❞ مريم آه الحمد لله ما أنا قدامك أهو مفيش غير الحلم البشع اللى شوفته هو اللى وترنى شوية بس ❝ 💬 في اقتباسات الكتب 📖

❞ كنت قاعده فى شقتى وسمعت حركه غريبة في الشقة اللى قصدى استغربت وخوفت لا يكون حرامى خصوصاً أن الشقة دى فاضية وكانت بتتاجر مفروش للمصيفين.نسيت أقولكم أنى ساكنه فى شقة فى عماره فى اسكندرية.
أنا مريم موظفة فى شركة مقاولات عندى ٣٥سنه الشقة دى بتاعت بابا وماما وأنا كنت عايشه معهم ولما توفهم الله فضلت أنا قاعده فيها خصوصاً أن بابا كان وخدها تمليك.
وبما أن الحظ ما حلفنيش ولقيت بنى ادم كويس يصلح زوج وأب ف ما اتجوزتش وادينا قاعده فى شقة بابا.
المهم علشان ما اطولش عليكم.
لما سمعت الاصوات دى فى الشقة اللى قدامى قلقت اصوات غريبة فضلت قلقانه لحد الصبح.روحت شغلى وفى نص اليوم أتصلت بصاحب العمارة علشان أسأله على الأصوات اللى سمعتها فى الشقة اللى قدامى.قالى أنها سكنت وبقى فيها سكن جداد.
ارتاحت شوية .بس بقى بيحصل حاجات غريبة كل يوم أسمع أصوات ده غير ريحة البخور اللى تخنق قلت أكيد ناس مجانين كل يوم هبد ورزع ده غير أصوات بكاء الاطفال والصراخ المفزع.قررت اروح اخبط عليهم واقولهم يهدوا شوية علشان عايزين ننام ورانا شغل لكن لما جيت أخرج من الشقة رجلى اتخبطت واتقلبت اتلوت تحتى اتصلت بشرين صاحبتى جاتلى ومعاها دكتورة قالت إن فيه شرخ فى رجلى ولازم جبيرة عملت اللازم وعملت جبيرة وكتبت على بعض الأدوية واستاذنت ومشيت شيرين الله يباركلها فضلت معايا طول اليوم وتانى يوم عملتلى إجازة علشان رجلى.
وبقيت بتيجى من وقت للتانى تطمن عليا..
بس اتفجاءت بيها بتسالنى مين ساكن في الشقة اللى قدامك ؟
قلتلها ليه ياشيرين حد ضايقك ؟
شيرين لا محديش ضايقنى بس كل لما اعدى من قدام الشقة فى ريحه وحشة مع ريحة بخور مش عارفه انتى مستحملة الريحه دى ازى؟
مريم يابنتى ده غير الخبط والىزع طول اليوم مش بعرف أنام كنت ريحه اقولهم يخفوا الأصوات شوية بس وقعت واديكى شايفة حالى.
شيرين بصراحه مش مريحين خالص يامريم.حاولى ما تختلطيش بهم.
مريم يابنتى ما انتى عارفه أنى مش بحب اختلط بحد.
شيرين أنا همشى دلوقتى وهعدى عليكى بكره.
مريم ماشى ياحبيبتي تسلميلي تعبتك معايا اليومين دول.
شيرين انتى هبلة يابنتى إحنا أخوات.يلا سلام.
مريم مع السلامه.
بعد اسبوع فكيت الجبس والحمد لله بقيت أحسن بس برضوا ضوضاء الناس اللى قدامى بيزيد.
وأنا راجعه من شغلى الساعه خمسه ونص المغرب سمعت بكاء طفل بيستنجد من نفس الشقة من صوت استنجاد الطفل قلبى وجعنى قررت اخبط على الشقة وأشوف فيه إيه بحجة أنى جاية أرحب بيهم كونهم سكان جداد.
نزلت جبت علبة شيكولاته وطلعت خبط عليهم فتحت لى ست مش كبيرة ولا صغيرة ابتسمت أول ما شافتنى بدلتها الابتسامه وقلتلها أنا جارتك اللى ساكنه هنا جيت أرحب بيكم نورتوا العماره.
