❞ حوار خاص مع كُتاب دار "قهوة الأدباء"

إعداد وتقديم: مروة جمال – مؤسسة الدار والمحررة الأدبية للحوار

الإجابة:
أنا اسمي شريفه احمد،أنا روح بتدور على معناها بين السطور، لكن جوايا فيه نسخ كتير مني، كل نسخة بتحكي جزء منّي. خارج عالم الكتابة، أنا بنت بتحاول تفهم الحياة، بتتعلم من كل لحظة، من كل خيبة وأمل. أما داخل عالم الكتابة، فأنا صوت الحكايات اللي محدش سمعها، أنا ملامح الناس اللي عدّت في حياتي، أنا تفاصيل اللحظات اللي سابِت أثر... أنا مجرد قلب بيكتب علشان يعيش.

الإجابة:

الكتابة بدأت معايا من وأنا طفلة، كنت بكتب أي حاجة بتحصل حواليا، من غير ما أفكر إنها موهبة. مع الوقت لقيت نفسي بستخبى في الورق أكتر ما بتكلم مع الناس. هي مكنتش مصادفة، كانت زي صوت داخلي بيشدني ناحية القلم، وكل ما بكتب بحس إني برجع لنفسي أكتر.

الإجابة:

أميل لكتابة الخواطر والروايات، بحس إنهم الأقرب لقلبي، لأنهم بيدوني مساحة أعبر عن مشاعري وتجربتي بطريقتي الخاصة، من غير قيود.

الإجابة:

مش شخص واحد بعينه، أنا بستمد إلهامي من كل حد بيكتب بصدق. ممكن خاطرة مجهولة على فيسبوك تلمسني أكتر من كتاب مطبوع. الإلهام بالنسبالي مش بس في شهرة الكاتب، لكن في إحساسه الحقيقي، في كلمة طلعِت من القلب فدخلت قلبي.

الإجابة:
اللي جذبني هو روح المكان... حسيت إن الدار بتحتوي الكُتاب الجدد، وبتفتح لنا باب حقيقي نكتب ونُعبّر ونوصل صوتنا. حسيت إني مش لوحدي، وإن في حد مؤمن بيا وباللي بكتبه.

الإجابة:

عنوان عملي هو "الوصول للهدف رغم الصعاب"، والرسالة اللي حبيت أوصلها إن مهما كانت الدنيا صعبة، الأمل بيعيش جوانا، واللي عنده هدف هيقدر يوصل له بالصبر والإصرار.

الإجابة:
أكيد، كل كلمة كتبتها كانت نابعة من إحساس حقيقي، سواء عشته أو شُفت حد قريب مني بيعيشه. كتابتي دايمًا فيها جزء مني، حتى لو الناس مش بتشوفه واضح.

الإجابة:
اللي بيميز كتابي هو صدقه، هو مش مجرد قصة، هو إحساس حقيقي بيمر من القلب للقلب. كمان أسلوبي بسيط وقريب من الناس، فبيدخل جوه القارئ بسهولة.

الإجابة:
النشر الإلكتروني فتح أبواب لناس كتير، لكنه لسه ماخدش مكان النشر الورقي في التأثير، بس بيفتح مجال للانتشار السريع والتفاعل المباشر مع القراء، وده مهم جدًا للكُتاب الجُدد.

الإجابة:
أكبر صعوبة كانت قلة الدعم وعدم الثقة في الموهبة من اللي حواليا، لكن صمّمت إني أكمل، وكتبت حتى وأنا مش متأكدة مين هيقرأ. كل مرة كنت بكتب فيها، كنت بواجه الصعوبات دي وأكسرها.

الإجابة:

هي الاتنين. البداية كانت موهبة، بس بالممارسة والقراءة والتعلم، قدرت أطوّر نفسي وأكتشف أبعاد جديدة في كتابتي.

الإجابة:
إني يكون ليا كتب منشورة توصل لقلوب الناس في كل مكان، وإن كل كلمة بكتبها تسيب أثر وتغيّر في حد، حتى لو بسيط.

الإجابة:
الدعم موجود بس مش كافي، القارئ العربي محتاج يثق أكتر في المواهب الجديدة. نفسي ندي فرصة ونفتح عقولنا وقلوبنا لكتّاب بيحاولوا يوصلوا.

الإجابة:
منصة ممتازة، بتوصل صوت الكاتب للناس بشكل سهل وسريع، وبتدي فرصة حقيقية للانتشار، وده شيء مهم جدًا في وقتنا الحالي.

الإجابة:دار "قهوة الأدباء" مش مجرد دار نشر، هي بيت بيحضن أحلامنا، وفريق العمل قلبه على كل كاتب، بيشجع ويدعم كأننا عيلته. كل الشكر ليهم.

الإجابة:
شكرًا من قلبي على كل لحظة خصصتيها علشان تسمعي صوتنا ككتّاب شباب. وجودك مش بس كـ محررة، لكن كإنسانة بتحتوي وتدعم وتؤمن بينا، فرّق معانا جدًا. حوارك مش مجرد أسئلة، ده كان مساحة نعبّر فيها عن نفسنا بصدق، وكأننا بنتكلم مع حد بيشوفنا بعيون مختلفة. ربنا يوفقك ويجازيكي خير على كل خطوة بتخطيها علشان تدعمي المواهب.

