مني ... طول ما أنت ساكت ومستحمل ... طبيعي إن أنا أتمادى ... منا مش عارف إذا كان إلي بعمله بيزعلك .. ولا ولا .
-ما تضحكش على نفسك ، انت مدرك إن إلي بتعمله غلط ، ولو قلبت عليك وعاملتك بنفس المعاملة ، هتتقمص وتزعل ، وهيكون رد فعلك هو هو نفسه
فليه ، زي ما انت بتتحب. وبتتقدر ، وحد بيعاملك بما يرضي ، الله ، عامله زي ما بيعاملك ، ليه الكدب والكيد إلي ملوش لازمة ، ليه تجرح وتقول ، دنا ما أقصدش ، انتَ فهمت غلط ، وانتَ عارف انك قاصد .
بص ، يا تامر ، مشكلة الناس إلي زي كده ، إن الكلام معاها ملوش لازمة ، عشان كده كتير بيفضلو السكوت عن أي كلام ، تصبح على خير يا تامر.

فذهبت لغرفتها ، وهو عاد ليراسل حبيبته ، وترك لها رسالة ، معتذراً عن سوء الفهم ، وأخلد إلى النوم .
وفي اليوم التالي .
ذهبت مريم إلى النادي ، لممارسة الرياضة اليومية الخاصة بها ، فتصادفت مع هيثم ، فأوقفها ليتحدث معها ، فقال :
مريم !
فقالت محدثة نفسها :
عايز ايه ده كمان ؟!
قال :
آسف ، إني وقفتك بالطريقة دي ، بس عايز اتكلم معاكي، على انفراد ممكن ؟!
قالت :
لا ، مش ممكن ، بعد اذنك .
- استني ، أنا والله بحبك جدًا ، ومش زي ما انتي فاكرة ، معرفش ليه أخده عني الفكرة دي ، رغم إن ، انا وتامر صحاب من سنين بس عمرك ما اتعاملتي معايا ، عشان تعرفيني ، اديني فرصة أثبتلك ، إن أنا مش أصفر زي ما بتقولي عني .
- ايه ده هو قلك ، طب كويس ، وفر عليا ، بص بقا ، لو انتَ آخر واحد في الدنيا ، مش هوافق عليك ، أبدًا أبدًا.
- وليه بقا ، أنا لا بتاع بنات زي أخوكي ، وماشي سكتي دغري ، ومليش في اللف والدوران .
- مش مرتحالك ، قلبي بيقولي إنك مش كويس ، أنا نفسي تبعد عن أخويا بجد ، لأنك حقود ومش سالك ، انتَ بتمثل المثالية ، وانتَ غير كده تمامًا .
فتركته وذهبت ، وغضب لحديثها معه بهذه الطريقة ، وقال :
مهما عملت مش نافع ، بس أنا هعرفك ، إزاي ترفضي هيثم البكري .
وذهب إلى الحانة التي يتعاطى بها المخدرات ، وبدأ يتعاطى جرعة كبيرة من غضبه ويقول :
ماشي ، يا مريم .
ماشي !!
وجاء من خلفة ، رجل جاحظ الوجه يدعى ˝ مرتضى السكري ˝ رجل عصابات، و تاجر للمخدرات ، فضرب كتفه وقال :
ايه يا عم هيثم بقالك يومين .. غايب يعني ؟!..
-أكيد مش بتسأل ، لسواد عيوني ، خير ؟
- ايه يا عم ، في حد مزعلك النهاردة ولا ايه ؟!
- يعني ، مضايق شوية .
- طب والي يفك الضيقة دي ، يا عم .
- مش فاهم .. انت عايز ايه ؟!
- ليك سبوبة حلوة ، انما ايه هتكسبك ملايين ، وأنا قولت ، انتَ أولى من أي حد .
- بجد ، إلي انتَ بتقوله ، ولا أنا تقلت العيار .
-عيب عليك ، اسمع ، الريس بتاعنا ˝سمير البارودي ˝ شاري أرض في الصحرا وعايز يبني ڤيلا صغيرة كده ، ومخزن كبير ، وقلي أشوف مهندس ثقة ، ينفذله إلي هو عايزه ، فجيت في بالي على طول ، الشغلانة فيها قرشين حلوين ، بس الغلطة بعمرك ، انت فاهم طبعًا .
فشرد قليلاً ، ثم حدث نفسه وقال :
جتلك لحد عندك .

