█ من بين كل بارات الهرم ولآخر حانة فى الموسكى ومن تناغم عيون السكرانين مع كاس ويسكى وتبص عنيهم تلاقى الدنيا خام فتاة الليل بتتمايل ربوع البار الرخام أول كاسين ما كانوش حرام علشان كنت بنساكى تانى بصى هنا وراكى آخر فرشت روحى يدى وقولت فداكى كتاب 18 نيسان مجاناً PDF اونلاين 2024 ديوان – محمد البديوي "18 نيسان" هو نتاج أدبى لديوان بالشعر العامية المصرية وهو بمثابة تجربة لكل شخص ويكون بطل الديوان القارئ وقال الشاعر البديوى طالب بكلية الصيدلة: إن تجربته استمرت لخمس سنوات كتاباته فترة يعتبرها أصعب لحظات حياته وأن الشعر العامى لا يأخذ حقه الساحة الأدبية وأنه يتمنى تدريس شعر العاميه المناهج مضيفا أن الحزن يغلب ديوانه فهو المحرك الأساسى للشعر تحديدا
❞ فجأة عمرى منى يفرط زى خرزة فى حبل سبحة
روح بتنتهى فى العناية والطبيب تشخيصه ذبحة
احتضار الروح مجازاً لا يُقاس بمعانى واضحة
مهما تضحك أو تِدارى الهموم فى البصة فاضحة . ❝
❞ تجمع الذكريات فى أوردة الحنين هى الجلطة
مش عارف هل كنتى الغلطة أو كان مين ؟!!
من ست سنين لِسّانى بسأل
إزاى من طين ؟!!
باسم المولى اللى خلقنا
بروح واحدة وقسمنا اتنين
وجعلنى مالح بالفطرة
وخلاكى طَهور
ويشاء نتلاقى أنا وانتي
زى البحرين ويصيبنا فتور
من أول شباك فى عنيكي
ولآخر السور
ولأول ضحكة بِكريّة
تشبه للحور
ولآخر كاس خمرة معتَّق
والسُكْر الزور
ولأمى باب ربى التامن
وقُليبى البور
ولأول صدمة كسرتني
ومَلتنى كسوور
ولمجدى .. اللى بيفهم صمتي
ويحول نظراتى كلام
للبصة اللى بتقتل دايماً زى الألغام . ❝