❞ الطفل عادةً بيكتشف أثناء التربية إنه علشان تتم تلبية احتياجاته الأساسية لازم يكون فيه مُقابل.. يعني (اسمع الكلام علشان أحبك).. (اشرب اللبن علشان تبقى شاطر).. (ماتقولش لأ علشان ربنا يحبك).. ده غير رسايل كتير بتوصل بتصرفات وسلوكيات ونظرات (وساعات طبعًا إيدين ورجلين) الأب والأم.. فيتحول الحب إلى (حب مشروط) والقبول إلى (قبول مشروط) والاحترام إلى (احترام مشروط).. وهكذا.. كل حاجة بشروط.. كل حاجة بمقابل..
يعمل إيه الطفل الغلبان بقى علشان يتحب ويتقبل ويتحسّ ويُهتم بيه؟!

يعمل حاجة صعبة جدًّا..
يضطّر إنه يدفع التَّمن . ❝

❞ للأسف مجتمعنا بقي عايش بمبدأ
هذا ما وجدنا عليه ابائنا
بمعني
ان كل جيل كان بيسلم الجيل اللي بعده
مجموعه من المعتقدات و الأفكار
علي هيئه
( سيناريوهات و نصوص ) حياتيه
غير قابله
للنقاش اوالتعديل
بتتنقل
من جيل لجيل
جوه كل اسره في المجتمع
من غير ما نعرف حتي
مين اللي حط النصوص الحياتية دي
و حطها امتي
و هل
كانت ناجحه وقتها ولا لأ
و لو كانت ناجحه وقتها
ف الأكيد
انها ما بقتش صالحه للجيل الحالي . ❝