█ حصريا تحميل كتاب مجاناً PDF اونلاين 2024
❞ ـــــــــــــــــــــــــــــــــــــــــــــــــــــــــــــــ
إسكريبت جديد.. ♥
كان لازم أفووق../
_عمر... إيه يابنى فينك مش بتبان ليه.
-أهو فى الدنيا إنت عامل إيه يا كيمو.
_أنا الحمد لله بخير. أما عندى ليك حته خبر بمليون جنيه.
-خير قول بس ياريت يطلع خبر حلو اصل الواحد مش ناقص.
_بص يا عم إحنا هنروح بكره إحنا والشله والبنات بتوعنا إسكندريه نتفسح يومين ونرجع هاا إيه رأيك تيجي معانا.
-طيب تمام إشطا كده هاجى طبعا.
_طيب كده تمام هأكد عليك بكره هنتقابل فين.
-طيب تمام.. سلام.
_سلام..
ــــــــــــــــــــــــــــــــــــــــــــــــــــــــــــــ
_إيه يا عمر إتأخرت كده ليه.
-معلش يا ماما كنت قاعد مع كريم صاحبى على القهوه.
_طيب يا إبنى انت صليت العشا ولا لسه.
-لا لسه هنام ولما أصحى هبقى أصليها..
_لا يابنى متأخرش الصلاه أبدا إنت ناسى إننا مخلوقين عشان نعبد ربنا متخليش الدنيا تضحك عليك وياخدك الموت على غفله محدش ضامن عمرو.
-لسه العمر طويل يا ماما إحنا لسه شباب يلا هدخل أنام تصبحى على خير؛ واه صحيح يا ماما انا مسافر اسكندريه بكره انا وأصحابى أصل فى أبحاث هنعملها هناك ونرجع.
_ماشى يا عمرى ربنا يوفقك بس متنساش تصلى وأه صحيح القبر مش مكتوب عليه للكبار فقط يامه ماتوا صغيرين.
-حاضر تصبحى على خير.
وللأسف دخلت نمت ومصلتش وقعدت سهيت فى سماع فديوهات وكلام بنات ونمت ونسيت.
ـــــــــــــــــــــــــــــــــــــــــــــــــــــــــــــــ
-يلا بينا نتحرك ياشباب كلوا يركب.
-متشغل لينا يا عم كده شويه اغانى نفرفش بدل الملل ده.
_من عيونى إستنو بس أظبط الراديوا.
_حاااااااااااااسب حااااااااااااااااااااسب خد بالك.
والعربيه بتتقلب بينا وانا فى أخر لحظات ليا قبل مفقد الوعى مفيش غير كلمه واحده إلى فى بالى وهى إن القبر مش للكبار فقط دول يامه ماتوا صغيرين. مكنتش أعرف أن الموضوع سريع كده وهييجى بسرعه انا مكنتش اعرف إنها قريبه كده وأن النهايه كده..
ــــــــــــــــــــــــــــــــــــــــــــــــــــــــــــــ
_إيه يا دكتور طمنى إبنى عامل إيه.
-سبيها على الله يا أمى وإدعيلوا ربنا ينجيه.
_يارب... يارب... انا ممكن أدخلوا يا دكتور أطمن عليه.
-اه تقدرى بس بلاش كلام معاه كتير..
ـــــــــــــــــــــــــــــــــــــــــــــــــــــــــــــ
_ مالك يا نن عيونى فيك إيه إن شاء الله هتبقى كويس وتقوم بالسلامه يا عمر ان شاء الله
-كان لازم أفوق يا ماما كان لازم أفوق اهم وصلوا يا ماما عشان ياخدونى انا مكنتش مستعد انا مش مستعد للحظه دى هقابلوا اقولوا إيه معنديش أعذار ليه يا امى وصلوا يا امى وصلوا كان لازم أفوق يا امى كان لازم...
