❞ اللهم إني أعوذ بك من زوال نعمتك وتحول ❝ 💬 في اقتباسات الكتب 📖

قراءة المزيد .. ❞ هتبقى واقف من ورا الشباك تتفرج على المطرة، بس في واحد نايم عالرصيف متغرق

وهتبقى متضايق إنك صاحي بدري تروح الشغل، بس في واحد لسه بيدوَّر على فرصة كويسة

وهتبقي مرهقة من العيال وطلباتهم، وهتلاقي واحدة بتدعي ربنا يرزقها بطفل

والكلية اللي حاسس إنها مطلعة عينك في كويزس وامتحانات ووو، واحد تاني كان بيحلم يكمل تعليمه

والدنيا دوّارة، والاختبارات كتير، والنعم أكتر، والله أكبر :)))

اللي بيدوَّر على شغل جايز يكون صحته كويسة، واللي شغال عنده مرض ما

واللي بتدعي ربنا يرزقها بطفل جوزها شايلها في عينه، واللي متجوزة وارد يكون في مشاكل بينها وبين جوزها
وعيالها الا مريض والا مطلع عينها بشقاوته..

مش هتلاقي حد واخد كل حاجة ١٠٠٪ ديما في حاجة ناقصة في حاجة معكننة حياة غيرك مش كل الناس مرتاحة. مش ديما الصورة زي ما هي ظاهر لك
في ابتلاءات مخفية عن عيونك في جراح الناس عائشة بها ومش لازم تعلن عنها للكل
فرمز في حياتك وبلاش تقارن
عشان ترضى ..

و أذكركم بحديث رسول الله صلى الله عليه و سلم ˝ مَا يُصِيبُ الْمُسْلِمَ مِنْ نَصَبٍ وَلاَ وَصَبٍ وَلاَ هَمٍّ وَلاَ حَزَن وَلاَ أَذًى وَلاَ غمٍّ، حتَّى الشَّوْكَةُ يُشَاكُها إِلاَّ كفَّر اللَّه بهَا مِنْ خطَايَاه.˝

اتعلم إنك ترضى؛
اتعلم إنك تشوف الحلو في كل حاجة ربنا بيعملهالك، ولو مقدرتش لسه تكتشف إن ده حلو وخير، بلاش عالأقل تنكر بقية نعم ربنا عليك!

اللهم ارزقنا برد الرضا
(اللهم إني أعوذ بك من زوال نعمتك وتحول عافيتك وفُجأة نقمتك وجميع سخطك) . ❝