❞ كانت بتنزل الشارع منكوشة وحافية وبتصرخ وحالتها صعبة. كان أبنى يرجع من شغله يجرى بعد ما حد من الجيران يتصل به ويقوله ألحق مراتك نازلة تصرخ وتجرى في الشارع زى المجانين. #بقلم_الهام_احمد_عبدالحليم_نيروزونيارنيار وأنا وبرغم أنى عارفه السبب وراء اللى هى فيه كنت بخاف منها وحاولت احرد أبنى يطلقها بس أبنى كان بيرفض رفض تام ويقولى دى مراتى وحبيبتي وأنا واخدها من أهلها زى الفل هفضل معاها لحد لما ربنا يشفيها. أقوله وايه اللى غاصبك طلقها وعيش حياتك يقولى لا لا يمكن اتخلى عنها أنا بحبها وهفضل جنبها. كنت كل بحزن على أبنى اللى ما لحقش يفرح ودائماً حزين ودمعته على خده . أنا عارفه أنى السبب بس ما هى اللى خدته منى. يعنى أنا اشقى واتعب عليه وتيجى هى تاخده منى. تعالوا احكلكم إيه اللى حصل. أنا نوره اترملت بدرى كان عندى 32 سنه وكان أبنى صغير عشر سنين وكل لما يجيلى عريس ارفضه علشان ما اجيبش لابنى زوج أم يبهدلوا ظبط حياتى على كده أنا وابنى وبس. بقلم إلهام أحمد نيروزونيارنيار. كان يخلص المدرسة أو الجامعة بعد كده ويجى يجرى علشان يقعد معايا ما أنا ماليش غيره وهو مالوش غيرى. بس فجأة أبنى أتغير بقى بيتاخر بره كتير وبيسرح كتير وكل لما أسأله يقولى مع اصحابى. وبعدين خلص جامعه واشتغل وبرضوا موضوع السرحان بقى يزيد. قلقت عليه وحسيت بالوحده ببعاده عنى. قعدت وجبته قدامى تعالى بقى وقولى في ايه ؟ قالى أبدا يا امى بحب وحده وعايز اتجوزها. ودى مين بقى أن شاء الله ست الحسن اللى مخليك على طول سرحان ؟ قالى وحده زميلتى من أيام الجامعه بحبها أوى يا ماما ولو راحت منى هيجرلى حاجه. قولتله وليه ده كله تعالى اخطبهلك. قالى بجد يا ماما وكان فرحان وهيطير من الفرحه. وروحنا فعلاً نخطبها والناس قابلونا بكل ود واحترام والبنت كانت أية فى الآداب والأخلاق بصراحه قلقت منها. البنت دى خطر عليا وهتاخد أبنى منى هو أنا كنت بتعب عليه علشان تيجى هى تاخده. حاولت كتير اطلعها وحشة في عينه علشان يكرها ويسيبها ولكنه كان دائماً بيدافع عنها دفاع مميت . لدرجة خلتنى اكرها اكتر. وابنى بقى يبعد عنى اكتر.الموضوع بقى عامل زى النار بياكل في قلبى . وجه وقت الفرح وجيت أركب معهم العربية بس العروسة قالت الفستان كبير مش هينفع حد يقعد جنبنا في العربية ولقيت أبنى ماشى على هواها اتضايقت اكتر والنار بتاكل في قلبي اكتر. وبعدين وأنا قاعدة بعد الفرح بكام يوم مع وحده صاحبتى. شافتنى متضايقة سالتنى في إيه مالك زعلانه ليه ؟ حكيت لها كل حاجه وأنى حاسه أن البنت دى جات استولت على أبنى ما بقاش يسأل فيا وعلى طول مشغول معها. بقلم إلهام أحمد نيروزونيارنيار. قالتلى حلك عند الشيخه فتون هى اللى هتحل لك الموضوع ده. قولتلها أيدى على كتفك ودينى للشيخه فتون دى. وفعلاً اخدتنى وروحنا والشيخة فتون طلبت صورة الفرح بتاع أبنى ومراته.كنت خايفة لا تاذى الواد اللى حيلتى. قولتلها مش عايزة أبنى يتأذى قالتلى ما تخفيش مش هيحصله حاجه .ومسكت الصورة ومسكت ريشة فيها دم وكتبت على وش البنت جنون مرض فراق وعملت ثلاثة علامات إكس وهى بتمتم ببعض الكلمات وبعدين اعطتنى الصورة وقالتلى ادفنيها في المقابر.قلتلها لا اخاف ازى أروح المقابر بليل كده ؟ قالتلى روحى وادي التربى فلوس وهو هيدفنهلك وفعلاً روحت وأنا بترعش من الخوف وشوفت التربى واعطيته فلوس وقولتله يدفن الصورة. بقلم إلهام أحمد نيروزونيارنيار وفعلاً دفنها ورجعت بيتى البارد اللى مفهوش روح ولا حس ما أبنى قاعد فوق مع السنيورة وعدا يوم والثانى والثالث وأنا مستنية أشوف هيحصل ايه ؟ لحد ما عدا على زواج أبنى اسبوعين ولقيت فى دوشه في الشارع قلت ابص أشوف فيه إيه لقيت مرات أبنى بتجرى في الشارع زى المجنونة شعرها منكوش وحافية وزى ما يكون مش واعية معندهاش عقل.