❞ ثلاثة في 390 يوم في السنة في عشرة ❝ 💬 في اقتباسات الكتب 📖

قراءة المزيد .. ❞ آخر حاجة كنت عاوزة أسمعها يومها هي (جملة شدي حيلك) دخلت أوضتي باحاول أحسب أنا سمعت الجملة دي كام مرة في حياتي لحد دلوقتي بقالي 10 سنين باسمع الجملة دي بمعدل 3 مرات كل يوم. ثلاثة في 390 يوم في السنة في عشرة.. شوف إنت بقي الجملة اللي اتحدى أي حد يكون عارفلها إجابة منطقية أحضرها في دماغي قبل ماروح أي خطوبة، حنة، فاتحة، كتب كتاب، زفاف، سبوع، عيد ميلاد، عيد جواز، طلاق وقبل حتى ما أفتح باب بيتنا! لما يتقال لي (شدي حيلك) أرد أقول إيه؟ إيه الرد المنطقي؟ أنا باسأل بجد. أقول (حاضر) مثلا، أقول (حالا أهو)، (ماشي هاشده)، أقول (شديته والله قبل ما أنزل)!! حيلي : ده أشده إزاي؟ أشده بقوة قد إيه؟ أشد بسرعة وخلاص ولا ببطء بس أشد جامد؟ طب أشد كام مرة في اليوم؟ مرة؟ مرتين؟ أشد طول الأسبوع ولا أشده يوم بعد يوم؟ طب هو أنا لو شديت حيلي جامد ممكن يتقطع مني؟ لو ماشديتوش خالص ممكن يرخي من الركنه زي الاستك؟!
سؤال ثاني، هو أنا لما أشد حيلي كام مرة في اليوم أوصل في وقت قد إيه؟ بتعرف تحسب؟ وأنا باسألك ليه؟ بسيطة، نضرب السرعة بالكيلومتر في الوزن بالكيلو جرام يدينا التاريخ باليوم باين. طب، هو الحيل ده أصلا ه إيه من الناحية الثانية؟ مانا لازم أفهم قبل ما أشد 😂 . ❝