❞ حاضر يا فندم ❝ 💬 في اقتباسات الكتب 📖

قراءة المزيد .. ❞ ـــــــــــــــــــــــــــــــــــــــــــــــــــــــــــــــ

إسكريبت جديد...... ♥

_محمد..

-نعم يا نورى....
_هتجيبلى مصاصه وشوكولاته معاك لما ارجع من المدرسه.........

-إن شاء الله يا نورى ولما تصلى كل الصلوات فى وقتها تختمى القرآن وتكونى الاولى دايما على فصلك هجيبلك العروسه إلى بتحلمى بيها يا نورى...

_شكرا يا أغلى حمو فى الدنيا..

•يلا يا محمد عشان هنمشى.....

-حاضر يا ماما انا جاى...

_هو أنت رايح فين يا محمد...

-انا وبابا وماما هنروح مكان بعيد هنسافر عشان بابا لقى شغل فى بلد تانى بس هرجع يا نورى هرجع ولما ترجعى من المدرسه هتلاقينى يلا روحى لمامتك عشان توديكى المدرسه.....

_حاضر يا حمو... ♥
وروحت المدرسه ورجعت وإستنيتو يرجع هو وعمو محمود وعمتو قمر بس مرجعوش كان عندو ١٥سنه وانا بنت عشر سنين إستنيتو يرجع ويجيب الشوكولاته معاه بس مرجعش وادينى عندى ٢٤سنه ومستنيه مصاصتى من ساعه معمى وابنو ومراتو مإختفت اخبارهم ومعرفناش عنهم حاجه من زماان.......

_أنا نور فكرِى عندى ٢٤سنه متخرجه من كليه تجاره بس ملقتش شغل بشهادتى وجايه اتقدم لوظيفه هنا فى شركه حضرتكم...

-انا أسفه والله ليكى بس إحنا مش منقبل منتقبات...

_ماشى شكراً..
ـــــــــــــــــــــــــــــــــــــــــــــــــــــــــــــــ
_السلام عليكم إيه يا اميره عامله ايه..

-انا الحمد لله يا نور بخير عملتى ايه فى المقابله...

_زى كل مره وللمره الخامسه متقبلتش عشان لابسه النقاب مش عارفه هو مبقاش فى دين ولا ايه....

-معلش يا نورى سبيها على ربنا أكيد ربنا هيقف جمبك وهتلاقى شغل عشان إنتِ محافظه على تعاليم الدين ولابسه النقاب عشان ربنا فهو اكيد معاكى سبيها على الله بس....

_ونعمَ بالله.. السلام عليكم بقا يا ميرو عشان هقفل وهروح البيت....

-وعليكم السلام خلى بالك من نفسك يا نور.....

ـــــــــــــــــــــــــــــــــــــــــــــــــــــــــــــــ

روحت بيتى ولقيت إعلان على الفيس إنو مطلوب سكرتيره فى شركه كبيره وإن المقابله بكره... فتوكلت على الله ودعيت ربنا كتير واخدت معاد من السكرتيره إلى هناك ودعيت ربنا إنى أتقبل عشان أساعد بابا فى مصاريف البيت.... صحيت الصبح وجهزت نفسى وقولت لبابا وماما يدعولى وتوكلت على الله....

_السلام عليكم انا جايه عشان طلب السكرتيره إلى حضرتكم أعلنتو عنو ودا الملف بتاعى..

-وعليكم السلام.. اللهم بارك حضرتك منتقبه المدير بتاعنا مش طالب غير واحده تكون منتقبه ومتعلمه وماشاء الله حضرتك جميله بالنقاب ثوانى هدخل الملف للمدير وهاجى لحضرتك....

_ماشى شكرا ربنا يحفظك....

-مبارك حضرتك إتقبلتى فى الشغل وكل التفاصيل فى الملف دا وتقدرى تبدإى من بكره....

_بجد... الحمد لله الذى منّ علىّ من فضله.. شكرا ليكى وأنا إن شاء الله هاجى بكره...

: خرجت وفرَّحت اميره وبابا وماما وطلّعت صدقه لله وحمدت ربنا وصليت ركعتين شكر عشان ربنا كرمنى ووقف جمبى وساعدنى وجهزت لتانى يوم ورحت الشغل.....
ـــــــــــــــــــــــــــــــــــــــــــــــــــــــــــــــ
_السلام عليكم أنا السكرتيره الجديده وإسمى نور حضرتك طلبتنى..

-تشرفت بيكى يا نور إتفضلى دول ملفات جهزيهم وإقريهم وظبتى المواعيد للإجتمعات إنهارده وبالتوفيق يا نور......

_حاضر يا فندم اى اوامر تانيه...

-لا أتفضلى أنتِ يا نور..

بقالى كده شهرين فى الشغل والحمد لله أسبت نفسى فى الشغل وبقيت ناجحه فيه وحققت كيانى فيه..
ـــــــــــــــــــــــــــــــــــــــــــــــــــــــــــــــ

-أنتِ رجعتى يا نور تعالى بقا أتغدى معانا..

_لا يا ماما انا أكلت بره هدخل انام شويه....

-طيب يا قلب أمك إجهزى بقا عشان فى عريس جاى بليل  .....

: متفاجئتش كتير لإن دى مش اول مره يجى فيها عريس وانا معرفش المهم دخلت نمت وقمت جهزت ودخلت عشان اقابل العريس......

-أسف على الغيبه الطويله دى يا نورى إتفضلى أحلى مصاصه وشوكولاته لأجمل نور.....

_مش معقول حضرتك طول المده دى مخبى عنى إنك محمد إزاى حضرتك المدير بتاعى إبن عمى وصديق طفولتى إستنيتك كتير بعد المدرسه بس مرجعتش ليه.........

-انا اسف يا نور بس ادينى رجعت واول مرجعت جيت هنا لعمى وخطبتك منو لما جيتى الشركه وشفت إسمك كنت عاوز اخدك بالحضن واقولك رجعتلك يا نورى انا لسه فاكر وعدى ليكى منستكيش يا نورى...تعرفى كنت عاوز واحده منتقبه ليه عشان مكنتش عاوز أشوف واحده غيرك وكنت دايما متخيلك بالنقاب من وأنتِ صغيره وأدينى رجعتلك يا نورى....

_وضحكت وأنا باكل المصاصه قدامو وكإنى بنت عشر سنين وهو ابن ١٥سنه......

˝هنيئاً لنورِك بك يا مُنير قلبى وانيس وحدتى ويا رفيقى فى الجنه هنيئاً لقلبى بگ..˝ ♥

#تمت بحمد الله ♥

                  أمنيه _خميس. ♥

ـــــــــــــــــــــــــــــــ . ❝