█ حصريا تحميل كتاب مجاناً PDF اونلاين 2024
❞ البنت أن سكتت ف ده معناه
انها من جوا بتتألم
البنت بتبدأ ف المعاناة
اول ما تبطل تتكلم
البنت بطبيعتها بتسكت
اول ما بتعمل من حاجة
مين فينا ماقلش ف يوم ˝مالك˝
وحبيبته قالت له مفيش حاجه
اول ما تحس انها ساكته
أسأل نفسك قبل سؤلها
وقت ما هتراجع حساباتك
ممكن جدا تعرف مالها . ❝
❞ انتي المختلفة الشفافة
الانثي الغامضة المتشافه
الطفلة الهادية الخوافة
والشيء الحلو إللى حصلي
انتي المتواضعه المغرورة
الساذجه الواثقة المكسورة
ابليس لو شافلك يوم صورة
يستغفر ربنا ويصلي . ❝
❞ كان راجل طيب وقريب من كل الناس
كان راجل طيب بس خلاص
يصعب ع الكافر يا جماعه
من كتر ما يومه ويتكرر
مبقاش بيركز ف الساعة
مقطوع من شجرة
ابنة إللى مسافر برا
او بنته اللي اصلا بيشوفها
ف الشهر أساسا كام مرة
ومراته اللي السرطان خدها
من ايده ف ظرف ٣ ايام
بقى أقصى طموحاته يشوفها
او ما يخش الأوضة ينام
والكرسي الهزاز والقعدة وكباية الشاي
الراجل من كتر الوحدة بقى شبه الناي
حضارتنا خلاص مبقتش تشوف
عكازه كمان مبقاش واحده
قاعد يتفرج ع الدنيا
ويشوف العالم من عنده
ولا حد أساسا بيزوره
وكأن حياته خلاص خلصت
وانتهى بالنسبة لهم دوره
كان راجل طيب لكن كان
فيه حد اتبقى معاه؟!لأه
اهو عاش طول عمره عشان غيره
واهو مات من وحدته ف الشقة . ❝
❞ الديوان ده اهداء الي المزاجيين اللى زى حالاتى .. اللى بيهربوا بالنوم .. و اللى بيضحكوا علشان يخبوا .. اللى بيعملوا كل حاجه من غير فرامل .. بيحبوا للآخر .. وبيدوا كل الفرص الممكنه .. عشان لما يمشوا ميبصوش وراهم .. الطيبين جدااا .. اللى لسه بيصدقوا الناس .. أو بيعملوا مصدقين عشان ميكسفوش حد .. الناس اللى طول الوقت خايفه مش عارفه خايفه من ايه .. وزعلانه عشان زعلانه وخلاص .. الناس اللى لو كسبتهم .. تبقى كسبت ضهر فـ ضهرك للأبد .. شكرا . ❝