الجهاز بقا صفر دقات القلب وقفت صوت عياااط سامعوا بس مش قادر أتكلم او اتحرك ناس بتغسلنى انا إتكفنت هدومى إلى كنت بلبسها ديقه او مقطعه وأقول موضه إتحولت لكفن مغطى كل جسمى حطونى فى اوضه ضلمه تحت الأرض إيه داا دا القبر هو دا صوت أخر قدم منهم ماشيه وسيبانى كأنها صوت أكبر حفااااااار للارض وانا قلبى مع كل خطوه منهم هيقف عاوز اقولهم متسبونيش معتش فى صحاب ولا أهل ولا تلفون ولا فلوس ولا أى حاجه كل الدنيا بقت ورا ضهرى وأنا لوحدى فى اوضه ضلمه ملكين صعبين قوى شُداد قوى قومونى وسألونى.. من ربك؟ ما دينك؟ من نبيك؟
انا معرفتش اجاوب انا كنت مجاوب عليهم فى الدنيا صح ليه دلوقتى معرفتش أجاوب بنضرب كل يوم على كل صلاه فرضت فيها شفت مكانى فى النار إلى كنت مستهزئ بيها طلعت صعبه قوووووى صعب بتمنى كل يوم ارجع الدنيا ولو ساعه ولو ثانيه اتوب وارجع لكن مفيش رجوع مفيش ندم مفيش.. وفجاه بعد مرور سنين لايعلمها إلا الله لقيت صوت بووق شديد قومنا كلنا لقيتنا روحنا مكان فيه شمس حااارقه مش قادر أستحمل بس فى ناس لهم مظلات خاصه بيهم وحامياهم من الشمس لهم صدقه وصلاه وذكر وقرآن صاحبهم معاهم سلاح حاميهم وانا لوحدى من غير حاجه.. عطشااان قوى قوى رحت عشان أشرب من الحوض لقيت عليه راجل جميييل جدااا جيت أشرب الملائكه وقفونى وقالوا لاتدرى يا رسول الله ﷺ ماذا فعل هذا من بعدك لقد ترك العباده والصلاه وترك الاخره من اجل الدنيا مشيت وانا مشربتش لكن اكترحاجه وجعانى ان الرسول ﷺ زعلان منى يااه بعد إلى عملوا ليا وعشانى دا كلوا وانا جيت ومسمعتش كلاموا.. دورى جه بعد مده طويله وووقت طويل ووقفه أطول اخدت كتابى بإيدى الشمال.. رحت للميزان لقيت سيئات كتتير ملقتش حسنااات كميه حسره وخوف مش قاادر. كل حاجه لقيتها مكتوبه فى كتابى كل ذنب وكل فعل وكل كلمه وكل نظره كل دا مكتوووب.
مقدرتش أمسك نفسى من الخجل وربنا بيقولى ˝عبدى لما جعلتنى أهون الناظرين إليك..˝
مش عارف ارد مش لاقى أعذار مش لاقى سبب لتقصيرى فى العباده غير انى بجد ضيعت نفسى ومشيت ورا الشيطان.. دخلت نار مش عارف هخرج منها إمتى مكنتش أعرف أنها صعبه كده وللأسف دا مش حلم أفوق منو ولا أن فى فرصه تانيه أرجع واتوب بالعكس مفيش رجوع مفيش فرص تانيه مفيش غير ندم وبس.. يعنى كان لازم افووق..
ـــــــــــــــــــــــــــــــــــــــــــــــــــــــــــــــ
وللاسف دا هيبقى حال الغافل والعاصى والتارك للاخره والمتمسك بالدنيا دا هيبقى حال كل واحد ساب باب ربنا وخلى الدنيا تضحك عليه متستهونوش بيها عشان هى صعبه قوووى صعبه مش هيستحملها غير إلى قدر يجاهد نفسوا ويبقى من صفوف المؤمنين..
متخليش الدنيا تضحك عليك وتضيع منك الاخره..
قال تعالى.. ˝إستحوذَ عليهم الشيطانُ فأنساهم ذِكر الله˝
صدق الله العظيم.
متبقاش منهم الى ضحكت الدنيا عليهم وفاكرين انهم صح وهما أصلا اكبر غلط كل واحد عارف ذنبوا فين وعارف سيئاتو وحسناتو توب قبل اخر نفس توب قبل الفرصه متضيع تووب بجد توب عشان خساره بجد يبقى مكانك النار وتضيع الجنه منك..
