قراءة المزيد .. ❞ طب هو مبدأيًا أنا ماباخدش فلوس من كتبي خالص 🤡
لإن تقريبًا مؤخرًا أي حد بيقابلني بيقولي رواية قدر نجحت وانتشرت زمانك جالك من وراها فلوس قد كده 🙂

وحرفيا قدر بقالها سنتين مخدتش من وراها جنية بس مش ده موضوع البوست.. موضوع البوست كالآتي:

أنا قررت إن أي نسخة هتبلغني بيها الدار إنها اتباعت لكتابي عروس ودبوس في معرض القاهرة للكتاب هطلع قدامها بالظبط بنفس القيمة تبرعات لفلسطين

كتابي ب120 ج ولكن دار طفرة مشكورة عاملة خصومات وتخفيضات كتيرة أيام المعرض رفقًا بالقراء بعد غلاء الأسعار ولكن قيمة تبرعي مش هيبقى عليه تخفيض

مثال لو مثلًا قيمة البيع 10 ج بعد الخصم و500 ج قبل الخصم أنا هطلع ال500 ج مش ال10 ج

وطبعًا دي أرقام تخيلية لتوضيح الفكرة بس

وعلى فكرة ده مش إعلان ولا ترويج ولا دعايا للكتاب ومش محتاجة أحلف لإن ربنا شاهد عالنوايا ولكن بما إن جنوب أفريقيا اتكلمت واحنا مش قادرين نتكلم ف أنا هتكلم بكتابي وكل نسخة هتتباع كإن اللي اشتراها بعت تمنها لأهلنا في فلسطين عن طريقي ومن حر مالي الخاص وله ولي الثواب وربنا يفرجها عليهم يارب ❤️

اللي عايز يشير ويساعد في انتشار الفكرة بنية مساعدة أهلنا هناك يكون مشكور جدا 🌺 . ❝