❞ \"ضجيج يتنكر تحت عباءة السكون\" في قلب الليل، حيث تتناثر الهمسات كجمرات مستترة، وفي عمق السكون الذي يبتلع الصوت، يقتحم الضجيج صمتي، فيحدث في جوفي ضجةً تُثقِلُ أنفاسي، حيث كلَّلَ الخوفُ حنجرتي، وانقطعت أوتاري في ظل صراع دامٍ بين الصمت والكلمات. كاد هذا الصراع أن يسحبني إلى عالمٍ ضبابي، يعزف الأمل فيه أغنيته على أوتار اليأس، بينما يقرع الخوف طبوله. مكثت على هذا الحال حتى شعرتُ بالزمن ينساب بين أصابع الأبدية، وكل لحظة فيه كانت تنبض بالإمكان، وتارةً بالإعياء. __________________________ #دعاء_العامري. ❝ ⏤دعاء العامري

❞ أراك تتجاهل حديثي. عن برد الشتاء وانا بجانبك مرتبكة وانظر لك بحياء احاول بحديثي جذب انتباهك لي وانتا في غفلة. وانا أمامك كالبلهاء لما لم تعد تهتم لحديثي لما اجبني عزيزي ألم اعد تلك التي أردتها دائما والان تعاملني بجفاء اسمع الهمَسات حولي. وتخترقني نظرات الغرباء الرجال أعينهم عليّ. وهناك من يدعوني بكل فجاء حسنا عزيزي هيا بنا. نجرب قليلا مكر النساء وأحاول عزيزي إيقاظ. بداخلك تلك الغيرة العمياء لنجعلها حربا لا مشكله. لنحصل بالاخير علي التسليه دعنا نختار احد الأغبياء ليكون الليله كبش فداء گ/ منار حامد عشري. ❝ ⏤منار حامد محمد عشري

❞ دخلت على رواية على الواتباد لقيت ده افتكرت أنها رموز عادي ضغطت عليه فتح كأنه ريكورد وطلع صوت مفهمتش هو ايه، قفلت الابليكيشن وأنا لسه صوت الهمس فى ودنى. حد شاف زيه ؟ #بقلم_الهام_احمدنيروزونيارنيار حاولت ما اهتمش بس من وقت ما سمعته وودانى بتصفر وسامعه صوت همس بنفس الكلام وراسى صدعت وعينى فضلت تعطى فى دموع. حاولت أنام علشان الصداع يهدى أو يروح بس معرفتش. جربت تانى ضلمت الغرفة وسيبت باب الغرفة موارب علشان يدخل إضاءة خفيفة. ولسه هغفل سمعت نفس الهمس بنفس الكلمات الغريبة وشوفت خيال ضخم على الحيطة . خيال كائن ضخم بقرنين وديل ده كان ظاهر من الإضاءة البسيطة اللى كانت على الحيطة. من شدة رعبى ضربات قلبي زادت وجسمى بدأ ينزل فى عرق مع أننا كنا فى فصل الشتاء. بس من شدة رعبى لقيت نفسي بنزل كمية عرق رهيبة وقلبي من شدة ضرباته كان هيخرج من صدرى. ما حسيتش بنفسى من رعبى غير تانى يوم وماما بتصحينى وماسكة أيدى وبتقولى إيه العلامات دى ؟ كنت صاحية مش فايقة لكن بصيت على أيدى لقيت خرابيش وأماكن أصابع ضخمة على أيدى اترعبت ومكنتش عارفة أرد. ماما رجعت سألتني السؤال تانى إيه العلامات دى ؟ اترميت فى حضنها وفضلت أبكى لأنى حسيت اني فى شئ غريب بيحصلى ولازم أقول ل ماما . حكيت لها كل حاجه والأصوات والهمس اللى ملازمنى والخيال بتاع الكائن ده. لقيت ماما اترعبت عليا وقالتلى قومى بسرعة اجهزى. قولتلها هنروح فين ؟ قالتلى هنروح لحد يفهمنا إيه اللى بيحصل. لبست وروحت معاها . اخدتنى على القرية بتاعتنا وروحنا على دوار الشيخ أمين أمام مسجد القرية فتحت لنا زوجته الحاجة أمنه. ورحبت بينا لحد الشيخ امين ما رجع من صلاة الظهر. حكيت للشيخ كل حاجه بص لي وابتسم واستاذن منى يحط ايديه على راسى علشان يقرأ القرآن الكريم. فضل الشيخ يقرأ وأنا أحس بضربات كرباج على جلدى من شدة ألم الكرباج كنت بصرخ علشان الشيخ يوقف قرأة لأنه كل ما يكمل قرأة الضربات تكون أقوى ورجع الهمس تانى بس المره دى كلمات مفهومة. همس بيقولى قولوله يسكت قولوله يقف . والشيخ مكمل وأنا أصرخ واصرخ ما حسيتش بنفسى غير بعد أسبوع فى المستشفى. وما كنتش مصدقة أنه عدا أسبوع بس لقيت نفسي متربطة اربطة كتيرر. سألت ماما إيه اللى حصل ؟ قالتلي الريكورد كان عليه طلسم سحر عن طريق السمع طريقه جديده للسحرة لاصتياد الناس علشان يعملوا عليهم شغل الدجل بتاعهم والكائن اللى شوفتيه فى الغرفة كان خادم السحر. كان كل لما الشيخ امين يقرأ الخادم بيتعذب ف كان بيجلدك علشان الشيخ يوقف قراءة القرآن الكريم ولأن الشيخ امين عارف ما رديش يوقف غير لما حرقه وأبطل السحر. ووصنى أنك تبطلى تفتحى حاجه مش عارفها لأن حيل الدجالين كترت الأيام دى. وقال أنك لازم تلتزمى بالصلاة وقراءة القرآن الكريم والاذكار علشان تتحصنى. يارب يا بنتى تكونى اتعلمتي وما توجعيش قلبي عليكى تانى. خلاص يا ماما اتعلمت مش هسمع حاجه معرفهاش تانى وهلتزم بالصلاة وقراءة القرآن الكريم. بعد فترة خرجت من المستشفى والتزمت فعلاً كانت تجربة قاسية الله لا يعودها تانى ونصحتى ليكم انتوا كمان ما تسمعوش حاجه ما تعرفهوش حتى لو من باب الفضول. تمت.... لو عجبتكم اعملوا لايك وكومنت برايك لأن رأيك يهمنا وشير للقصة ومنشن لأصدقائك ليصلك كل جديد. #بقلم_الهام_احمدنيروزونيارنيار. ❝ ⏤إلهام احمد عبد الحليم (نيروزونيارنيار)