فضحك بخبث وقال :
ينفع أشغل معايا في المشروع صديق ثقة بردو ، وأشطر مني كمان .
-ماشي ، المهم الشغل يخلص من غير مشاكل ويكون على أكمل وجه ، وأنا هخدلك معاد مع الريس ، عشان تقابله ، ويتفق معاك ، انتَ وزميلك .

- ماشي ، وأنا مستني تليفونك .
وبعد أن غادر الرجل ، هاتف تامر ، وقال:
لسه زعلان مني ؟!
-لا ، من حقك تعبر عن مشاعرك ، وأنا من حقي احترم مشاعر اختي ، وأيدها في كل اختياراتها الخاصة ، فانت إلي مش تزعل .
فقبض على الهاتف بيديه من شدة الغضب ، فقال بنبرة من الهدوء :
وأنا مش هيأس ، هحاول ، المهم ، عندي ليك مشروع هيكسبنا ملايين مع رجل أعمال كبير .
- بجد ، يا هيثم .
- طبعاً أنا قولت ، مفيش غير صحبي وصديق عمري تامر ، هو إلي يستحق يشاركني في المشروع ده ونكبر سوا .
- تسلملي يا صحبي .
- بص بكرة هيكلمونا ، عشان نروح نتفق مع الراجل الكبير ، استنى اتصال مني .
- شكرًا يا هيثم ، أنا مش هنسالك ده طول عمري .
- متقولش كده ، احنا اخوات ، يا ما كان بنا عيش وملح .
وبعد أن أغلق معه الهاتف ، قال :
والله ، ووقعت في ايدي يا بن المنصوري ، وأنا مش هنسى لأختك إلي قالتهولي ، واكسر قلبها عليك ، زي ما كسرتني .



تم بحمد الله
انتهاء الحلقة
نراكم في الحلقات القادمة

الكاتبة / ندا محمود نجم . ❝

قراءة المزيد .. ❞ كأنه مخلوق بشرى سواء فى التجارة أو في بعض الحرف، وكان بعض القدماء يستعينون بنا فى حماية مقابره من خلال تعاهدات تقام بين البشر والجن يلزم بها حماية مقبرته من أي أخطار تواجها سواء السرقة أو الهدم، لذك ليس من السهل فتح مقبرة المصري قد برم عهد مع جن، لذلك الكثير من المصريين الحاليين ذوى عين ثالثة لأنها تتوارث منذ زمن قديم

ولماذا قمت باختياري أنا ، إذا؛ فلما أنا أمتلك تلك العين، حسنا- حتى أساعدك، لقد قلت الكثير من المصريين يمتلكونها، وانا ..؟ . لست مصرية

أنت في الوقت الحالي لست مصرية، لكنك إمتداد لنسل ، نعم إزى كاهن مصري قديم يدعى

وبدأت تشعر به وضعت يديها على رأسها، جلست على الأرض الدوار قليل تا ثم قالت

ماذا تقولين ؟ كيف يعقل ذلك ؟ هل انا حقا مستيقظة ؟ أم أنك مجرد حلم وسأستيقظ

. مثل ما قلت ، أنت مازلت في حلم، فالواقع أكثر من ذلك

أنت تمزحين، قولي لي ما هذا الهراء الذى تقولينه ؟ كيف لي أن -

أصدق ما تقولين ؟ كيف أكون من نسل كاهن من قارة أخرى ؟

نسل مقدس ، المصريون قديما كانوا يعتبرون أنفسهم

لكن ، فليس من السهل التصاهر أو التزاوج من خارج وطنهم

بعض التغيرات قد وقعت فى مصر فى القرون الماضية حيث

فتجانسوا سريعاً فيها ، هاجر بعض المصريين إلى هذه القارة

وهذا يعنى أن المصريين الذين هاجروا إلى هذه القارة من نسل - ولكن يبدوا أن هذا منذ زمن بعيد ، وعائلتي منهم ، ذلك الكاهن . فكنيتي ليس بها اسم عربي . ❝

