❞ دخلت وغيرت اللبس وروحت اشتريت السالوبت اللي كنت مختاراها واشتريت فستان أطفالي زي العاده ❝ 💬 في اقتباسات الكتب 📖

قراءة المزيد .. ❞ اسكريبت ˝أحببت طفلة˝
بقلم الكاتبه/تسنيم محمد صبحي
•ــــــــــــــــــــــــــــــــــــــــــ•
الساعه سته وعلى المقيمين خارج مدينة الرعب المحفاظه على فروق التوقيت درجة الحراره ف الضل 25 ودا كويس للزواحف واحتمال يبقا جو هايل للكسل ف السرير والنوم وأقولك الأحسن عمل تمرينات للمخوفتيه اصحى ياشلبي بوووووووووم
صدر هذا من منبهي أجل هذه نغمة المنبه خاصتي قومت من النوم بنشاط لبست السالوبته بتاعتي وعملت شعري كحكه ونزلت كارتون سيمبا
_انزلي يالوجين هاتيلي خضار
_حااااااضر
خرجت وروحت عند البقال وأعطاني الأشياء ابتسمت وخدتها ومشيت وانا بتفرج على الموبايل وايجت لقطة سكار بيقول لسيمبا على السر الخطير خلاني أصرخ وان هو اللي قتل موفاسا
_عااااااااا منك لله ياسكار
لاقيت واحد بيبصلي باحتقار روحتله وقولتله
_ممكن أفهم حضرتك بتبصلي كدا ليه
=بقا واحده عندها خمس سنين بتكلم واحد سيبتي ايه للكبار انتي انسانه مش محترمه
_انت بتكلمني انا انت عبيط ياجدع انت انا عندي 23 سنه مش خمس سنين ومش بكلم واحد جتك قرف
رفع حاجبه بتعجب وقال
=امال مين اسكار دا
_بقا انت متعرفش سكار هقولك ف ودنك على سر خطير
قربت من ودنه وقولتله
=أنا اللي قتلت موفاسا هعهعهعهعها
لاقيته بيبصلي وفجأه انفجر ف الضحك ويقوللي انتي عبيطه
=بس ياجدع انت انت اللي متخلف
سيبته ومشيت وصلت الخضار لماما وكملت فرجه على الموبايل
عدى أسبوع على الموضوع وخرجت اشتري لبس ليا، وصلت المحل واخترت سالوبت أطفالي أو بمعنى أصح مقاسي ف لبس الأطفال
لاقيت واحد بيبصلي باستغراب ومقرب ناحيتي دققت النظر لاقيته هو اللي كنت بتخانق معاه من أسبوع وقولتله اني متخلف
_يابنتي ليه لبس الأطفال دا
=ياجدع روح امشي
_علفكرا اسمي وليد والله
=طب يلا يابشمهندس وليد علشان مضايقكش
بدون مقدمات شدني من ايدي وأخدني على قسم لبس خاص بالآنسات
_اشتري لبس من دا هيكون جميل عليكي بلاش سالوبتات الأطفال
=طيب طيب هاتلي مقاسي
شدني من ايدي واختارلي لبس انسات وكل ماأقيس حاجه تكون طويله وكبيره ف لبست حاجه شبه العبايه وكانت مخبياني وشكلي يفطس ضحك ومش عارفه أمشي بيها أول ماشافني فطس ضحك
=بتضحك على ايه ياوليد شايف ايه بيضحك
_شكلك مسخره
دخلت وغيرت اللبس وروحت اشتريت السالوبت اللي كنت مختاراها واشتريت فستان أطفالي زي العاده
خرجت وأخدني تاني وصلني مطعم
_تطلبي ايه يقا يا...
=لوجين اسمي لوجين
_تطلبي ايه يالوجين
=شيكابون
_ايه دا
=يييي لسه هشرحلك يابني دا حاجه كدا زي شكولت
_آه حاجه خاصه بالأطفال تمام هجبلك
=اه وياريت تجيب لبان علشان ماما لو عرفت اني كلت شوكولاته هتنفخني
_أأي أوامر تانيه يالوجي
=شكرا ياوليد
جابلي الشيكابون واللبان وأكلتهم ووصلني البيت
_أي أوامر تانيه يالوجي
ابتمسمت وقولته
=شكرا ياباشا
طلعت البيت ودخلت اوضتي وقعدت أتفرج على كرتون سندريلا وغلبني النوم ونمت
عدى شهر ولاقيت ماما بتقوللي ان في واحد متقدملي وان امه دعيا عليه وهييجي بالليل
جت الساعه 7:00 بالليل وكنت لابسه السالوبت الجديد ورن الجرس
قومت شوفت مين لاقيته هو ومامته وباباه وأخته
دخلتهم وقال
_أقدملك ياماما عروستنا القمر
=انت بتتكلم عني ياوليد
_ايوا يالوجي أنا بحبك
خرجت عيلتي وعيلتو من الأوضه وسابوني أنا وهو، قرب من ودني وقاللي هقولك سر خطير
بصيتله وقولت قول
_أنا اللي قتلت موفاسا هعهعهعهعهعا
بصيتله وقولتله
=لاااا بابااا
فطسنا ضحك على بعض واتخطبنا وجه يوم كتب كتابنا
_بحبك ياطفلتي
=هاتلي شيكابون واقولك اني بحبك
ضحكنا أنا وهو وتم عقد القران واتجوزنا، وخلفت آيلا وآسر.
•ــــــــــــــــــــــــــــــــــ•
اسكريبت ˝أحببت طفلة˝
للكاتبه تسنيم محمد صبحي . ❝