الست ابتسمت ابتسامه غريبة وزى ما تكون مش عايزة تستقبلينى وأحنا واقفين على الباب لقيت فى صوت وأحد بيكلمها من جوه بيقولها مين يا ليزا ؟
ردت عليه بنفس البرود وقالتله جارتنا اللى قدامنا جه الراجل من جوه بس بابتسامة مش مريحه ولقيته بصلها زى ما يكون فى كلمة سر بالنظرات وراح بصصيلى بنفس الابتسامة الشيطانية وقالى أهلا أهلا اتفضلى نورتينا.
دخلت معهم الشقة مش مريحه فيها حاجه غلط.
قعدت معهم وقدموا لى العصير ولكنى اعتذرتلهم علشان متأخرة على ميتنج علشان اهرب منهم.بس وأنا خارجة لمحت خيال طفل بيبكى وغرفه خارج منها ضوء أحمر اتفزعت وارتعبت وخوفت وما صدقت خرجت من عندهم.
رجعت شقتى وأنا بتنفض من الخوف شكلهم مش بنى ادمين.
ياترى بيعملوا ايه فى الشقة مخلينها مقبضة كده ؟
دخلت اخدت دوش واكلت حاجه خفيفة ودخلت نمت.
حلمت حلم غريب انى سمعت صوت طفل بيبكى ويصرخ من شقة الجيران وأنا جريت علشان أشوف فيه إيه لقيت باب شقتهم مفتوح دخلت فضلت ادور على الطفل اللى بيبكى.
لقيت الاوضه اللى كان خارج منها ضوء احمر مفتوحة فتحه صغيرة قربت منها لقيتهم رسمين رسومات غريبة وعاملين دائرة بالشموع ومنيمين طفل في وسط الدائرة ولقيت الراجل صاحب الشقة ماسك س ك ي ن ة ووقف ناحية رأس الطفل وبيقول كلام مش مفهوم و ب ي ن ح ر ه ارتعبت من المنظر قمت مفزوعه من النوم وأنا بصرخ من المنظر اللى شوفته فضلت قاعده على السرير بحاول أهدى نفسى وأقول ده حلم أكيد مفيش ناس بالبشاعة دى ولكنى هاخد حذرى منهم.قمت من النوم جهزت ونزلت شغلى لما وصلت وشوفت شيرين لقيتها بتقولى مالك يابنتى لونك مخطوف ليه ؟
قلتلها هاخد نفسى واحكيلك.
قعدت مع شيرين وحكيت لها كل شيء من أول ما زرتهم لحد الحلم المفزع ده.
شيرين تفتكرى يامريم بيعملوا أعمال وسحر وكده يعنى.
مريم مش عارفه بس مش مرتحلهم والنهارده وأنا خارجه لقيت حاجات مرشوشه قدام الباب بس يعنى قلت أكيد حد كان معاه مياه ووقعت منه.
شيرين طب انتى كويسه ؟
مريم آه الحمد لله ما أنا قدامك أهو مفيش غير الحلم البشع اللى شوفته هو اللى وترنى شوية بس.
شيرين خلى بالك من نفسك وحاولى ما تتعامليش مع الناس دى
مريم والله أنا مش بحب أتعامل مع حد بس الأصوات بتاعتهم اللى خليتنى ازورهم علشان بعد كده أقدر اقولهم يخفوا الأصوات بس دلوقتي خايفة ااقرب من شقتهم ربنا يستر. ما تيجى تتعشى معايا النهارده.
شيرين كان بودى بس محمد قالى هيسبقنى هو والعيال عند حماتى النهارده.
مريم خلاص بقى مش مشكلة هستناكى فى يوم تانى.
شيرين خلاص خليها يوم تانى أكون قائلة ل محمد قبلها.
وانتى خلى بالك من نفسك.
مريم خليها على الله.
شيرين ونعم بالله العلي العظيم. يلا سلام
مريم سلام.
...............................................................
مريم رجعت البيت لقيت نفس المياه مدلوقة قدام باب الشقة إيه معقولة ما نشفتش من الصبح.مااديتش الأمر أهمية ودخلت الشقة.
