❞ تزرع ورده ❝ 💬 في اقتباسات الكتب 📖

❞ أنا التايه
في دنيا المال
أنا اللي اخترت
أكون انسان
أنا قصة
أنا حكاية
أنا شخصية
في رواية
وفي بطولة
أنا الخيال
أطير كالرمح
فوق فرسي
وأشق الرمل
من تحتي
وأيدي سيف
رافعها لفوق
فقلب الشمس
ونوره نار
على العدوان
ما بيسمي
أنا المفتون
بغجرية
عليها عيون
كيف الخمر
تسكرني
عليها رموش
تدبّحني
عليها خصر
ترقّص دقته
قلبي
أنا المسحور
اللي متاخد
من الدنيا
ومالمخلوق
بسبح فوق
سحابة حنون
تفرط حبات المطر
تداوي قلوب
وتجبر أرض دابت
تحت أقدام البشر
تحت الهموم
وتنزل دمعة
على خدي
تزرع ورده
فوق كفي
وأسمع من بعيد
جاية
حمامة هتوف
تهتف بالسلام
وفايدها غصن زتون
بصوت دافي
يرد الروح
وتسمعها الغيوم
ترعد
و تمطر إنسانية
تزهر في العقول
زهور من نور
سراج صارخ
كطفل وليد
بيتعرف على الدنيا
ويسكن في القلوب
أنا حالم
مبينامشي
أنا من بكرة
ميأسشي
أنا الضحكة
أنا الكلمة
أنا السبحة
اللي فرطت حب
شق الأرض
نبت منها
نهر أبيض
يصحي الروح
و يسقي الناس
طمأنينة
يطبطب بيها على بكرة
يزكينا عن المادة
فتشرق شمس فعيوننا
وتبسط تحت أقدامنا
طريق من خوص
قلبه أخضر
وحبه خلوص
يقدر قيمة الإنسان
أنا الإنسان
اللي أخترت أكون إنسان.. .
#بقلمي
#منى_عبداللطيف
#خواطر #زجل #كلمات #انسان. ❝ ⏤منى عبد اللطيف