📘 ❞ عايزه أتجوز ❝ كتاب ــ غادة عبد العال اصدار 2008

قراءة المزيد .. ❞ زمان كنتوا تشوفوا في الأفلام العربي أي بنت تدخل فرح وهي لابسه شيك كده شوية.. يتلموا عليها الشبان ويبقوا عايزين ياكلوها.. وما تخرجش م الفرح إلا بعريس.. دلوقتي نفس التجمعات بس بالعكس.. تلاقي كل أم قاعدة هي وبناتها مراقبين الشباب وياويله إللي يعدي جنبهم.
- طارق.. إزيك يا ولد.. مش تيجي تسلم على بنات خالتك شوف بقوا حلوين إزاي؟
- أنا مش طارق يا طنط وأنا متهيألي كده حضرتك مش خالتي.
- صحيح؟ معلش يا حبيبي العتب ع النظر طب ما تعرفنا على نفسك كده.. يمكن ربنا يحبك ويبقالك نصيب معانا.
طبعا الواد يا إما يطلع يجري.. يا إما حد من صحابه بياخد باله م الكمين إللي وقع فيه ويجي ينقذه على أساس في حد عايزة وكده . ❝

❞ في مقال (سينجل) تري أن هناك فارق في حياة السنجل الذكر والسنجل الأنثى، عند مجتمعنا ((في تقديرهم المفروض تكوني بتعدي نفسك عشان تبقي في المستقبل مدام فلان الفلاني، بينما في الحقيقة إنتي محتاجة تعدي نفسك الأول عشان تبقي فلانة الفلانية، تبني نفسك أو ع الأقل تحطي حجر أساس لبناها قبل ما تبقي مجرد طوبة في بناء حياة إنسان جديد.)) . ❝

❞ ((ذكرك لأسباب رغبتك في الطلاق هي بمثابة ماتش بينج بونج مع المجتمع..إيا كانت الشكوى اللي بترميها لهم هم محترفين في صدها وقذفها تاني في وشك وإشعارك بالذنب لمجرد إنك بتفكري إن الحياة ممكن يكون لسه فيها فرصة تانية للسعادة مع واحد تاني وإن القسيمة مش بالضرورة حكم مؤبد بالعيش في حياة كئيبة أو مؤلمة!)) . ❝