˝فلا تتركوها جنه خالده من اجلها دُنيا فانيه..˝
إستغفروا الله .. استغفر الله العظيم واتوب اليه ♥
لـ/امنيه خميس 🦋
ـــــــــــــــــــــــــــــــــــــــــــــــــــــــــــــــ . ❝
❞ إزاي تختاري صح؟
يعني تختاري راجل يكون قد المسوالية يتحمل عصبيتك وجنونك راجل يشوفك ملكة راجل يحس معاكي بالأمان والحنان ويحس انك وطن بنسبة ليه راجل يقولك ايه الصح وايه الغلط راجل يقولك متلبسيش اللي يظهر جسمك عشان الناس ما تركز معاكي راجل يقولك انتي مفيش منك في الدنيا اتنين راجل يكون خايف أنه يبص لبنات الناس عشان ربنا ميعقبوش بكي راجل لو حواليه ملين البنات ميكونش شايف حد غيرك راجل يعمل احترام لغيابك قبل وجودك راجل لو حد جاب سترتك بالحلو أو الوحش يكون عايز يولع فيه لانه جاب سترتك لانك ملك ليه هو وبس راجل تحسي وانتي معه بأمان عمرك ما كنتي تحلمي بيه يخليكي تشوفي الكون بعينة يساعدك تقربي من ربنا عشان تكون معه في الجنة راجل يكون عايز يهد الكون كله لو حد فكر يجرح مشاعرك راجل يكون نفسة يجبلك نجمة من السماء عشان يسعدك راجل يخليكي تحسي وقت ضعفك أنه ابوكي وقد احتياجك يبقا اخوكي وقد خوفك يكون حبيبك وخطيبك وجوزك وابنك اللي هيكون سندك في الدنيا راجل يكون عارف ازاي يحافظ عليكي ويحميكى حتي من نفسة يكون خايف عليكي من الهوا الطاير راجل يكون حنين لأن الراجل الحنين رزق لأنه هيكون سندك وضهرك ويتحملك في كل أوقاتك اختاري سيد الرجال .
الكاتبة آية محمد محسن عبد المنعم . ❝
❞ الزوج الصالح
مش معناها الملتحى اللى داخل طالع من المسجد اللى ماسك المصحف ليل نهار وبس
الزوج الصالح هو اللي يكون سند وصاحب في طاعة الله و حاجز بينك وبين معصية الخالق
هو اللى فاهم (استوصوا بالنساء خيرا)
لانك ببساطه كنتي التي تسره إذ نظر، وتطيعه إذا أمر، ولا تخالفه في نفسها وماله بما يكره
هو اللى فاهم يعنى ايه الرسول صل الله عليه وسلم يشبه النساء بالقارورة
الزوج الصالح هو اللى تحسى معاه بالامان والسكينة حتى ف عز مشاكلكم
الزوج الصالح هو اللي فاهم حديث سعد بن أبي وقاص رضي الله عنه، أن رسول الله صلى الله عليه وسلم قال له:
(إنك لن تنفق نفقة تبتغي بها وجه الله إلا أجرت عليها حتى ما تجعل في فم امرأتك “). رواه البخاري ومسلم
الزوج الصالح هو اللي هيعلمك الدين
هو اللى تلاقى نفسك مش قادرة تعيشى من غيره
هوالكريم ف. فلوسه معاكى واخلاقه معاكى واحترامه ليكى وحبه واحتوائه
هو مش ملاك نازل من السماء . لكن ليه أخطاء اللى ف اوقات كتير هتضايقك جدااااا
بس هتلاقى نفسك بتتجاوزيها او تتغافلى عنها مش علشان الحياه تمشى
لا علشانه هو وعلشان هو بجد ليكى زوج صالح
هو اللى بيحفظ زوجته وبيصونها ف تعاملاته مع باقى البنات وف نظرته ليهم
الزوج الصالح اللى هيصلح منك بلطفه ورحمته عليكى مش بعقابه ليكى
هو اللى فاهم ان ليكى عقل يوزن بلد بحالها ولازم يقدره
وهو اللى فاهم ان عندك عاطفه بتغلب عقلك ده ف اوقات كتير
من الاخر
الزوج الصالح هو راجل عنده عقل وشعور واخد الرسول صلي الله عليه وسلم قدوة ف تعاملاته قبل شكله
من الاخر يعنى الزوج الصالح ده نعمة من ربنا ملهاش شكل محدد . ❝
❞ ـــــــــــــــــــــــــــــــــــــــــــــــــــــــــــــــ
إسكريبت جديد.. ♥
˝يا سعدي ويا هنايا ˝
-وأخيرًا خلصت خلاص والمشوار خلص رحله تلات سنين إنتهت.
=الحمد لله يا قلب ماما إنك خلصتي على خير مش قلتلك هتعدي وإن شاء الله ربنا مش هيضيع تعبك أبدًا.
-إن شاء الله يا ماما مهما كانت النتيجه فأنا راضيه بيها لإني عملت إلي عليا وواثقه في ربنا مش مهم كانت إمتحنات صعبه أو سهله بس أنا راضيه الحمد لله.
