█ _ عمرو حسن 2016 حصريا ديوان مثلا عن دار تشكيل للنشر والتوزيع 2024 : بتحب ليه السيما! اسأل محمد خان واسأل صبي حبها واداها روحه اتخان بتحب الشتا؛ اسأل بقى الدخان واسأل خيوط الصوف البالطو هتقولك: (لولا الشتا يا صديق كنا اتحرقنا حريق) لولا السجاير والغنا والبُن كنا صبحنا حطام أو صنف من أصنام مصنوعة بالعجوى ولولا أحمد زكي وسناء جميل مثلًا كنا حديد أو علبة اسطوانات لكن لحزن الحسن والخبطات ربك جعلنا غلابة بالفطرة علشان كده كل اما اجرّب الانتحار بافشل وبتدخلوا الأوضة وانا باقول اكشن فبتحسبوا المشنقة جهلكوا فيونكة ودي مش فيونكة الكلام يبدو انتهى بس فيه فى القلب حاجه ماقولتهاش اللى عاش لنفسه مات واللى مات لولاده عاش واللى شال الشيله لسه ماتنساش رب أسرة جدار عريض صاحب الروح الوحيد يلا هامشى بس لينا كلام اكيد بس رد الباب عشان لو حد قالى هات ابوك اجى اقولك وتعاقبني زى انا ما هعاقب ابنى لجل يفضل مستقيم اليتيم بدونك فى الحقيقه يتيم الشعر العربى مجاناً PDF اونلاين العربي وله تعريفات عدة وتختلف تبعا لزمانها وقديما فقد عرّف بـ (منظوم القول غلب عليه؛ لشرفه بالوزن والقافية وإن كان علم شعراً) (ابن منظور: لسان العرب) أيضا (هو: النظم الموزون وحده تركّب تركباً متعاضداً وكان مقفى موزوناً مقصوداً به ذلك فما خلا هذه القيود أو بعضها فلا يسمى (شعراً) ولا يُسمَّى قائله (شاعراً) ولهذا ورد الكتاب السنة فليس بشعر لعدم القصد والتقفية وكذلك يجري ألسنة الناس غير قصد؛ لأنه مأخوذ (شعرت) إذا فطنت وعلمت وسمي شاعراً؛ لفطنته وعلمه فإذا لم يقصده فكأنه يشعر به" وعلى هذا فإن يشترط أربعة أركان المعنى والوزن والقصد)(الفيومي) وقال الجرجاني (إن علمٌ علوم العرب يشترك الطبعُ والرّواية والذكاء)
❞ بتحب ليه السيما!
اسأل محمد خان...
واسأل صبي حبها واداها روحه، اتخان
بتحب ليه الشتا؛
اسأل بقى الدخان
واسأل خيوط الصوف في البالطو هتقولك:
(لولا الشتا يا صديق كنا اتحرقنا حريق)
لولا السجاير والغنا والبُن
كنا صبحنا حطام
أو صنف من أصنام مصنوعة بالعجوى
ولولا - أحمد زكي وسناء جميل - مثلًا
كنا صبحنا حديد
أو علبة اسطوانات
لكن لحزن الحسن والخبطات
ربك جعلنا غلابة بالفطرة
علشان كده كل اما اجرّب الانتحار بافشل
وبتدخلوا الأوضة وانا باقول اكشن
فبتحسبوا المشنقة من جهلكوا فيونكة
ودي .. مش فيونكة . ❝
❞ وتبتدي الأيام تمر بينهم همّ
وتبتدي الأشياء تطرح حكاية أهم
العشق بعض الحب
والحب في معناه
هو اختيار الحياة بشريك مايشبهناش
الحب تحويل الألم
لأمل
عشان يتعاش . ❝
❞ تقوللي ايه العلاقة مابين دخول الشتا
وبين الدخول ف الاكتئاب
اسكت..
شالوا الهدوم الصيفي م الدواليب
قفلوا البيبان
واتبدلت مشاريب خفيفة بمشروبات سخنه
وانا انكمشت كاني قنفد خام
فيه عطل ف الأيام خلانا نتذّكر...
أو عطل ف الحواديت خلانا بنفكّر ..
ف حاجات كسرها الزمن ورمانا مطرحنا
الغلطة مش ف الشتا
!!الغلطة فينا احنا . ❝
❞ لو عاوز شئ بشده
اعمل حواليه قوسين
خلى عيونك تحاوطه
لو حتى يروح لفين
خليك فاهم يا صاحبى
الحلو بييجى مرة
ومفيش فى الدنيا فرصة
تتكرر مرتين . ❝
❞ عملت حاجات لأول مرة بعملها ، و كملت اغنيات بيكي لاول مره اكملها ، اشمك ريحة و انا ماشي و اقول ماشي . . و اكلم ربنا عنك وجع و هروب ، عكستي المشهد المكتوب مكنش الفيلم دي نهايته . ❝
❞ تصبحى على نفسك لقياها من غير ولا حزن ولا متاهه بتبصى لبكره بعين حرة ومصره تداوى جراح ماطابتش مش فاكره الحدوته المرة عن واحدة تحب وماتحبتش ومذاكرة التفاصيل الكامله لحاجات دومتيلها لكن مادمتش . ❝
❞ ربك والحق
انا حابب أولّع عود كبريت واحدفه بالقصد على العالم
واقعد ف مكان عارفه لوحدي
انا وامي وحبة من اصحابي
اتأمل في المشهد واضحك
وكإن النار عرض اضاءة
اتخابث واضحك ببراءة
واتفرج على كل مشاكلي وهي بتخلص
والحفره اللي ف روحي بتنقص
وارجع بني ادم من تاني . ❝
❞ هوا انتو مين ؟؟
ومليتو ليه كل الصور لما انتو هتبيعوا ببلاش
الكادر صادق ناحيتي
والغلطة جاية من الفلاش
هو انتو مين؟؟
وأنا ليه حزين على ترككم
انا ليه لقتني بحبكم ؟
!!!أو ليه لقيتكم من الأساس
.....
مستني باندا ف عصر ما
تؤمن بتوزيع الحياة
وتكون كمثلي مهددة بالانقراض
نقسم سوا الفنجان ف دهشة من البشر
دُبّين ف عالم خالي إلا من حجر
أنا كنت باندا .. بس صِرت تمام
أووهبقى باندا ..
بس مش دلوقت . ❝
❞ زي مج كاكاو قديم على رف بارد من رخام
زي سرب من الحمام فقد الديار
زي المطر في إزار فيميه
أو زي سهم بينطلق ناحية هدف
ما اعرفش هو اللي اتحدف
ولا بإرادته اختار ما بين أحلام بديلة
زي باندا
أو أقل قليلا ..
....
رتب صحابك ع الورق
حسب الوجود وقت الألم
واعمل خطوط تحت الي فاضل منهم
تحت اللي لسه بيفهمك ويكلمك
تحت اللي لما بتنسي هو يفكرك
تحت اللي غاوي يقدرك
وإن كنت عاجز يحضنك . ❝