❞ مروة سلامة على منصة فيسبوك ❝

❞ عَاشِق ولَّا مَع شُوقْهَا؟! بَشُوف فِي عِينِيكِ صُورتْهَا ولسَانك بِيحْكِي عَنْهَا وذِكْرَيَاتِك كُلَّهَا هي حتَّى فِي سُكوتِك بِتِفْتِكرهَا وبتَقْتِل أحْلَى مَا فيَّا أحْلَامِي وكُل دَعَاويَّا عَاشِقْهَا ولَّا مَع شُوقْهَا؟! نَاسِيهَا ولَّا فَاكِرْهَا؟ كَلَامَك عَكس أحْلَامَك مَاتت وعَايشَة فِي أوْهَامَك بِتْشُوف فيَّا مَلَامِحْهَا بِتَضْحَك وتَفْتِكرهَا … ********************* مَبْتِوْحَشْنِيش مَبْتِوْحَشْنِيش ولَا حَتَّى بَفَكَّر فِيك ولَا صُورْتَك جوَّا خيَالِي ولَا قَلْبِي بيحِن إلِيك ولَا طُول الْوَقت بَحْكِي عَلِيك وأتَخَايلَك بِينِي وبِين نَفْسِي نَضْحَك ونَلْعِب ونزْعَل ونرْجَع نتصَالِح مِن تَانِي... مَبْتِوْحَشْنِيش... ونسِيت كُل مَلامْحَك وجَمَال ضحْكِة عينَك ورقِّة صُوتك فِي حَدِيثَك وكسُوف قَلْبَك ويَقْلِب خَدَّك ورْدِي وتتدَارَى بعِيد ع الْعِين.. وطِيبِة قَلْبَك مَبْتِوجَعْنِيش ونسِيت الْكُل ومَبْتِوْحَشْنِيش... ولَا حتَّى بيْزُورْنِي خَيَالَك وقَت مَنَامِي ولَا طِيفَك يحضُن طِيفِي ونرْجَع نتْقَابِل مِن تَانِي... مَبْتِوْحَشْنِيش.. وكُل الأمَاكِن بِيك.. مَبِتْفَكَّرنِيش هنَا قَاعِد.. هنَا بتَاكُل.. وهنَا مسْتَنَّينِي بلهْفَة وكُلَّك شُوق وحَنِين... مَبْتِوْحَشْنِيش... وأنَا قُدَّامك أهُوه بَتْنَفِّس وعَايشَة ونسِيتَك ونسِيت إنَّك كُنت فِي يوم منِّي وسبْتنِي ومشِيت... وبَضْحَك ومكَمِّل ودمُوع عينِي دِي فَرْحِة قَلْبِي... وبَدْعِيلَك بالرَّحمَة وبَدْعِي لنَفْسِي يَصَبَّرنِي... مبتوحشنيش🥹 #مروة_سلامة #ديوان_زهرة_السوسن. ❝ ⏤مروة سلامة

❞ أَخَافُ عَلَيْهَا مِنْ انْطِفَاءِ عَيْنَيْهَا مِنْ عَيْنِي إنْ صَابَتْ عَيْنَيْهَا مِنْ كَلِمَة شَقَّتْ شَفَتَيْهَا فَأَدَمْتنِي وَمَنْ حُزِن لَامَس مُهْجَتِهَا... *** أَخَافُ عَلَيْهَا مِنْ لَمْسِ النسيم لخدّيها مِنْ هَمْس الْأَوْرَاقِ الْمُتَسَاقِطٌ أَسْفَلِهَا مِنْ ظِلٍّ يُرَافِقُهَا وَيَحْجُبُهَا عَنْ قلبي فأثور إنْ تَاهَتْ عَنِّي عَيْنَيْهَا... *** أَخَافُ عَلَيْهَا مِنْ لَمْسِ الْاخَرِينَ بِالسَّلَامُ لِيَدَيْها مِنْ نَظْرَة عَاشِق يَأْسِرُ هَالَتِهَا مِن أَنَامِلِهَا إن تَرَكت كفّي فأبتر كفّي وأرثيها.... ❝ ⏤Marwa salama