=الحمد لله يا منون. ألاّ قوليلي هى شبكه سلمى إمتى.
-دي مصدقت خلصنا وشبكتها بكره.
=على طول كدا.
-لا دي لو عليها كانت عملتها أول مـمحمد إتقدملها دول مصدقو أبوها وافق.
=ربنا يكملهم فرحتهم على خير.
-اللهم آمين. عن إذنك بقا يا ماما أروح أغير قناع ثانويه عامه وأعمل شويه ماسكات عشان بكره.
ـــــــــــــــــــــــــــــــــــــــــــــــــــــــــــــــ
-أحلى عروسه دي ولا إيه.
=شوفي أنا قمر إزاى.
=طول عمرك قمر والنقاب مخليكي أحلى . سمعت إنكو مش هتشغلو أغاني وهتفصلو الشباب عن البنات.
-محمد هو إلي قال كدا. عشان متكونش بدايتنا معصيه لربنا. تعرفي يا منه أول متقدملي مكنتش طايقاه ولا حباه واحد بدقن وشكلو معقد ودايمًا حاطط عنيه في الأرض. أصل دا مكنش فتى أحلامي إلي بعضلات والبنات كلها هتموت عليه فمكنتش موافقه لحد معرفت إني لو كنت رفضت كنت هخسر إلي بيقولو عليه العوض.
=ها كملي يا جولييت هانم.
-بتتريقي مش هتحسي بإحساسي غير لما تاخدي واحد ملتزم يساعدك على الإلتزام والطاعه واحد أول يوم يتقدملك يقول لوالدك إنو هيلتزم بضوابط الخطوبه ومش هيكلمك ولا هيشغلك عن دراستك تصدقي كنت هموت لو بابا موافقش في الأول كنت رافضه لكن لما قعدت معاه وفهمت قد إيه هو إنسان عوض ليا بجد كنت طايره من الفرحه لإنو بجد بيحبني وإلا مكنش خاف عليا من النار.
=ربنا يكملك فرحتك على خير ويلا بقا عشان نشوف خطوبطك يا عروسه.
-يلا بينا والبنات بره وهنشغل الدف ونرقص براحتنا بقا مفيش شباب.
=إيه الدف دا.
-دا يستي تقدري تقولي عليها طريقه فرحتنا كمسلمين بيشغلوه ساعه الأفراح يعني مش موسيقى لإن الموسيقى حرام.
=هو كل واحد حر بس انا لو أخدت هاخد واحد واخداه عن حب وفاهمين بعض.
-مفيش حاجه إسمها كده هتعرفي قيمه إلي بقولك عليه لما تجربي يلا عشان البنات هيقتلونا كدا.
=يلا بينا يا عروسه.
ـــــــــــــــــــــــــــــــــــــــــــــــــــــــــــــــ
-أما شبكتك كانت شبكه جميله خالص يا سلمى مكنتش أتوقع إنها تكون بالجمال دا ورقصنا على الدف دا أحلى من الموسيقى ولا البنات العسلات إلي قعدو يكلمونا عن الزى الشرعي والحجاب بجد حاجه في منتهى الجمال وبفكر كمان إني ألبس الخمار.
-بجد يا منه دا أحلى خبر إن صحبه عمري تلبس الخمار وتلتزم ونكون صحبه صالحه لبعض.
=إن شآء الله. بس أستنى الهدوم الجديده إلي جبتها تقدم.
-لا يا منون من ترك شيئًا لله عوضه الله بشئْ أفضل منه يعني لو تركتي الهدوم الجديده وملبستيهاش عشان تلبسي إلي يرضي ربنا صدقيني ربنا هيعوضك بأحسن منها طلاما بدأتي بخطوه خوديها وإعمليها بسرعه وصدقيني طريق الإلتزام حلو لو دخلتيه هتحسي بالراحه والسعاده.
=ماشي يا سلمى هسمع كلامك وهبقى ألبسهم في البيت عادي وهنزل انا وإنتِ نجيب بكره إدنائات وخِمارات ومش هلبس بناطيل ولا طرح هلبس كله فساتين.
-ربنا يبارك فيكي يارب يا منون وتكوني من الصالحين دايمًا.
=اللهم آمين. كده إتفقنا بكره ننزل نشتري لبس جديد ويكون بدايه عهد جديد مع الله.
-إتفقنا
ـــــــــــــــــــــــــــــــــــــــــــــــــــــــــــــــ
-كده خلصتي إمتحناتك وأقدر أكلمك صح يعني معندكيش حجه تاني.
