❞ سيبها على الله واقفل على نفسك و حياتك وقلل بشر علشان ترتاح وكل الصدمات اللى كنت مفكرها بتقويك تأكد إنها كانت بتقتل فيك بالبطئ ❝ 💬 في اقتباسات الكتب 📖

قراءة المزيد .. ❞ قررت أكتب الكلمات دى بدون تزيين أو تعقيد أو حتى تعديل .....

لازمتها ايه كلمة أسف بعد ما تعمل حاجة تزعلنى ؟!
لازمتها ايه ما كنتش أقصد بعد ما كنت قادر وقاصد تجرحنى ؟!
لازمتها ايه ما كنتش أعرف وانت عارف ومتأكد إن تصرفك ده بالذات هيجرحنى .
وازاى تقدروا تخونوا وتجرحوا و تخذلوا و تبيعوا العيش والملح وتسيبونا وتمشوا وبعد كده تحسوا بالذنب و تحسوا بقيمتنا ... وقد ايه كنا مخلصين و بنتعامل بأصلنا وكنا طيبين أوى وعلى نيتنا فترجعوا تانى !! وقال ايه مستنين نرجع زى زمان .. طب لو لسه فى قلبنا حب ليكم ، هنأمن تانى إزاى ؟!
كسر الخواطر مش سهل و مش هين ، المظلوم أوقات مش بيقدر ينام من كتر الوجع ولحظات الوجع والصدمة والخذلان ما بيتنسيش نعفو عن الذنب ولكن الود لن يعود ، فيه ناس بنعدى ليها أكتر من مرة وفيه ناس بنقفل وراها الباب من أول مرة لأن وجعهم علم فى قلوبنا ، أوقات بكون محتاجين ناس تفهمنا ، تحبنا زى ما احنا ، تطبطب علينا والوقت ده بالذات مش بتلاقى حد جمبك إلا نفسك .. بالله نستعين ، الكل يقولك مفيش حاجه تستاهل انسى ... عدى .. مكبر الموضوع ليه .. ولما تسكت وهما واثقين إنك مقسوم نصين يسألوك مالك ؟؟ فضفض .. اتكلم .. احكى هون على نفسك.. بس الأفضل ما تتكلمش . لأن فيه ناس بتكون عايز تتأكد إنك بتتألم .. عايزة تتطمن إنك موجوع .. سيبها على الله واقفل على نفسك و حياتك وقلل بشر علشان ترتاح وكل الصدمات اللى كنت مفكرها بتقويك تأكد إنها كانت بتقتل فيك بالبطئ .
بقلم علا سمير ✍️
. ❝