❞ ˝بصراحة وحشتنى˝
ونفسى أخدها فى حضنى...
لإنها حبيبة عمرى...
بدل لما أخلى حبيبتى...
هى رفيقة دربى...
أول لما بشوفها بهرب وأجرى...
علشان بكون غرقان فى حيرتى...
رغم إنى واقع لشوشتى...
وساكنة جوة قلبى...
وعايشة مع روحى...
وبشوفها فى أحلامى...
إذا كنت نايم ولاصاحى . ❝

❞ ˝هو فين حقها˝
لما وافقتوا إن حد يزلها...
وكمان يفضل يكسر فى قلبها...
ويعكر صفو وحلاوة روحها...
ويقضى على جمالها...
ويفضل يشربها...
مرارة أيامها...
وتلاقى الكل ضدتها...
ومحدش واقف فى ظهرها...
ولا حتى أبوها وأمها...
ولا أخوها وأختها...
وممكن كمان يتبروا منها...
ويقولولها إنتى عار على العيلة كلها...
علشان موافقتش إن حد يزلها . ❝

❞ ˝قالها إشمعنى أنا˝
قالتله لإنك إنت...
تبقى أنا...
وكأننا على...
نفس المسطرة...
وعمرنا ماينفع...
نجيب وراء...
لو حد فينا وقع...
التانى أكيد هيقع...
علشان إحنا روح واحدة...
على شخصين...
مش مجرد روحين...
زى أى إتنين...
إحنا فى كل حاجة مختلفين...
عن باقى البنى أدمين...
علشان إحنا روح واحدة...
لكن هما بيبقوا إتنين إتنين . ❝

❞ ˝ملكة تحارب بنفسها˝
إتحديت الدنيا كلها...
إنتصرت فى الحروب جميعها...
بقوة حبها لحبيبها...
حولت نارها لنورها...
خلصت سحر حبيبها...
بقوتها وسحرها...
لما إستعادت ملكها...
وهتفرح بنصرها...
لما هتنور الدنيا كلها بنورها...
وهى متوجة على عرشها...
وحدت الأكوان بعظمتها . ❝

❞ ˝بلاش العشم يخدك˝
بزيادة ويوديك بعيد...
علشان هترجع وحيد...
هتحس بإحساس مميت...
إنك إتعشمت بزيادة...
ونسيت إن الندالة عادة...
مش سكر زيادة...
بلاش تفضل تتمادى . ❝

قراءة المزيد .. ❞ ˝المستحيل تقدر تخليه ممكن˝
مفيش حاجة إسمها مستحيل إحنا اللى حابسين أنفسنا فى سجن إسمه المستحيل...
وأنتم اللى طول ماأنتم عايشين عمالين تبنوا وتعلوا فى أسياخ هذا السجن...
وبعد كدة تقول هو أنا مخنوق ومدايق على طول ليه وأنتم أصلا اللى حابسين نفسكم فى سجن المستحيل...
فلازم كل واحد زى مابنى السجن دة وعلا فيه جه الوقت إن لازم يكسر أسياخ السجن...
إنسى إن حد يقدر يساعدك إنت بس اللى تقدر تساعد نفسك اللى حابسها فى سجن المستحيل...
علشان كل شخص محبوس فى سجن لوحده مع نفسه يبقى هيساعد غيره إزاى غير لو خرج نفسه وكسر سجنه هو الأول...
فامتنتظرش حاجة من أى حد إنت لما تحرر نفسك بنفسك مش هتلاقى حد جمبك غير نفسك...
وعمرك ماهتحتاج لحد وقتها بس ممكن تقدر تساعد غيرك ومش أى حد تساعده...
اللى هيقدرك ويحترمك واللى عنده إستعداد فعلا يساعد نفسه فاأنت هتساعده بتوجيهات وترشده يساعد نفسه إزاى من تجربتك وواقع حياتك...
اللى مريت بيها بالفعل ساعتها مش هيبقى مجرد كلام تتمنظر بيه وخلاص أو يأمرون الناس بمالايفعلون...
أول لما تحرر نفسك هتحس بإحساس جميل أوى وهتحس بشعور عمرك ماحسيته وهتحس بإختلاف فى كل حاجة فى حياتك . ❝