=مين!
-أنا أحمد يا منه أهو ياستي كلمتك بعد إمتحناتك زى متفقنا عشان متتشغليش عن دراستك.
=أنا إتغيرت وأنا مش عاوزه أكلم حد عشان مغضبش ربنا.
-هو إنتِ لما تكلميني شات يبقى بتغضبي ربنا وكده كده هنتكلم عادي وإعتبريني أخوكي أو صاحبك.
=حتى لو شات برضو حرام وأنا معنديش إخوات أنا وحيده ماما وبابا ومفيش حاجه إسمها صداقه بين ولد وبنت ربنا أمرنا إننا منفتنش نفسنا ونحافظ على قلوبنا من الفتن يا احمد. وأنا مش مستعده أخون ثقه بابا وماما فيا
-ما هما مش هيعرفو.
=بس ربنا عالم ومطلع علينا دايمًا. وربنا قال ˝لا تُواعدوهن سِرّا˝ صدق الله العظيم. يعني إحنا مأمورين إننا منكونش في علاقه محرمه بين ولد وبنت وهما مفيش رابط شرعي بينهم .
-إنتِ بقيتي منهم. منا سمعت إنك لبستي الخمار وبقيتي شيخه زيهم.
=انا مش شيخه عشان لبست خمار أنا مسلمه يعني بطبق ديني وشروطه وأنا مش هعصي ربنا أبدا عشان أرضي حد أنا أسفه بس كل واحد لازم يتوب وميعصيش ربنا وهعملك بلوك وبيت بابا مفتوح للرجاله.
-براحتك يا منه.
= ياريت تتوب إنت كمان وتعرف طريقك يا أحمد.
وخلصت ببلوك عشان متسبش الباب مفتوح للفتنه ترجع تاني.
ـــــــــــــــــــــــــــــــــــــــــــــــــــــــــــــــ
-منه عاوزه أقولك حاجه بس متردده.
=قولي يا سلمى عمري مزعل منك أبدا.
-أحمد خطب نرمين جارتنا.
=أه منا عرفت ربنا يهنيهم.
-هو كلمك من بعد المره الي إنتِ عملتيلو بلوك فيها.
=من شهرين مكلمنيش ومكنتش هرد عليه يا سلمى وهو كدا مطلعش الراجل إلي يستاهلني ويخاف عليا طلاما مخافش عليا من النار يبقى عمرو مهيخاف عليا مش إنتِ قلتلي محمد عمل كدا معاكِ.
-الحمد لله. ربنا يرزقك الزوج الصالح يارب يا منون.
=اللهم آمين. بقولك أنا محضرالك مفاجأه حلوه.
-بجد إيه هى.
=أنا لبست النقاب من يومين وفتحت دار تحفيظ قرآن لإني حافظاه من وأنا صغيره.
-اللهم بارك بجد فرحتيني ربنا يثبتك يارب وأنا هاجي أحفظ عندك لإني نفسي أحفظ قرآن من زمان.
=حاضر من عيوني نعدي فرحك إلي محمد مستعجل عليه دا.
-مش مستعجل ولا حاجه هو مقتنع إننا لازم نكتب الكتاب بسرعه عشان نعرف نتكلم ونفهم بعض بدون تجاوز للحدود والفرح كمان إسبوع مش بعيد وهنعمله في قاعه جميله قوي البنات في مكان والشباب في مكان إيه رأيك.
=أيوا كده أصلا الصح وربنا يهنيكي يارب.
-اللهم آمين.
=أنا نازله أشتري إدناء جديد ونقاب جديد للفرح يلا السلام عليكم.
-وعليكم السلام يا منون.
ـــــــــــــــــــــــــــــــــــــــــــــــــــــــــــــــ
-شوفي يا نور إلي ماشيه قدامنا أم نقاب دي دول ناس معقدين ومش بيضحكو وشكلهم وحش بالإسود إلي هما لابسينه ومش هيلاقو حد يتجوزهم أصلا.
=تسمحيلي أرد على كلامك مع إحترامي ليكي. أولًا كل واحد وليه طريق ربنا يسرهوله وأنا ربنا يسرلي الطريق الصح إلي يفيدني واللبس إلي مش عاجبك دا هو الزينه بتاعتي طريقي للجنه عمر مكان الجمال باللبس الجمال بالحياء والإحترام وإنك تكوني محافظه على نفسك لإنك مش بضاعه رخيصه هتعرضي نفسك للناس إنتِ جوهره لإن دينك خلاكي كده وبعتذر إني قاطعت كلامك لكن إحنا ملتزمين مش معقدين ومنضحك وعايشين حياتنا الحمد لله في رضا وسعاده عمر مكان الإلتزام تعقيد أبدا..
