❞ مين فينا كان الجاني؟ ❝ 💬 في اقتباسات الكتب 📖

قراءة المزيد .. ❞ إحنا اللي ثَبِّتنا معنى الحب والإخلاص
يا ترى إتحسدنا ولَّا صابتنا عيون الناس؟!
خليك بشوقك أصل وضعك خاص
يا اللي حبك داس جوا قلبي وغاص
قلبي من كتر حبك جاب المتر وقاس
لقاك بتلبس في القلوب يا قلبي أعلى مقاس
تداري خوفك وكسوفك تحت بوسة راس
كفاية عِندي لما وصل لحد عَندك لاص
الحب سوقك فيه شاريني. ولا بعت خلاص؟!
معقول بقيت يا حبيبي رفات!!
وما بقى منك إلا شوية ذكريات!!
شاعر وعندي حل أحلى من الذكريات
تعالى يا حبيبي في أبياتي... وبات
باتي في وسط شِعري
وبين أوراقي واحباري
وعلِّي في الهوى سِعري
واتحري كل... أخباري
هتلاقي حروفي بتقول
كلام ومتلخبط علطول
قصايد عنها مش مسئول
وقوافي أوزانها... تاعباني
يروح مني البيت ويتوه
وانا اللي كنت زي أبوه
وكنت فيك وليك أيوه
ماسك فيك... بسناني
ولما آجي أكتب حرف
وأبعتهولك في جواب
ألاقي صورتك فوق الظرف
وشوق بينا ودَّى وجاب
من بَعدك فقدت أوزاني
وفي بُعدك مليش حبيب
مين فينا كان الجاني؟! . ❝