❞ باغزل ربيعك في الصباح ❝ 💬 في اقتباسات الكتب 📖

قراءة المزيد .. ❞ عشقك ..قدر
انا روحي ليه هشه كده
كانت ف يوم متمردة
شافت كتير واتحملت
فاتبدلت ....
من عود ريحان
لفرع محتاج الندي
انا روحي ليه عشقت صبا
مشتاق لليل من غير بكا
وليه عشقت المستحيل
من غير مادمعي يشتكي
أنا قلبي ليه عشقك كدا
ولا حاسه بيه لما ندا
ولا حس حضنك والدفا
يجري كطفل من العدا
علي ضمة جاية تخنقه
يديكي روحه بالفدا
وتضيعيه بين دا وده
هوانتي ليه قلبك حجر
عاشقه اللي جارحك والعدا
كارهاني علي طول المدي؟
مع إني نوح وسط الطوفان
ف مغرقاني في الندي
مستسلمه لجنون جبان
شايلاه في قلبك وانصهر.
بدل سواد ليلك ضباب
ضيع شبابك في السفر
عحنتي حبي في التراب
ودفنتي عمري في الخطر
هو انتي ليه عشقك قدر؟
انا روحي ليه تايهه كده؟
باغزل ربيعك في الصباح
ف تفكي توبي في المسا
وتحرميني م المباح
وعلي الضلوع متسندة
كل اما اعود من غربتي
ترميني وحدي في الفضا
لكني عاشقه ومستحيل
اخون غيابك ده القضا
انا لسه عاشقه وم المحال
اني انسي تاري وما مضي . ❝