❞ **************** ❝ 💬 في اقتباسات الكتب 📖

قراءة المزيد .. ❞ قلبى تعبان

بقلمى منصور ابو عبدالله

****************

القلب تعبان من تقل اللى صابه

والفرح من زمان قافل فى وشى بابه

انا المظلوم دايما ما بين أهله واحبابه

وعللى الطبيب بيقول مقرهاش فى كتابه

****************

خايف لو دق الفرح بابى يكون الاوان فات

ما اصله الفرح ميحسش بيه اللى قلبه مات

ولا واحد زى حلاتى شبع ألم وبكا وأهات

اديت زمان جبال صبر وبيقولى لسه هات

***************

الضحكة بحاول ارسمها على وشى مش قادر

أبات مغلوب كل يوم ولساى يا زمن صابر

والحمل فوق كتافى تقيل والباقى منى بيعافر

ولو شكيت بكلمه يلومنى الكلام ومحدش عاذر

**************

يا دوا الصبر طعمك مر والحلق مش حامله

والنصيب كاتب على الحزن والفرح مش كاتبه

وكتاب الهم مكتوب على اسمى وانا حافظه

ويعمل ايه الصبر مع اللى زمانه ظالمه ومعانده

**************

اه يا قلبى المسكين ظالمك معاى دايما بطيبتى

وشعرى الحزين مشيله الهم ومعذبه دايما بكلمتى

حتى عيونى من كتر دمعى كرهونى وكرهوا دمعتى

خلاص يا قلب ان كنت تعبت سيبنى وسيب جتتى

***************

بقلمى منصور ابو عبدالله

قلبى تعبان . ❝