❞ يابنتي داهتبقا أجمل حياة اه والله الواحد هيكون مرتاح راحه ومش هيلاقي حد يقاسمه ف حاجة دا يامساء الهنا ❝ 💬 في اقتباسات الكتب 📖

قراءة المزيد .. ❞ اسكريبت/سندي ومأمني

للكاتبة/تسنيم محمد صبحي
ــــــــــــــــــــــــــــــــــــــــ
_ماما كريم جوه ف الاوضه
=اه ياكنزي
ابتسمت بخبث وبشر ودخلت جبت تلج من الفريزر ودخلت اوضة كريم أخويا وحطيت التلج على ضهره
_عاااااااا ايه يازفتة حد يصحي حد كدا حسبي الله فيكي ياشيخة وربي لهردهالك
فضلت أضحك وانا من كتر ضحكي خلاص فصلت
=أعلى مافخيلك تركبو ياكيمو هههههههه
_غوري من وشي
=غايرة اهو ماتزوقش
رمى المخدة عليا وانا ماشية بس ضحكت
=مامااااع
_ايه يابت صوتك صوتك عالي الجيران هيشتكو من صوتك
=بقا أنا راضية ذمتك في حد ف الشارع دا برقتي
_ايوه ياختي ابقي خلي الرقة تنفعك
=احم احم عن اذنك
ــــــــــــــــــــــــــــــــــ
_الو ياكنزي افتحيلي من الباب اللِ ورا علشان ابوكي لو عرف اني لسه مجتش هيقتلني
=اممم وهتدفعلي كام ياعنيا
_هدفع اللي تعوزيه بس افتحي الباب
=لا يابا أنا عايزه فلوسي تبقا ف ايدي الأول
_هتلاقي ياأخرة صبري ف الدولاب شنطة فيها كيسين شيبسي تاخدي واحد واحد واحد بس ياكنزي مش هكررها
=حاضر يسطا متقلقش مش هاكل غير واحد
فتحتله الباب ونط دخل الاوضه وعمل نفسه نايم
_فين كريم ياكنزي الصايع دا لسه سهران بره
=لا والله يابابا ادخل اوضتو وهتلاقيه نايم
_ماشي ياكنزي
دخل بابا ينام ودخلت لكريم علشان أذله واخوفه من إني أفتن عليه
_أكيمو
_يانعم
=لا اتظبط كدا يسطا دانت تحت التهديد
_تعرفي تخرسي
=حاضر انا غايرة يابطوط
_بطوط ف عينك يابت
ــــــــــــــــــــــــــــــــــ
=تعالى أقولك سر ياواد ياكريم
_خير ان شاء الله الواحد مش بيرتاحلك
=خير ياضنايا
_يابت اعدلي طريقة كلامك جتك قرف
=القرف مش لسه هيجيلي مهو قاعد معايا اهو
_كنزييييي انا ماشي
=يسطا اهدي كدا عليا دانا ف مقام اختك المهم قرب ودانك هقولك سر بس اوعدني متقولش لحد
قرب وروحت فجأه واحده قولت
=توووووووووووووووووووت
_ااااه منك لله يابعيدة اخرة اللي يثق ف بت اااه ودني والله مانا سايبك
جري ورايا وانا بضحك وهو مش طايقني
ــــــــــــــــــــــــــــــــــ
=بقولك ايه ياكريم
_يانعم
=هو لو انسان شرب سم فيران هيموت
_جربي ومتشليش هم اه والله يلا جربي وهدفعلك حساب السم
ضحكت وقولتله
=انت عارف ياكريم
_لا مش عارف
=غور ياكريم بجد دانت فصيل والله
_يابنتي دانا أقعد ف الفرن بس ماأقعدش معاكي
=انينينيننيني
ــــــــــــــــــــــــــــــ
=تخيل ياكريم الحياة من غيري ايه بتعيط ليه دانا بقولك تخيل
_يابنتي داهتبقا أجمل حياة اه والله الواحد هيكون مرتاح راحه ومش هيلاقي حد يقاسمه ف حاجة دا يامساء الهنا
=أصلا
_وفصلا يابنتي
=طب تخيل كل الناس زيي دايانهار قمر وسلكان وجدعنه وحنية وجنان
_لا دا يانهار تخلف وغبااء يلهوييي
=بس بس يابني دانت مش مقدر نعمة وجودي اصلا
ـــــــــــــــــــــــــــــــــــــــ
=كريم
_ها
=ماذا لو طلبت طلب
_هقولك لا ياكنزي مش معايا فلوس
=ناس مني ومن دميي
_وربي هستلف فلوس بس صوتك المعفن دا مسمعهوش
=محدش فيهممممم شاااال همي
_انا هغور انا هغور مش هقولك تغوري انتي
ــــــــــــــــــــــــــــــــــ
_كنزي عندك دم وبتعيطي
بصتله وعيني مليانه دموع
_ايه يابنتي اهدي واحكي اللي حصل
=اشتريلي
_انتي موراكيش الا بطنك
=اه هاتلي شويبس وشوكلت والا هعيط
_ خلاص والله هجبلك يابنتي دانتي تؤمري
ابتسمت واتبسطت بوجود أخ زي دا ف حياتي.

ـــــــــــــــــــــــ
اسكريبت: سندي ومأمني
للكاتبه/تسنيم محمد صبحي . ❝