❞ كتير كنت أتمني إني أبقي معتمدة علي غيري وتاركة الحِمل علي غيري وكل همي نفسي وراحتي ❝ 💬 في اقتباسات الكتب 📖

قراءة المزيد .. ❞ ˝ أصبحت رماد˝
تعبت من أن أبقي طول الوقت جدعة وقد المسئولية، ويُعتمد عليا ،تعبت من أني بعرف اتصرف ف أي موقف ومايتخافش عليا ، تعبت من أني بعرف أواجه المشاكل والأزمات ومش محتاجة حد يساعدني، تعبت من كوني شخصية قوية ليا رأي وتفكير واقدر أدير حياتي ،وأخد قرارات مهمة بنفسي ، تعبت من كتر ما أنا واقفة لوحدي قصاد أي شخص وأي حاجة ممكن تحصل، تعبت من كتر شيل الهم والمعافرة في الدنيا وتدابير الحياة ومواجهة الظروف ، تعبت من كل دة كتير أوي بندم إني شاطرة وذكية وقد المسئولية ،كتير كنت أتمني اني أكون طفلة مش بتفكر ولا قد المسؤلية ولا بعرف أتصرف في أي موقف، كتير كنت أتمني إني أبقي معتمدة علي غيري وتاركة الحِمل علي غيري وكل همي نفسي وراحتي، للأسف دول اللي مرتاحين و أخذين حقهم في الدنيا ، أنا اه قوية؛ لكن انا بشر أيضاً لست حجر ، أنا إنسانة محتاجة اللي يشيل همي ويتحمل مسئوليتي، محتاجة اللي يهون عليا ويخفف عني ويقف جنبي، محتاجة اللي يطبطب عليا ويسندني ويواجه الدنيا ويتحدي الظروف عشاني ،محتاجة اللي يسمعني ويسمع تفاصيل يومي حتي لو كانت تافهة ومافيهاش أحداث مهمة، محتاجة اللي يسأل عني ويطمن عليا وعلي أحوالي ،محتاجة اللي يفكر إزاي يسعدني ويفرحني ويعمل اللي يريحني ، محتاجة حد أنا اللي أتسند عليه ويبقي سندى اللي أجري عليه واظهر لي ضعفي وإنهياري من غير كسوف، محتاجة اللي أبكي بين إيده وأسلم ليه أمور حياتي وأعتمد عليه في الصغيرة قبل الكبيرة ، اللي يوجهني للصح ويصححلي لو وقعت ف الغلط، محتاجة الي ياخد بإيدي ويطلعني من بحر الحزن اللي غرقت فيه ويشفي الوجع اللي بقالي سنين بعاني منه ،محتاجة اللي يحتويني و يستوعبني ويستوعب عصبيتي ولخبطي وبكائي من غير سبب أحيانا ، محتاجة أشعر بالأمان والهدوء انا محتاجة بس أطمن إني مش لوحدي .
ك/ آية محمد . ❝