قراءة المزيد .. ❞ وعادت الأسرة إلى المنزل وادخلوها إلى غرفتها، وطلبت منها الأم بأن تستريح وأنها سوف تستحضر لها طعاما ساخنا يناسب حالتها الصحية حتى تتحسن وتركتها فشردت وقالت محدثة نفسها : لن أتحدث مع مع أبي وأمي عن هذا الأمر مرة ثانية، وأنا سأبحث . عن الأ جوبة بنفسي؛ حتى أعرف من تلك المرأة وما علاقتي بذلك الرمز ؟

وأول شيء أبحث عنه هو ما معنى ذلك الرمز؟ وما هو مدلولة ؟ وإلى ماذا يرمز؟ حسنا سأستعين بالإنترنت وعندما أتحسن سأذهب إلى المكتبة الأجد التفاصيل وأنا أعلم جيدا أن تلك المرأة ستعود مجددًا، وها هو الحاسوب لنرى ماذا سنجد وكتبت في محرك البحث ؛ إلى ماذا ترمز العين عند الفراعنة ؟ ... وبدأ مؤشر البحث فقالت في نفسها أنا أتذكر أن تلك العين تخص المصريين القدماء، لكن لا أتذكر اسمها ..... وبدأت الصفحات الإليكترونية تظهر، وقامت بفتح أول موقع وبدأت في القراءة

يطلق عليها عند المصريون القدماء إسم (عين حورس ) أما في
اللغة المصرية القديمة ( أوجات ) ، وهي رمز لشعار مصرى قديم كان يتخذها الفراعنة كتميمة، لحماية عروشهم ورمز لتأكيد إستقرار نظام الدولة، وتعبر عن القوة الملكية التي يستمدها الملوك من الإله حورس أو الإله رع ، وترمز أيضا للشمس حيث تجسد النظام والوضع المثالي، وأن المصرى القديم كان يتزين بها في شكل قلادة يستعين بها؛ ويستخدمها للحماية من الحسد و السحر والأرواح الشريرة وكانت توضع مع مومياواتهم؛ لحمايتها والمتوفى بعد ، في القبر حيث كان حورس يعد لديهم إله السماء الموت يصعد إلى السماء ليلتقي بإله الموت أوزوريس الذي هو و . الد الإله حورس

وأثناء تمتمتها بالقراءة قالت محدثة نفسها : إذا هي تخص المصريين القدماء؛ فما علاقتي بهذا ؟ ... ودخلت الأم بالطعام : فأغلقت الحاسوب الهاتف بسرعة فوجدتها مرتبكة، فقالت آنجى

أنت بخير ! هل حدث أمر ما مجددا؟

رائحة زكية، يبدوا الطعام إلا شيء كنت أتصفح بالهاتف، رائع ! لذيذ

نعم، هذا الحساء أنت تحبينه، وأضفت الخضروات التي . تفضليها تناوليها؛ لتتحسن صحتك

- شكرا لك يا أمي، سأتناوله

وبدأت في تناوله حتى تشعر والدتها أنها تعافت وكأن شيء لم يحدث من الأساس . ❝

قراءة المزيد .. ❞ أخيرا! لقد أنجزت أمرا مهما وهو البحث الذي قمت به، أن نعرف متى بدأ يسجل التاريخ أول حروفه أمر ممتع حقا، و إن الإنتهاء من المهمات والشعور بالنجاح، يحسن من مشاعر الإنسان، وبدأت تقلب في صفحات كتابها وشردت في القراءة، وفي تلك اللحظة صوت خافت من خلفها يردد ˝ أريانا ˝ ففزعت وصرخت وسقطت من على المقعد في الأرض، فضحكت عليها زملائها، وقالت لها
: أميليا
ما الأمر؟ هناك فأر هنا ؟! .. أيضا
: أجابتها أريانا
. لا أعلم ؛ قد سمعت طنين حشرة في أذني ففزعت
: قالت أميليا
هل أنت - جادة حقا ؟
! يا إلهي
. أنا أكره الحشرات هيا يا فتيات، فلنذهب
بعدها نهضت أريانا، وقالت
ما الذي يحدث ؟
ما هذا الصوت الذي يلاحقني ؟
سأطلب الإذن من المدير وأذهب إلى البيت؛ لعل كل هذا بسبب
قلة النوم، سأعود إلى البيت وأرتاح ........ وبالفعل ذهبت إلى المدير وأخذت منه إذنا بالعودة إلى البيت لأسباب مرضية، ووافق
المدير وبعدما خرجت من المدرسة وفي طريقها عادت نانيس في
ملاحقتها وبنفس الصوت همست في أذنها باسمها ؛ فخافت كثيرا
وطلبت سيارة أجرة حتى تصل إلى البيت بسرعة، ولكنها لم تقص
أي شيء على والدتها؛ خشية أن تقلقها بلا داعي ويكون مجرد
وهم؛ ناتج عن الأرق والإعياء، لكن الأم تعجبت من عودتها مبكرا . ❝

