█ _ عمرو حسن 2018 حصريا ديوان الوردة البلاستيك عن دار تشكيل للنشر والتوزيع 2024 البلاستيك: بعض الأشخاص يقولون إنهم لن يشتروا كتاب لشاعر لأنها هي القصائد التي تُقال الحفلات وهذا ما قبل مع أيضًا ولكن دائم؟ًا هُناك قصائد لا ويبقى الديوان هو بيتها الأول والأخير وهي مميزة جدًا ولهذا يكون للديوان رونقه وستجد مجموعة كبيرة من أشهر الذي قالها حفلاته ساقية عبدالمنهم الصاوي بالزمالك وسُجلت ونُشرت قناة اليوتيوب جديد الكتب والروايات مجاناً PDF اونلاين هذا القسم يقدم فى جميع المجالات العربية والاجنبية تصدر حاليا بالأسواق :(دين أدب شعر فلسفة رواية سيرة ذاتية تطوير الشخصية الكُتب الخياليّة كتب الطب العلمية وجميع الآخري )
❞ عملت حاجات لأول مرة بعملها ، و كملت اغنيات بيكي لاول مره اكملها ، اشمك ريحة و انا ماشي و اقول ماشي . . و اكلم ربنا عنك وجع و هروب ، عكستي المشهد المكتوب مكنش الفيلم دي نهايته . ❝
❞ ربك والحق
انا حابب أولّع عود كبريت واحدفه بالقصد على العالم
واقعد ف مكان عارفه لوحدي
انا وامي وحبة من اصحابي
اتأمل في المشهد واضحك
وكإن النار عرض اضاءة
اتخابث واضحك ببراءة
واتفرج على كل مشاكلي وهي بتخلص
والحفره اللي ف روحي بتنقص
وارجع بني ادم من تاني . ❝
❞ لو عاوز شئ بشده
اعمل حواليه قوسين
خلى عيونك تحاوطه
لو حتى يروح لفين
خليك فاهم يا صاحبى
الحلو بييجى مرة
ومفيش فى الدنيا فرصة
تتكرر مرتين . ❝
❞ تصبحى على نفسك لقياها من غير ولا حزن ولا متاهه بتبصى لبكره بعين حرة ومصره تداوى جراح ماطابتش مش فاكره الحدوته المرة عن واحدة تحب وماتحبتش ومذاكرة التفاصيل الكامله لحاجات دومتيلها لكن مادمتش . ❝
❞ هوا انتو مين ؟؟
ومليتو ليه كل الصور لما انتو هتبيعوا ببلاش
الكادر صادق ناحيتي
والغلطة جاية من الفلاش
هو انتو مين؟؟
وأنا ليه حزين على ترككم
انا ليه لقتني بحبكم ؟
!!!أو ليه لقيتكم من الأساس
.....
مستني باندا ف عصر ما
تؤمن بتوزيع الحياة
وتكون كمثلي مهددة بالانقراض
نقسم سوا الفنجان ف دهشة من البشر
دُبّين ف عالم خالي إلا من حجر
أنا كنت باندا .. بس صِرت تمام
أووهبقى باندا ..
بس مش دلوقت . ❝
❞ زي مج كاكاو قديم على رف بارد من رخام
زي سرب من الحمام فقد الديار
زي المطر في إزار فيميه
أو زي سهم بينطلق ناحية هدف
ما اعرفش هو اللي اتحدف
ولا بإرادته اختار ما بين أحلام بديلة
زي باندا
أو أقل قليلا ..
....
رتب صحابك ع الورق
حسب الوجود وقت الألم
واعمل خطوط تحت الي فاضل منهم
تحت اللي لسه بيفهمك ويكلمك
تحت اللي لما بتنسي هو يفكرك
تحت اللي غاوي يقدرك
وإن كنت عاجز يحضنك . ❝
❞ وتبتدي الأيام تمر بينهم همّ
وتبتدي الأشياء تطرح حكاية أهم
العشق بعض الحب
والحب في معناه
هو اختيار الحياة بشريك مايشبهناش
الحب تحويل الألم
لأمل
عشان يتعاش . ❝
❞ تقوللي ايه العلاقة مابين دخول الشتا
وبين الدخول ف الاكتئاب
اسكت..
شالوا الهدوم الصيفي م الدواليب
قفلوا البيبان
واتبدلت مشاريب خفيفة بمشروبات سخنه
وانا انكمشت كاني قنفد خام
فيه عطل ف الأيام خلانا نتذّكر...
أو عطل ف الحواديت خلانا بنفكّر ..
ف حاجات كسرها الزمن ورمانا مطرحنا
الغلطة مش ف الشتا
!!الغلطة فينا احنا . ❝
❞ بتحب ليه السيما!
اسأل محمد خان...
واسأل صبي حبها واداها روحه، اتخان
بتحب ليه الشتا؛
اسأل بقى الدخان
واسأل خيوط الصوف في البالطو هتقولك:
(لولا الشتا يا صديق كنا اتحرقنا حريق)
لولا السجاير والغنا والبُن
كنا صبحنا حطام
أو صنف من أصنام مصنوعة بالعجوى
ولولا - أحمد زكي وسناء جميل - مثلًا
كنا صبحنا حديد
أو علبة اسطوانات
لكن لحزن الحسن والخبطات
ربك جعلنا غلابة بالفطرة
علشان كده كل اما اجرّب الانتحار بافشل
وبتدخلوا الأوضة وانا باقول اكشن
فبتحسبوا المشنقة من جهلكوا فيونكة
ودي .. مش فيونكة . ❝