❞ عاقبنا كلنا وعاتبنا كلنا وحببنا فبعضينا ❝ 💬 في اقتباسات الكتب 📖

قراءة المزيد .. ❞ خليك عادل وإكره العنصريه
مهما كنت أيه فبلدك
خليك كاره للظلم والأسية
أصل حضرتك مين عشان تفرق
دا رب العباد قال إن كل الناس سواسيه
اتعامل بالعدل عشان متظلمش حد
وكلامى عالمدرس اللى ماشيها بالمحسوبيه
طالب أه  وطالب لا وبتبرر بإختلاف المستويات العلميه
طب ما حضرتك ضميرك مات ودى بقت عندك حاجه عاديه
طالب اتظلم والأمل عنده انعدم ودمرت النفسيه
اتعامل انو مفيش حد غبى إلا متخلف العقليه
زى تفكير و عقلية حضرتك الحموريه
طالب أدبى وعلمى اللتنين ليهم أهميه
كفايه تعامل طالب أدبى على إنو فاشل
وطالب علمى على انو العبقرى وهيدخل أحسن كليه
اصله هيبقى دكتور ويسوق العربيه
وبتاع أدبى صايع وضايع وملوش مكان فالبلد ديا
مدرس بيدّعى الإنضباط بالثانيه
ويقولك محدش هيدخل بعديا
ولما طالب حبيب القلب يتأخر شويه
لا اصله حاله خاصه وممكن يستناه
اصله هو الجينيس والبقيين أغبيه
عنصريه وتفرقه خليتنا نكره بعضينا
ليه دا حتى حضرتك  المفروض تقتل السلبيه إللى فينا
متهتمش بطالب على حساب طالب
وشجع الكل وإحنا هنحبك وهنعمل إللى علينا
فيها إيه لما تقول للكل إنت تقدر تكمل وهتنجح
ليه متمسكش فالكل وتقولهم للنجاح يلا بينا 
الطالب فينا بيفرح بكلمة ممتاز وكأنها أكبر هدية
شجعنا وإحنا هنطلع أحسن ما عندينا
متعملش فتنه بحركه غبيه تخلق الغل والحقد فينا
أصل كل حركه غبيه بتزود التأخيره
وزى ما الطالب المميز مهتم بيه عشان يفرح أهلو
البقيه محتاجين كلمه طيبه وبكل حزن
بيقولوا إحنا كمان عايزين نفرح أهالينا
إحنا بنحاول ننجح بس مفيش حد واقف جنبينا
دور حضرتك مهم متخلناش ديما نبص تحتينا
ادعينا للأعلى عشان نبص لفوق فوقينا
حسسنا انو كلنا مميزين ..
ولما نقع تشجعنا نقف تانى على رجلينا
عاقبنا كلنا وعاتبنا كلنا وحببنا فبعضينا
بلاش التفريق عشان منكرهش نفسينا
بلاش تحسسونا بالنقص 
ونكره كل حد ناجح حوالينا
قول مفيش حد فاشل
وكلوا على تحقيق الحلم قادر
عشان نتطرد اليأس من قلوبنا
ونركز عالحلم ومتغفلش جفونا
ونستغل كل ثانيه ودقيقه
عشان للحلم نحقق وصولنا

روضه عبدالله . ❝