والعيال عماله تصرخ من منظرها. ولقيت أبنى نازل يجرى جابها وطلع. مسكت أبنى قولتله عينى عليك يا ابنى حظك مايل رجعها لأهلها هما اولا بيها قالى لا مراتى أنا أولا بيها وهرعيها واخلى بالى منها اتضايقت لأنى كنت فاكره هيطلقها ويبعد عنها بس اللي حصل العكس بقى يهتم بيها اكتر لدرجة ما بقيتش اشوفه وبقيت أخاف اطلع عنده لأنى كل لما اشوفه اشوفه حزين مكسور. عارفه أنى السبب في كل ده بس كنت فاكره هيرجعلى ويسيبها بس ده ما حصلش. وفجأة تعبت تعب شديد أوى وروحت للدكتور وبعد فحوصات وإشاعة طلع عندى كنسر وفى مرحلة أخيرة كمان جريت على ابنى قولتله لكن ما صدقنيش وقالى سيبنى في اللى أنا فيه ده وقت غيرة يا امى ؟ ما كنتش عارفه أعمل إيه بس قلت أكيد المرض ده عقاب من ربنا ليا علشان اذيت البنت دى لازم أتوب وأرجع لربنا وافك العمل اللى عملتوا ليها. جريت أدور على الشيخه فتون بس ما لقيتهش فضلت أبكى وقلت لازم أدور على حد يفك العمل واهو أعمل حاجه كويسة قبل ما اموت. دورت وسألت لحد لما وصلت لشيخ من بتوع ربنا مالوش فى الأعمال والدجل وحكيت له حكايتى. قالى لازم زى ما اذيتها تفكى العمل بنفسك. قلتله ازى ؟ قالى تروحى تجيبى الصورة من المقابر وتعملى اللى هقولك عليه. فهمت منه هعمل ايه وروحت المقابر دورت على التربى لحد ما لقيته وخليته جابلى الصورة من مكان ما دفنها. بقلم إلهام أحمد نيروزونيارنيار. أخدت الصورة وعملت زى ما الشيخ قال ورجعت بيتى وبعد وقت بسيط لقيت مرات أبنى اتحسنت وبقت أحسن وأنا حالتى بتسوء و فى إحتمال أموت فى أى وقت. كنت عايزة أعترف لابنى ومراته علشان يسامحونى ولكنى خوفت أبنى ما يسالش عليا في آخر ايامى. فسكت وما رضيتش اقوله.لكنى قررت أعمل حاجه يمكن تشفعلى عند الله وقلت احكى حكايتى علشان كل أم تتعظ وتحاول تفكر الف مره قبل ما تعمل زيي. أيوه أنا ربيت وكبرت بس دى سنة الحياة ولازم يحب ويتجوز ويبنى أسرة مكنش لازم أعمل كده. أبنى مش ملكية خاصة أعمل فيها اللى أنا عايزاه. ده بنى آدم من حقه يعيش ويتجوز ويبنى حياة.انا اللى كنت أنانية وغيرتى عمتنى. الحمد لله على كل حال أنا أخدت جزاءى ما انصحش أى حد يعمل زيي. وما تلجاؤش للسحر ده كفر والعياذ بالله. بتمنا منكم تدعولى ربنا يغفرلى اللى عملتوا. تمت..... لو عجبتك القصة ادعمنا بلايك وكومنت برأيك لأن رأيك يهمنا وشير للقصة ومنشن لأصدقائك ليصلك كل جديد. #بقلم_الهام_احمد_عبدالحليم_نيروزونيارنيار. ❝ ⏤إلهام احمد عبد الحليم (نيروزونيارنيار)

❞ *وسلامٌ على قومٍ لا يساندون دينهم* أسير نحو طريق الاستقلال، لا أعلم ماذا أفعل؟ لأجعل قومي يساندون دينهم؛ وديني دِينُ عِزٍّ لستُ أدري أذِلّةُ قومِنا مِنْ أَينَ جاؤُوا؟! يسيرون في اتجاه معاكس للحرية، ولا يدافعون عن أخوانهم في الدين، أصبح الأخ يرى أخاه يقاوم الأحتلال والموت، ولا يساعده، هٰكذا نحن نرى فلسطين تقاوم الجيش الصهيوني، ولا نساعدهم، ليس خوفًا من ذلك الجيش، ولكن ما في اليد حيلة، نشعر بالضجر والتأفف نحو هؤلاء، ولا نستطيع الوصول إليهم لمساندة أخواننا الفلسطنين، اعتذر لهم؛ فليس بيدي شيء أفعله من أجلهم، أبكي حسرةً على هذا الوطن، أتساءل: كيف لكم أنت تقتلون هؤلاء الأطفال؟ أين الرحمة التي في قلوبكم؟ لتقتلوا هولاء الأبرياء، أصرخ صرخةً، لتداوي ألم قلبي، ولكن لم يهدأ ويطمئن؛ حتى تُحرر فلسطين الحبيبة، حين أغمض عينايَ أرى شهدائها يبتسمون فرحًا، أرى أماكنهم في الجنة؛ فهم يقاومون حتى انقضاء حياتهم، يحاربون العدوء؛ كي يجلوهم من البلاد، كيف لنا أن نصمت عن هذا الأحتلال؟ كيف أن نقبل هذا الذل؟ أصمت لوهلةٍ أُفكر في حالهم، وحال أولادهم، يقاومون الموت، ولا يستطيعون الفرار منه، ومهما تحدثت عن نوائبهم، لم أستطيع وصفهم؛ فسحقًا لهؤلاء الأعداء. گ/إنجي محمد \"بنت الأزهر\". ❝ ⏤گ/انجى محمد \"أنجين\"