*رواية ( حب حطم المقاييس)* *W.R: Habiba Ali* *البارت السادس* ˝... 💬 أقوال 📖 موضوع حب حطم المقاييس

❞ *رواية ( حب حطم المقاييس)*

*W.R: Habiba Ali*

*البارت السادس*
\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"
تمارا بعد ما نزلت من الطيارة جمعت فريقها الذي كان يتكون من بنات واولاد وقالت: الحمد لله على السلامه يا ابطال من النهارده شغلنا هيبقي في مركز شرطة في اسطنبول وهيكون عندنا مهام كتير وشغل كتير وانا القائد هنا وأي مشكله عند اي حد فيكم او اي حاجه تحصل يقولها بصراحه تمام
الجميع: تمام يا فندم
تمارا بجدية: وبالنسبة للمسكن احنا معانا تذاكر نقعد في فندق لمده اسبوع ببلاش لحد ما كل واحد يتحرك ويظبط نفسه يلا موفقين في تركيا يا شباب وان شاء الله خير
الجميع:ان شاء الله يا فندم
وبعد رحيل الجميع عزمت تمارا في نفسها تنسي كل حاجه زعلتها وتعيش حياتها في شغلها وبس وطبعا هتبقي تاخد اجازه من فتره للتانيه وتبقي تنزل مصر وتزور امها وبعد قليل وقفت تاكسي واديته عنوان الفندق بس صاحب التاكسي كان بيبصلها باستغراب لملابسها لان كل اللي هنا قليل لما تلاقي لابس زيها محترم حيث كانت تردي بنطلون تلجي واسع وعليه جاكت جلد اسود طويل يصل لبعد الرقبه ولم تنسي حجابها الاسود الجميل اما هي ففهمت نظراته وتجاهلته وهي تطلع الي الشوارع وإلي جمال المدينة عازمه انها سوف تقضي اليوم في الفندق ومن الصبح هتلف في شوارع اسطنبول وبعد قليل وصلت تمارا وطلعت اوضتها اخدت شاور سخن وطلعت بيجامه من شنطتها ونامت
\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"“\"\"\"\"\"\"\"
عند مراد
\"\"\"\"\"\"\"\"\"\"\"\"\"\"\"\"\"\"\"
كان نايم على السرير وبيكلم في الفون مع بنت شريكه اللي اصغر منه بسنتين تقريبا وهما في مشروع خطوبه وهي مسيحية الديانه
واسمها مريم جونسون ووالدها اسمه عماد جونسون
مراد:يلا مع السلامه مريم هبقي اشوفك بكره ونشتري كل حاجه انتي عاوزاها الحفله ونقعد شويه على البحر ايه رأيك
مريم بسعادة: تمام مرادي اللي انت تؤمر بيه هيكون يلا تصبح على خير يا قلبي
مراد ببرود:وانتي بخير
وطفي النور ونام بس حاسس انه مش مرتاح مش عارف ليه وبعد تفكير استسلم للنوم
\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"
في صباح اليوم التالي عند تمارا
\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'
فتحت تمارا عينيها علي ضوء الشمس الذي دخل اليها عن طريق النافذة ابتسمت وقرأت اذكار الصباح وبعدين مسكت تليفونها لترن بوالدتها فردت عليها في الحال وقالت عائشة بلهفه: تمارا بنتي نور عيني وصلتي يا قلبي بالسلامه طب اكلتي كويس ونمتي كويس طب نمتي فين طمنيني عليكي يا عيوني عامله ايه مرتاحه عندك
تمارا بابتسامة للهفه والدتها: انا تمام يا امي ووصلت امبارح بليل ونمت علطول ولسه صاحيه اهو وهطلب من الفندق يبعتلي الفطار دلوقتي المهم حضرتك عامله ايه وبتردد وسيلين عامله ايه يا ماما
عائشه بدموع على قلب بنتها الطيب بعد كل اللي عملته ولسه بتسأل عليها: كويسه يا روح امك والله طول الليل قاعده في اوضتك وبتعيط انه هي اتعصبت وقالت ليكي الكلام ده وزعلانه منك عشان سافرتي
تمارا بدموع: عشان خاطري يا ماما متخليهاش تعيط وخففي عنها وانا كويسه هنا ودا حلمي بس الحاجه الصعبة انكم بعيد عني بس انا هبقي اخد اجازات وانزل مصر واشوفكم بس انتي ادعيلي يا ماما
عائشه بدموع:ربنا معاكي يا حبيبتي ويوفقك يارب
تمارا بهدوء:آمين يا ماما يلا مع السلامه دلوقتي عشان هنزل شويه اتعرف على المدينة وهكلم حضرتك اول ما أرجع ان شاء الله وبلاش تقولي لسيلين حاجه
عائشه بابتسامة عريضة:مع السلامه يا قلبي وخلي بالك من نفسك واهتمي بصحتك
تمارا بابتسامة: حاضر يا قلبي
\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"
عند مراد
\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'\'
استيقظ من نومه على صوت خبط على الباب ففتح عينه واعتدل في قعدته وقال بصوت رخيم نتيجه لأثر النوم به
مراد:ادخل
فتلاحق دخول أسر بغضب شديد وقال له:هو انت ايه مش بتحس على دمك والله انا تعبت منك انت إزاي منزل في الجرايد وعلى الانترنت انك ناوي تتجوز ما لقتش غير البنت ده اللي مش نافعه في حاجه غير كل يوم سمعتها زي الطين أنا عاوزك تتجوز بس تكون بنت كويسه تقدر تحافظ على سمعتك اما دي مش نافعه بحاجه خالص غير قله الادب قاطعه صوت ساخر: والله وأنت مالك وايه دخلك ملكش دعوه بأي حاجة بيني وبين مراد يا أسر ولا انت نسيت نفسك ونسيت مين هي مريم هانم اللي حضرتك كنت شغال عند ابوها
\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"\"
*وبكده خلص البارت واستنوني البارت الجاي وهنشوف مراد هيدافع عن صديق عمره ولا لأ*

*(اللهم صلي وسلم وبارك على سيدنا محمد وعلى آله اجمعين)*

*W.R: Habiba Ali*. ❝ ⏤