❞ مت يا أبو القلب الطيب ❝ 💬 في اقتباسات الكتب 📖

قراءة المزيد .. ❞ ● books-library.com :


❞ صاحبي مات ˝

لله الأمر وله الحكم
وطعم الحزن كما السم
مت يا صاحبي خلاص
مش حسمع صوتك تاني
طب مش حشوفك تاني
مت يا أبو القلب الطيب
طب استنى أشوفك يا حبيب
الموت قد كده مننا قريب
مت يا صاحب عمري
مين حيسأل تاني عني
مت يا ريحة الصبا
مت يا ضحكة هنا
حاشكي لمين تاني
مت وسيبتني وحداني
آه يا الباقي من ضحكتي
آه يا أنيس وحدتي
لو دمع الكون عليك ما يكفي
وحزن القلب وحده ما يوفي
مش لسه بدري علشان تسيبني
والله فراقك دا حيدبحني
سامحني يا صاحبي
أنا هنا في غربتي
مش حأقدر أشيل نعشك
ولا أبكي شوية جنب قبرك
ولا حأقدر أواسي أخواتك وأمك
ولا حاحضن بقلبي ولدك
سامحني يا أعز أصحابي
بس لما تروح لربك وربي
قله إني كنت بعزك آه وربي
سامحني يا صاحبي
....
والله يا تراب لولا خوفي من ربي
لأنبشك حباية حباية بيدي
لأجل أشوف صاحبي

مكنش العشم يا قبر تخطفه بدري
دا كان أخويا وصاحب عمري
وكانت القعدة معاه كل فرحي
....
كان اسمه عيسى وكان أحمد
وكان في حزني معاي يتوحد
أشكيله غربتي يقولي اجمد
....
هان عليك يا تراب تغطيه
كان قلى وأنا كنت من عمري أديه
بس والله لافضل عمري كله أبكي عليه
مع السلامة يا صاحبي. ❝ ⏤ . ❝