الإجابة:
شكرًا إنكم بتقروا وبتدعموا، وجودكم هو اللي بيدينا الدافع نكمل ونكتب ونحلم. كل كلمة بتعجبكم بتكون بالنسبة لينا حياة حقيقية بنعيشها.
ودار "قهوة الأدباء" كانت وما زالت مساحة مختلفة ومميزة بكل تفاصيلها، بحبها وبفتخر إني جزء منها. ❝

❞ حوار صحفي بجريده قهوة الأدباء

الإجابة:
أنا مريم صلاح البسيوني، كاتبة خواطر، أكتب من القلب وللقلب. الكتابة بالنسبالي هي الطريقة اللي بعبر بيها عن مشاعري وتجربتي، وهي أقرب وسيلة لملامسة الروح.

الإجابة:
بدأت أكتب من فترة طويلة، بس خدت الموضوع بجدية أكتر لما حسيت إني بقدر أوصل للناس. أكتر حد شجعني كان بابا، رحمه الله، وكان دايمًا مؤمن بيا وبكلامي. وكمان إخواتي كانوا السند والدعم في كل خطوة.

الإجابة:
أكتر حاجة بكتبها هي الخواطر، لأنها بتديني مساحة أكون فيها على طبيعتي. الخاطرة بتسمحلي أعبر بحرية، أقول اللي جوايا من غير تكلف ولا قيود.

الإجابة:
بحاول أوصل إن كل إحساس جوانا ليه قيمة، وإن اللي بنعيشه – حتى اللحظات البسيطة – يستحق يتكتب ويتوثق. يمكن حد يقرأ فيلاقي نفسه في الكلام، ويحس إنه مش لوحده.

الإجابة:
أيوه، شاركت في كتاب مجمع اسمه "على نار هادئة"، وكانت تجربة مميزة جدًا بالنسبالي. حسيت لأول مرة إن صوتي وصل لناس كتير، واتعرفت على كتاب رائعين.

الإجابة:
الكتاب ده كان أول خطوة حقيقية في مشواري، ويمكن علشان كده هو الأقرب لقلبي. قدرت من خلاله أعبّر عن مشاعر كتير كانت محتاجة تطلع للنور، وكنت صادقة جدًا في كل كلمة.

الإجابة:
أصعب لحظة كانت لما فقدت بابا، لأنه كان أكتر حد بيشجعني وبيفرح بكلامي. بس في نفس الوقت فقدانه خلاني أتمسك أكتر بالكتابة، علشان أفضفض، وأحس إنه لسه معايا بكلماتي.

الإجابة:
من خلال الكتاب، والسوشيال ميديا، والكلام اللي بيوصلني من الناس، بدأت أحس إن في ناس بتتأثر فعلاً، وبتستنى الجديد مني. ده أكبر دافع إني أكمّل وأطور نفسي.

الإجابة:
بحب جدًا نزار قباني، ومحمود درويش، ويوسف زيدان. كل واحد فيهم عنده أسلوبه وروحه، وبستمتع بتنوع أفكارهم وعمق مشاعرهم.

الإجابة:
إن شاء الله بجهز حاليًا لكتاب فردي، هيكون مختلف ومليان من قلبي. نفسي أسيب بصمة حقيقية في عالم الكتابة، ويكون ليا أسلوبي اللي الناس تعرفه وتنتظره.

الإجابة:
تجربتي معاهم كانت أكتر من رائعة. حسيت بدفء واحترام وتشجيع حقيقي. فريق مميز فعلًا، بيهتم بالتفاصيل، وبيخلي الكاتب يحس إنه في بيته.

الإجابة:
شكرًا من قلبي لكل شخص اشتغل على الكتاب، وللمحررين اللي تعبوا علشان يطلع بالشكل الجميل ده. تعبكم مش بسيط، وكلنا شايفينه وبنقدره.

الإجابة:
شكراً ليكم، أنتم سبب استمراري. كل كلمة دعم وكل رسالة وصلتني فرّحت قلبي وخلّتني أؤمن إني ماشيه في الطريق الصح. ويا رب تفضلوا تلاقوا نفسكم في كلماتي.

و كلمه عن تجربتك بالمنصه سلبي او ايجابي ؟

تجربتي مع منصة قهوة الأدباء كانت تجربة جميلة ومختلفة. حسيت فيها إني مش مجرد كاتبة وسط أسماء، لكن ليّ صوت مسموع ومكان واضح. التنظيم كان محترم، والمتابعة كانت مستمرة، وده بيخلي الكاتب يحس إن مجهوده مش رايح هدر. فيه مساحات للتعبير، ومجتمع بيجمع ناس بتحب الأدب بصدق. طبعًا في بعض التفاصيل اللي لسه ممكن تتحسن، وده طبيعي في أي عمل بيكبر، لكن بشكل عام أنا فخورة إني جزء من التجربة دي.
كلمه عن مؤسسه الدار مروة جمال سلبي او ايجابي
المؤسسه مروة جمال؟

الأستاذة مروة جمال هي روح دار "قهوة الأدباء"، ووجودها فعلاً فارق. لمست في تعاملها احترافية وإنسانية في نفس الوقت. عندها شغف حقيقي بالأدب وبتحب تدي فرص للمواهب الجديدة، وده حاجة مش بنلاقيها بسهولة. كل خطوة في تجربة النشر معاها كانت فيها دعم واهتمام، وده خلاني أحس إن وجودي مع الدار مش مجرد مشاركة… لأ، ده انتماء.
المؤسسه مروة جمال
النائبه روان الوكيل ❝

❞ ❝