دخلت اخدت دوش وحضرت وجبه خفيفه وأنا قاعدة بأكل لمحت حد داخل اوضة النوم قمت أجرى أشوف مين مالقيتش حد رجعت قعدت مكانى كنت هتجنن حسيت بنفس زى مايكون حد واقف ورايا بصيت مالقيتش حد هو أنا اتجننت ولا إيه ؟
خلصت أكل وظبط كل حاجه عملت قهوة وخرجت البلكونه.
لمحت جيرانى الجداد من ورا الشباك بتاعهم ماسكين طفل بشكل مش طبيعي والإضاءة كانت خافته وشوفت الراجل زى ما شوفته فى الحلم اترعبت لا حد منهم يشوفنى دخلت من البلكونه وكلمت شيرين وحكيت لها وأنا بحكى لها الكهرباء فصلت ودى أول مره تحصل فى العماره قلبى بقى يتنفض من الخوف والرعب وحسيت بحركة حواليا خوفت وصرخت لما حسيت حد بيمسك رجلى ووقع التليفون وما حسيتش بنفسى غير وشيرين وجوزها والدكتور موجودين حواليا أصلى أنا مدية ل سيرين نسخه من المفتاح علشان تبقى تيجى تطمن عليا لما رجلى كانت متجبسه وما اخدتهوش منها الدكتور مشى بعد لما فوقت وقعدت معهم وحكيت لهم كل حاجه.
جوز شيرين قال أنا هروح أجيب حد يفهمنا في إيه وجاى.
نزل محمد جوز شيرين ورجع بعد نص ساعه وكان جايب معاه شيخ.الشيخ فضل يبص في كل زوايا الشقة وبعدين طلب إناء به ماء نظيف فضل يقرأ القرآن الكريم عليه وبعدين طلب منى أقوم أرش المياه مكان المياه اللى شوفتها كانت مرشوشه قدام الباب وبعد ما رشيت المياه سمعت صوت عالى بره الشقه جيت أخرج أنا وشيرين نشوف فى إيه بس محمد منعنا نخرج وقال دى الشرطة جاية تفتش الشقة اللى قدامك علشان يفهموا فى إيه.
جات الشرطة وقبضت عليهم لأنهم كانوا لسه ما اتخلصوش من ج ث ة الطفل اللى كانوا بيعملوا عليه طقوسهم الشيطانية.
بعد لما مشيوا الشيخ داخل وطلب بعد الأشياء وقام بتطهير الشقة سألته بعد لما خلص إيه اللى كان بيحصلى ؟
الشيخ كان معمولك سحر بالجنون علشان محديش يصدقك.
جيرانك الدجالين كانوا قلقانين منك ف كانوا بيجننوكى علشان لو اتكلمتى محديش يصدقك.
ياريت يابنتى تحصنى نفسك وبيتك بالصلاة وذكر الله والقران الكريم.
مش مصدقة كانوا بيعملوا فيا كده وأنا كن بتجنبهم وقلت ماليش دعوه بيهم.
الشيخ كان لازم تبلغى يابنتى من الأول يمكن كنتى انقذتى طفل برئ راح ضحية شوية دجالين الحمدلله حصنى نفسك بالصلاة والقران الكريم.السلام عليكم ورحمة الله وبركاته.
أنا وشيرين ومحمد وعليكم السلام ورحمه الله وبركاته.
محمد الله يبارك له قدر خوفى وسابلى شيرين تبات معايا.
والحمد لله بدأت ألتزم بالصلاة وشغلت القرآن الكريم على طول فى الشقة.
يفلح الساحر حيث أتى.صدق الله العظيم.
﴿ وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ ﴾
حسبي الله ونعم الوكيل.
تمت...
واخيرا وليس اخرا لو كل واحد شاف الغلط وقال أنا مالى هيجى يوم والغلط ده هيطوله.
من رأي منكم منكر فليغيره بيده أن لم يقدر فبقلبه وهذا أضعف الإيمان
ومن التحريات اتاكدوا أنهم خاطفين الطفل وبي ق م وا ق ر ب ان لشيطانهم.

بقلمي #الهام_احمد_عبدالحليم(#نيروزونيارنيار). ❝ ⏤إلهام احمد عبد الحليم (نيروزونيارنيار)