█ حصريا تحميل كتاب مجاناً PDF اونلاين 2024
❞ كانت الساعه حوالى اثنين بليل كنت راجع تعبان من الشغل ما صدقت شوفت السرير اخدته بالحضن من شدة الإرهاق ولسه عينى هتروح في النوم سمعت صوت خروشه جاى من البلكونه بس بصراحه مش قادر أقوم اشوف إيه الصوت ده قررت اطنش وانام سمعت الصوت بيعلى صوت مضغ.
طب مين اللى بياكل الساعه دى وايه اللى هيجيبوا فى البلكونه.ابتديت أقلق والنوم طار من عينى بس لسه جسمى تعبان والصوت بيزيد وقلبي ضرباته تزيد ياترى إيه الصوت ده.
بعد قلق وخوف قررت أنى أقوم أشوف فى إيه وياريتنى ما قمت.
فتحت جزء صغير من باب البلكونه علشان أخد حذرى واللى شوفته صدمنى.
شوفت عنتر قط الجيران قاعد في البلكونه وبياكل في قلب.
زى ما يكون قلب بنى آدم وعمال يأكل بشراهة اترعبت من صوته وهو بيزوم وهو بياكل.رجعت قفلت البلكونه بشويش وحمدت ربنا أنه ما شفنيش وفضلت في حالة رعب وصمت وصدمه من اللى شوفته فضل الصوت بتاع الخروشه والمضغ.وصوته وهو بيزوم لحد قبل الفجر بدقائق.وبعدين ما سمعتش حاجه. الأذان إذن واختفا الصوت.كنت عامل زى المشلول.فضلت مركز مكانى علشان اشوف القط موجود ولا لا ما سمعتش غير صوت الاذان.اتحملت على نفسى وقمت بصيت من ورا باب البلكونه ما لاقيتش حاجه.
حمدت ربنا وقمت دخلت اتوضيت وصليت الفجر وقلت أنام ساعتان.نمت من شدة الإرهاق ما حسيتش بحاجه حواليا.
صحيت على حوالى تسعه بليل راحت عليا نومه وضاع وقت الشغل لما صحيت اعتذرتلهم في الشغل والمدير قدر أنى كنت مرهق. قمت اخدت دوش وغيرت هدومى وقلت أنزل اجيب شوية حاجات للبيت .
نزلت جبت شوية حاجات ورجعت البيت وأنا طالع السلم شوفت عنتر بيبص لى بصات مريبة وأنا بصراحه كنت بتجنبه من وقت ما شوفته فى البلكونه.
طلعت الشقة ويدوب غيرت هدومى كانت حوالى اثنا عشر ليلاً.سمعت نفس الصوت بس المره دى كنت فايق اتسحبت بشويش وبصيت من ورا باب البلكونه.شوفت عنتر بياكل أيد بنى آدم ودى كانت الصدمه لأنى امبارح مكنتش متأكد بياكل قلب إيه.لكن دلوقتى اتاكدت .فضلت قاعد مرعوب أتصلت بواحد صاحبى قلتله يجى يبات معايا واستغرب ولكن نفذ رجائي وجه الغريبة بقى لما جه صاحبى ما سمعناش حاجه ولا شوفنا حاجه.حسيت أنى هتجنن.اتفقت مع صاحبى أنى عايز أغير السكن قالى أن فى شقة فى عمارتهم وسعره حلو.
قمت بسرعه لمت حاجتى.وقلتله هاخدها بأى سعر المهم امشى من هنا وتانى يوم عزلت من العماره.
تمت..
#مايكروفكيشن
#الهام_احمد_نيروزونيارنيار . ❝
❞ كنت نايم وصحيت على صوت رساله.
أنت ياابنى لسه نائم ما تنساش معادنا علشان ننزل نحجز القاعه علشان الفرح.
ردت عليها برسالة طب لما تجهزى كلمينى.
ردت عليا ياسلام ما أنا جاهزه وبكلمك أنت اللى بتحب تتأخر ودى عادتك يلا ياكسلان لسه ورانا حاجات كتير.
ركنت التليفون ولسه هكمل نوم بس معرفتش أنام..
وقمت ورجعت ضهرى لوراء وأنا عمال افتكر أنها فعلاً بعتتلى الرساله دى وده كان ردى عليها علشان ننزل نحجز قاعة الفرح.
وفعلاً خلصت وجهزت ونزلت لها علشان نتقابل في وسط البلد.شافتنى وشاورتلى بايدها ولسه بتعدى الطريق صدمتها شاحنه كبيره وماتت فى وقتها ومن يومها وكل يوم اصحى على رسالتها 💔
حبيبتي نارا 💔
#مايكروفكيشن
#الهام_احمد_نيروزونيارنيار . ❝
❞ كنت أتجول بأحد المقاهى القديمه فهى مخزن للتراس والحكايات القديمه لاستوحاه منها بعض القصص فنظرت إلى ركن من أركان المقهى فوجدت أحد الأشخاص المفضلين لدى.
