❞ الحب هو أخذ و عطاء، هو أن تحترم الشخص الذي تحبه و أن يقابلك بالمثل، هو أن تكونوا أوفياء لبعضكم البعض، هو تقدير جهود بعضكم البعض، حتى و إن كانت صغيرة.. ❝ ⏤عبدالهادي العمشان

❞ = مسا مسا يا صاحبي ـ مسا مسا يا زميلي =انتي كنتِ نايمه يا بت ـ اها لسه صاحيه =دب قطبي بيعمل بيات شتوي ـ بس يا رخم عاوز ايه =انتي اللي عاوزة مش انا ـ ده فين ده في الحلم =انتي باعته لي يا لمضه لما اخلص اكلمك ـ اه اه افتكرت و مكلمتنيش اول ما بعت ليه يا بيه = نأسف يا سنيوريته بس كنت في ميتنج و المدير مركز معايا ـ ماشي ماشي = ها كنتِ عاوزة ايه ـ تعالي نتمشي علي النيل و نتكلم = ده واضح أن الموضوع كبير ـ مش اوي عادي = مفيش حاجه تخصك تكون عاديه هتصل بعمو استأذنه عقبال ما تلبسي رديت عليه وانا ببتسم ـ ماشي يا زوجي العزيز متتأخرش عليا = حاضر يا ست البنات و اتمني انك متفضليش لطعانى ساعه تحت ـ حاضر بعد ساعه شفتوا متأخرتش ازاي = واضح انك مش هتلطعيني خالص ـ قلبك ابيض يا ابو الصقور غمز وهو بيقول =علشان انتي فيه بس ـ احم طب يلا نطلع نقعد علي النيل =يلا =اهو يا ستي بقينا علي النيل الاول تشربي حاجه ـ مممم لا مليش مزاج = حلو يبقي نجيب حمص الشام و زياده شطه ـ بتدخلي من ثغراتشي =امسكي يا ست البنات ـ تسلميلي = ها كنتِ عاوزة تتكلمي في ايه كلي اذان صاغية ـ بص هو كل ما في الموضوع يعني = ياااه ده ايه الموضوع الكبير اوي اللي مخليكي متوتره كده قولي في ايه ـ من الاخر أنا عاوزة افتح محل ورد جنب شغل الشركه قولت كلامي بسرعه و غمضت عيوني مهو كلام مش منطقي أنا برجع من الشركه بفضل أصيح من ظهري و رجلي ولا عواجيز السبعينيات فإني اقوله حاجه بعد الشغل فده شئ غير منطقي بالمره فتحت عين لما لقيت سكوته طول ولما لقيته باصص وساكت فتحت العين التانيه بأستغراب ـ ده ايه الهدوء المرعب ده في ايه = في أن هاين عليا ارميكي في المياه دلوقتي ـ ايه ده و انا عملت ايه يا لمبي = خلينا ننزل نتكلم علي النيل و بعدها متوتره و حسستيني أن في مصيبه رديت ببراءه وانا ببص في عينه ـ لا ما النزول ده علشان عاوزة اشوفك بس بص لي بنص عين و هو بيحاول يكتم ضحكته لكن في النهايه مقدرش و ضحك و هو بيبص لي بعيونه اللي تربك دي بالله = يعني ست البنات عاوزه تفتح محل ورد ـ اها = و تبقي اول ورده بتبيع ورد ابتسمت و انا بقول ـ هو ده و مع كل ورده ظرف صغنن شكله قديم و لكل حبيب رساله و لكل شخص جواب =مممم هي فكرة جميله و تحترم و كل حاجه بس لا ـ ليه يا صقر ايه المشكله فيها = في اني هملئ الأقسام كده فاكرة اول مرة شفتك ازاي ابتسمت بحنين و رديت بشرود ـ حاضنه توليب = و من ساعتها يا فندم واقع علي شوشتي ما عارف اقوم قربت منه شويه وانا بهمس قدام وشه ـ و انت عاوز تقوم = ابدا والله ده انا قدام عنيكي مسحور ولا العاشق الولهان ابتسمت له بحب و علي الايام اللي بقت ذكرى بس ذكرى حلوة و كلها دفا ـ اقولك علي حاجه =قولي ـ ايه رايك اخلي المحل في أول مكان شفتني فيه و بعد الشغل كل يوم نقف فيه =و نخلد الذكرى الأولي للأبد ـ و نخلد الذكرى الأولي للأبد =أنا قولت لك متلبسيش الطقم ده تاني هو مفيش سمع للكلام أبداً ـ مانا معاك ايه المشكله = هي المشكله معايا ولا من غير ولا المشكله في عيون الناس اللي عليكي لا متخفوش دي مش خناقتي أنا و صقر المشهد ده كان قدامي علي بعد كام متر كنت شيفاهم بيتخنقوا و البنت بدأ تعيط من زعيقه ولما شاف دموعها بدأ يشد في شعره رايح جاي مش عارف يتصرف فقربت منه و انا في ايدى ورده اوركيدا بيضا خبطت علي كتفه و اديته الورده ـ بورده ينفك الزعل و باللين نفهم الكلام و بكلمه حلو نتراضا و بالهدوء ينسمع الكلام و بالحب تكمل الحكايه فكون ليها الأمان قولت كلامي و مشيت رجعت محلي من تاني أما هو فبص للورده و اخد نفس عميق و هو بيديها ليها و بيصالحها ابتسمت و دخلت المحل اكمل سقي الورد لحد ما جرس الباب رن و ريحته ملت المكان فلفيت بأبتسامه و انا بقول ـ يسعد مساءك يا بيه لقيته بيديني ورده توليب و بيقول = سعيد بشفتك يا مولاتي #لـشهدالوليد|الإعصار. ❝ ⏤شهد الوليد