❞ دماغ أمينة عبارة عن شبكة عنكبوتية من الأسلاك الملخبطة والمتوصلة ببعضها، والأسلاك دي كلها متوصلة بكابل رئيسي اسمه كابل المشاعر، علشان كده هتلاقي إن العاطفة هي اللي بتأثر في كل قراراتها عكس جنابك.. ❝ ⏤إيهاب معوض

❞ وعندك كمان الدكتور (ألون فرانسيس) اللى كسر الدنيا بأبحاثه عن النفس البشرية وخباياها، جالك بذات نفسه وقال: خلاص لقيتها، انا فهمت المرأة وهعمل كتاب أشرح فيه كل تركيبتها وخبايا شخصيتها. وقعدت الرجالة مستنية العبقري اللى هيفك شفرتها ويعلمهم إزاى يتعاملوا معاها. اتكتب الكتاب واتطبع ونزل المكتبات ف كل العالم، كتاب زي الفل ولسه موجود لحد دوأتى واسمه ( كل مايعرفه الرجال عن النساء- (Every thing Men know about Women كتاب عظيم 130 صفحة وأخد تقييم 4.5 علي موقع Good reads واتطبع منه أكتر من 30 طبعة كلهم ورق فاضي! أيوه ورق أبيض فاضي، آه والله... ولو مش مصدقنى أعمل سيرش عليه. طب إزاي نجح وباع كل الطبعات دي؟! للأسف لأنه ببساطة حط إيده على الحقيقة المرة اللي هفكرك بيها كل شوية علشان أنكد عليك وعليا... أيوون محدش فينا يعرف عنها حاجة، حتي الحاج فرانسيس نفسه اللى طلع في الآخر قلة ( القلة هي إناء فخاري يوضع فيه الماء).. ❝ ⏤إيهاب معوض