قصيده..مبقتش فرحانه بدور علي حاجه واحده تفرحني مش... 💬 أقوال الكاتبه/منار الديب 📖 كتاب يومياتي

❞ الأمان مش دايمًا مكان» الأمان مش دايمًا مكان، ومش دايمًا شخص، ومش دايمًا كلام حلو، الأمان شعور، وإحساس إنك مش لوحدك، إنك مش مضطر تشرح، ومش مضطر تمثِّل، ومش خايف حد يفهمك غلط.. الأمان لما تبقى قاعد ساكت وكل اللي قدامك فاهم سكوتك، مش مستني منك حاجة، بس موجود، جنبك، بيطبطب بحضوره، من غير ما يتكلم.. الأمان لما تبعت رسالة ما اتردِّش عليها، بس تبقى واثق إنك مش هتتنسي، ولما تغيب وتلاقي اللي مستنيك، ولما تغلط وتلاقي اللي بيسترك، ولما تقع وتلاقي اللي شايلك مش بيحاسبك.. الأمان مش في العدد، ممكن تكون وسط ألف حد وتحس إنك تايه، وممكن تبقى مع واحد بس وتحس إنك في حضن الدنيا.. الأمان مش دايمًا بيت، في ناس بتنام في بيوت مليانة ناس وتحس بالوحدة، وفي ناس بتنام في هدوء لأنها عارفة إن في قلب بيحبها بجد.. الأمان لما تلاقي اللي يسمعك وإنت مش عارف تعبك فين، اللي يقولك: «أنا حاسس بيك»، من غير ما تطلب، واللي يثبتلك إن وجوده مش صدفة، وإنه مش هيكون زي الباقي.. الأمان هو الطمأنينة اللي بتحسها جوَّاك وإنت مع حد.. وتحس إنك مش محتاج تبقى قوي، لأنك لقيت أخيرًا اللي تطَّمن له.. وتريَّح. گ/ منار احمد الديب \"عــآشــــقــهِ آلَهِدوء\". ❝ ⏤الكاتبه/منار الديب