❞ مش واحد يقولك كلميني بليل لما بابا ينام ❝ 💬 في اقتباسات الكتب 📖

قراءة المزيد .. ❞ ˝ أوعك تأمن للحبيب لو خان ˝

أوعك تأمن للحبيب لو خان
وإن عوزت مرة علاج جرحك
أوعك تقوله أنا تعبان
علشان والله ما هيفيدك
أكتر من إنه ف وجعك هيزيدك
أوعك تأمن للحبيب لو خان
هتلاقي روحك بتتهان
زي ما يكون بِتدبح بسكينة باردة
وكل أيامك الوردي هتتحول لأبيض واسود بعد ما كانت بالألوان
أوعك تأمن للحبيب لو خان
هيلف لفة ويرجع ليكي
هيبص ف عنيكي ويمسك ايديكي
ويقولك أنا بحبك أنا لسة عاشق ليكي
عند النقطة دي أستقوي أوعي تضعفي
واسحبي أيديكي
واعرفي إنه رجعلك عشان اللى مش موجود فيها موجود فيكي
أوعي تنسي نفسك وتسبيلو أيديكي
متسبلوش القرار إنه يرجعلك لتاني مرة ويغدر بيكي
ما هو من البداية لو كان حبك
مكنش جه ف يوم وساب أيديكي
في اللحظة دي أستقوي واتكلمي
وأوعي تبيني أى كسر أو ضعف ف عنيكي
خليه يعرف إن وجوده مش فارق ليكي
لازم يعرف إنك أميرة وملكة وتاج يتحط فوق الراس
وإنه عشان يحبك
لازم يحبك بإخلاص
متختريش أي واحد وخلاص
أختاري اللى يوفي بوعوده ويكون ليكي الأب والأخ والحبيب والسند
مش واحد يمشيها معاكي عِند وعَنَد!!
أختاري اللى يخاف عليكي من كلام وعيون الناس
اللى يخاف يكلمك ويخرج معاكي من ورا أهلك!
ده اللى فعلاً حبك ولازم تحافظى عليه
مش واحد يقولك كلميني بليل لما بابا ينام!!!
ده بيلعب بيكي وبيوهمك بكلام
هو فعلاً لو بيحبك هيخاف عليكي من الغلط
وانك تغضبي ربك
الخلاصة هو أصلاً مش حبك
طب لو حبك ليه سابك واتخلى عنك؟
حافظي على قلبك ومتفتحهوش للشخص الغلط
وأبعدي عن الشبهة وأتجنبي الفتنة
واستني نصيبك اللى كتبهولك ربك.

لِـ حبيبه ياسر عويضه . ❝