❞ ‫ الضلع التالت لمثلث برمودا فترة المراهقة مع الـ anxiety والـself ❝ 💬 في اقتباسات الكتب 📖

قراءة المزيد .. ❞ المكتبة بقت مكانه المفضل، ‫ لما أهله يروحوا المول يقولهم اتكلوا على الله أنتم وأنا هابقى أجيلكم‫ ويسيبهم ويروح يقعد في المكتبة بالساعات
‫ ولما خلص كتب الفيزياء اللي هناك ابتدى يخش على موضوعات تانية، ‫ فقرا عن الأزمة الاقتصادية العالمية‫ والثورة الفرنسية‫ والحرب العالمية التانية ‫ كل ما موضوع يشده يغوص فيه لحد ما يجيب آخره

‫ ومع اكتشافه لليوتيوب والأفلام الوثائقية ‫ بقى عنده باب سحري تاني لكمية غير محدودة من المعرف،‫ بس للأسف البيت مافيهوش إنترنت، ‫ بدأ يروح الشغل مع باباه ويقعد يتفرج بالساعات على اللابتوب بتاعه

‫ وعلى قد ما الوقت اللي قضاه في القراءة نمى قدراته العقلية على قد ما أثر على حياته الاجتماعية، ‫ فوضعه في المدرسة ماكانش قد كده، ‫ لإنه في الوقت اللي كان بيتفرج فيه على أفلام وثائقية، ‫ زمايله كانوا بيتفرجوا على أفلام ثقافية ‫ عدم تميزه وسط أصحابه كان مسببله حالة عنيفة من insecurity(عدم الأمان)‫ الضلع التالت لمثلث برمودا فترة المراهقة مع الـ anxiety والـself-doubt . ❝