-أنا أسفه لحضرتك جدًا على كلامي لو كنت جرحتك لكن دي وجهه نظري من وأنا صغيره مكنتش أعرف إن دا الوقار والحشمه والستر.
=ولا يهمك انا بس حبيت أوضحلك الصح من الغلط وتقدري تكلميني على رقمي وأنا هتكلم معاكي ومين عارف يمكن تلتزمي .
-إن شاء الله هكلم حضرتك.
=بلاش حضرتك إحنا إخوات وصحاب خلاص كدا.
-أكيد طبعًا. تشرفت بمعرفتك.
=أنا إسمي منه محمود.
-إسمك جميل يا منوون وأنا إسمي منال أحمد.
=تمام كدا هكلمك اكيد يلا السلام عليكم عشان إتأخرت على البيت.
ـــــــــــــــــــــــــــــــــــــــــــــــــــــــــــــــ
-منه.
=نعم يا ماما.
-في عريس جاى إنهارده وباباكي عطالو معاد.
=حاضر يا ماما هخلص دار التحفيظ بدري وهجهز.
˝مش عارفه ليه حاسه براحه مع إن دا مش أول واحد يتقدم بس دا حاسه إني مرتاحه وأكيد ربنا هيختارلي الخير. خلصت شغلي ولبست الإدناء والخمار وملبستش النقاب لإن دي رؤيه شرعيه ووصل العريس وجه دور إني أقعد معاه˝
-السلام عليكم.
=وعليكم السلام يا دكتوره منه. أعرفك بنفسي أنا عمر محمود متخرج من كليه هندسه وشغال الحمد لله في شركه معمارات دي الحجات الرسميه إلي حابب أعرفك عليها في الأول. ممكن تعرفيني عن نفسك.
-أولًا مش مقياس الراجل الشهاده بتاعتو أو شغلو أهم حاجه عندي علاقتو مع ربنا أه دي علاقه خاصه بينه وبين ربنا لكن برضو لازم أخد واحد بيحافظ على علاقتو مع ربنا لإنو طلاما بيخاف من ربنا هيخاف عليا.
=أولا أنا بحترم تفكيرك جدًا. وأنا عارفك من قبل ماجي أتقدملك وعارف عنك حجات كتير وإلتزامك وحبك لغيرك وإنك تنصحيهم دي أكتر حاجه تخليني مطمن وأنا بختارك.
-تعرفني إزاى.
=أنا عمر أخو منال هى يمكن محكتلكيش عني بس أنا لقيت أختي إتغيرت فجأه ولبست النقاب وبقت ملتزمه ومبقتش بتسمع أغاني وكل الحجات إلي كنت بحاول أغيرها فيها لقيتها إتغيرت لوحدها لحد معرفت الحكايه لما قابلتيها وكلامك معاها على الواتس آب وإزاى كلامك كان مريح جدًا وكنت بحب أنا كمان أقرى معاها كل النصايح إلي بتبعتيها أه أنا لسه في أول الإلتزام بس حابب نكتب الكتاب على طول ولحد منكتب الكتاب هنلتزم بضوابط الخطوبه أنا حابب أكون ملتزم وحابب زوجتي تكون معايا في الجنه يا منه.
˝طبعًا معرفتش أرد غير وبس عيوني لمعت وحسيت بالإحساس إلي قالت عليه سلمى إن لما العوض بييجي في حجات كتير بتتغير˝
˝بارك الله لكما وبارك عليكما وجمع بينكما في خير˝
-منه.
=عيونها.
-هقولك حاجه بقالي خمس شهور مستني أقولها.
=نعم.
-بحبك. يا وصيه رسولِ الله ويا رفيقتي في جنه النعيم بإذن الله.
=لأجيبَ في خجل: يا سعدي ويا هنايا.
˝عندما تُهديكَ الحياةُ شخصًا يكونُ لك الحياه لتُفطِر القلوب بعد صيامِها وعفّتِها على من يُسمّى العوض˝
_تمت بحمد الله ♥
#أمنيه خميس ˝الداعيه˝
ـــــــــــــــــــــــــــــــــــــــــــــــــــــــــــــــ . ❝