قراءة المزيد .. ❞ وبالتالي تحكم مملكة شياطين العالم السفلي بشروطها وقوانينها، وكانت آنذاك الملكة نانيس ابنة ملك عشيرة جن أشباه البشر زوجة ابن ملك الشياطين وعندما علمت بالأمر، تركت زوجها وانضمت إلى والدها؛ لتقاتل معه ومن هنا إزداد الأمر سوء واستشاط لوريس غضبا من ما فعلته نانيس وتخليها عنه، وقد كانت بينهم قصة حب انتهت بتركها له واختيار الإنحياز بجانب أبيها ، ودارت المعركة التي أنهت مملكة أشباه البشر وقتل ملكها في المعركة، وبعد أن انتهت تلك المعركة الساحقة، أمر ملك مملكة الشياطين ابنه لوريس بقتل نانيس عقابًا لها على خيانتها له، لكنه لم يستطع قتلها واكتفى
بقوله:
لن أقتلك سأتركك جسد بلا روح ، وابننا لن يظل معك وأخذ لوريس ( أبريس ( الصغير، ولم تستطيع نانيس منعه بسبب فقدانها قوتها أثناء المعركة وقام بسجنها مقيدة في كهف قديم غرب اوروبا، ومنذ ذلك الوقت وهي في هذا الكهف: وبعد أن استرجعت نانيس ذاكرتها قالت بصوت خافت نانيس ! لقد حانت اللحظة التي انتظرتها منذ سنوات، سيندم لوریس
. وعشيرته على ما فعلوه بعشيرتي ، وسأحرر ابنى من قبضته
وتحولت عينيها البنية لعين شيطانية، وقالت
. لن أرحم أحد
وعادت أسرة أريانا إلى المنزل في فرحة عارمة بقدوم طفلتهم، وأقاموا
حفل صغير، ودعوا الجيران وكل أفراد العائلة، وأثناء الحفل شعرت آنجي بشيء غريب، وأن هناك شيء مخيف، وبدت أن هناك طاقة غريبة
. تحيط بالمكان . ❝

قراءة المزيد .. ❞ لا تختبر قوة الصمت أبداً ، فإن صبره محدود ما إن نقد فإن الضغط بولد إنفجار : هذا الإنفجار سيدمر كل شئ أمامه ولن يبالى بالنتيجة ، ولن يلام بعد ذلك فقد منح الكثير من الفرص بالصمت .
الملك وهو يضع يده على ذفته :
أتساءل وأتعجب من أمرك ، ماذا فعلت حتى يبتليني الله بولد مثلك ؟
الأمير بابتسامة :
قل ماذا فعلت حتى جزاك الله يولد مثلى ؟ برك بأمي مثلاً.
رد الملك بسخرية :
-رائع جداً فا أخيراً الملك الشرير يفعل شئ يعجب الأمير الفيلسوف .
الأمير :
-انتهى النقاش يا أبي ، أنا ذاهب ولكن قبل أن أذهب : ارجو أن تفكر جيداً المرة القادمة حتى لا تندم ولا تحاول أن تدخل في صدام مع أولئك القوم .
الملك وهو يضع يده على رأسه :
أتعلم شي ؛ هذا أفضل شي قلته منذ مجيتك ، لقد أوجعت رأسي بكلامك السخيف هذا .
الأمير بتعصب :
هذا ليس بكلام سخيف، هذه مشاعر وسلام داخلي ، بدونها تصبح كالحيوانات : أندرى لقد سلمت وأنا أوضح لك خطا ما تفعل ، أنا ذاهب .
وغادر الأمير ، والتفت الملك إلى وزيره وقال :
هيا اسرع يا لوقا ! وأعد الجيش النقضى على شعب سينتيا وتستولى على المملكة ، هذه هي فرصتنا . ❝