ففكرت بأن ألقى السلام عليه.وعندما عزمت على القيام والاقتراب منه واقتربت وجدته بدون رأس وتخرج منه نافوره دماء فانصدمت ونظرت حوالى ثم نظرت له ووجدت نفسي ظمأ فاقتربت منه وملئت كاسه من هذه النافوره وشربت حتى ارتويت.ثم نظرت مره اخرى فلم أجد أحد فهممت بالمغادرة ولكنى وقفت فجاءه عندما تذكرت أن رأسه باحد أركان المقهى فذهبت وبحثت عنها ثم قمت بحملها داخل حقيبتى لاحتفظ بها للذكرى ثم وصلت مغادرة المقهى بعد ملئ زجاجه لحتى ارتوى منها إذا عطشت مره اخرى.
#مايكروفكيشن
#الهام_احمد_نيروزونيارنيار . ❝
❞ زى عادت معظم الناس كنت بحب ادندن وأنا باخد الدش بتاعى في أى وقت بقى صبح ليل مش بيفرق معايا من وقت ما شوفت الممثلين بيعملوا حركة الدندنة في الحمام وأنا بقيت مدمن وفى يوم العائلة كانت بايته بره البيت عند خالتى ومفيش غيرى فى البيت.ابويا أتصل وقالى إحنا مش هنرجع النهارده يامازن.
قلت لابويا ليه ؟
قالى فى حتة أرض عجبتنى وزوج خالتك هياقبلنى بصاحبها.
ف مش هنيجى النهارده شوف لو عايز تيجى تعاله.
قلتله خلاص ياحج أنا هقعد اظبط المشروع بتاعى.
وقفلت على كده كانت حدود الساعة عشره بليل والجو حر قلت اقوم أخد دوش واروق على نفسى دخلت الحمام وبدأت أخد الدوش وأنا بدندن.المشكلة أنى بقيت بسمع صوتى مرتين أو زى ما يكون حد بيغنى معايا.
ارتعبت وسكت خالص خلصت الدوش وخرجت وأنا مش فاهم إيه الصوت اللى كان بيغنى معايا ده.
حاولت اتجاهل الموضوع جهزت العشا واتعشيت وفتحت اللاب توب علشان اشتغل على المشروع بس وأنا مندمج سمعت صوت حد بيغنى نفس الأغنية فى الحمام مع صوت الدوش شغال.ضربات قلبى زادت وما كنتش عارف أعمل إيه كنسلت المشروع وشغلت القران ورفعت الصوت جامد.
وفضلت اردد مع القران وأنا جسمى بيترعش من الرعب فضلت كده لحد إذن الفجر وبرغم أنى ما سمعتش الصوت تانى بعد إذن الفجر ولكنى فضلت مشغل القران وكنت خايف أنام ولكنى غفلت وصحيت على صوت امى بتقولى قوم ياماذن تتحسد أول مره تشغل قرآن فى الشقة.
ما رديتش أقولها حاجه هتفضل تقطم فيا بسبب الاغاني.
ما سمعتش أى أصوات تانى والحمد لله دومت على سماع القران الكريم وبطلت اغاني ولما سألت شيخ قالى الخلاء له احترمه واذكار تحصين ربنا وصنا بيها.حاول تطبق أوامر ربنا هتعيش مرتاح.
تمت....
#مايكروفكيشن
#الهام_احمد_نيروزونيارنيار . ❝
❞ مش عارفه احكى لكم الموقف ازى بس أخويا سافر يتفسح هو وأولاده وسابلى المفتاح علشان افتح الشقة تتهوى من وقت للتانى قلت أروح أهوى له الشقة واتمم على كل حاجه وأول ما قربت من الشقة سمعت صوت حاجه بتتحرك جوه الشقة وأنا أصلا بخاف وبعد شوية ما سمعتش حاجه قلت يبقى بيتهيالى هفتح بقى الشقة علشان تتهوى.
أول ما حطت المفتاح في الباب سمعت صوت همس خوفت افتح الباب وبعدين ركزت ما سمعتش حاجه هو أنا بيتهيالى حاجات كتير النهارده.
فتحت الباب ودخلت وأول ما دخلت سمعت صوت حركه فى الغرف اترعبت ده حرامى ولا إيه الدم نشف في عروقى وما بقيتش عارفه أفكر وفجاءة هبت عاصفة فى الشقة بس ازى والشبابيك مقفولة أنا لسه ما فتحتش الشبابيك ومن شدة العاصفة وقعت ومن حسن حظي كنت قريبة من باب الشقة فتحت الباب وخرجت أجرى وقفلت الباب بسرعه وفضلت وقفة على السلم باخد نفسى بالعافية ياترى إيه اللى جوه الشقة.
نزلت أجرى وأنا مرعوبه وقلت ماليش دعوه لما يجى ياخد مفتاح شقته وما رديتش أقول لحد.
الغريبة بقى أن اخويا ما طلعش مسافر يتفسح ده كان مسافر شغل واتصل بيا قال إنه إحتمال يفضل عنده هو وأولاده علشان الشغل.
ياترى هو عارف ايه اللى فى شقته؟
#مايكروفكيشن
#الهام_احمد_عبدالحليم
#نيروزونيارنيار . ❝