❞ تفتكر يا ليل إمتى قلبى هايرتاح؟ ❝ 💬 في اقتباسات الكتب 📖

قراءة المزيد .. ❞ حد يفهمنى ويطبطب على قلبى ويقولى بكرة راجع
ليه قدام عينيه ماقدرش أعاتب
ليه ماقدرش اقوله إنه سابنى مع قلبى نعانى
أدينا يا ليل مستنين يوم لقاه ولا كأنه يوم أحلامى
أتمنى يا ليل ألقى دوايا لأن القلب مابقاش حمل الأوجاع
يمكن دوايا ألاقيه معاه
يمكن لما يسمع كل ال جوايا يداوى قلبى من الأوجاع
أو يمكن يرتاح قلبى ويمشى فى طريقه وينساه
بقى كل حلمى فى يوم لقاه يمكن قلبى يرتاح
بسرح مع القمر فى إنى أشكيله من قساوة قلبه على
إزاى هُنت عليه وقِدر يقسى قلبه على
وقلبى كان ليه منزل ودفا
ليه يا ليل رغم قساوته لما اسمع صوته
أنسى كل قساوته وبجرى عليه
كطفلة لاقت أمها بعد غياب
أترانى يا ليل إنى عشقته رغم قساوته
ليه يا ليل قساوته مقربانى ليه
ليه يا ليل بُعده لى مش راحه
رغم ان قربه مش جنة
لا فى بعده قلبى مرتاح
ولا فى قربه قلبى مرتاح
تفتكر يا ليل إمتى قلبى هايرتاح؟
لـِ ندىٰ العطفى
آيلا . ❝