█ _ حسن رجب الفخراني 2023 حصريا ديوان جسد امرأة عن العرب للنشر التوزيع 2024 امرأة: القصيدة عنيدة أَكتبها لا تقرأ وتظل فوق الضباب وحيدة أتملق بها السادة فتلعنهم وتلطخ بالسواد أيامي الجديدة الشعر والمسرح مجاناً PDF اونلاين المسرحي هو الفن الذي يتبنى سواء كان عموديا أو غير عمودي, لكتابة الحوار يطلق عليه أحيانا: المسرح الشعري, الدراما الشعرية, المسرحية الدرامي , ودلالة هذه المصطلحات جميعا متقاربة ذلك مقابل توظيف النثر فيما يعرف بالمسرح النثري
❞ هل ذنبي
إنني أحببتك
غيرت خرائط عمري
لأجلك
وصنعت لك في قلبي
أكوان غير تلك الأكوان
الآن
صرت مدان
وجريرتي إنني حين أحببتك
كنت إنسان . ❝
❞ الخالة بهانة
زعلانة
بتقلي يا بيه
كتبت عني كتير
مشفتش منك
حتي جنيه
مش قلتلي
هتخليني كدا زي الهوانم
وصورتي ف الجرانين
تفطر اللي صايم
وتبنيلي بيت م الطوب
ولو كان حجر ابيض
ليه نستني
وقلتلي ربنا يعوض
عشان انت بقيت م المشاهير
وعمال تقابل ف الجماهير
وبقيت اشهر من اي غفير
تنسي خالتك الحاجة بهانة
ولا حتي تفتكرها
ولو بحتته زير
ليه كدا يا وليدي
قلتلي قولي يا حاجة
وان شا الله ليكي حجة
لما زي الطير اطير
وامسك ف ايدي الدنانير
سكت
وحرف الكلام وجعه مرير
يا خالة بهانة
لسايا زيك بستني الرضا
من باشا او امير
باتعلق ف قشاية
تعديني فوق عشة فقير
واصحي الصبح فرحان
وف ايدي حتة لحمة
وشوية فطير . ❝
❞ اديني صوتك
أنت خايف
ولا شايف
حد غيري
يقدر معروفك
أنا منك
وأنت مني
دانت ف النني
أنا اللي شايل همك
اللي حاسس بخوفك
ولدك وظيفته عندي
وبتك جوازتها هدية
مانا مقدر ظروفك
أنا جتلك لحد الدار
أوعك تصدق الفجار
دول مش مننا
بعد كدا يكره يشوفك
أنا منك وليك
ولو كنت غايب
كانت ظروف
واحنا قرايب
دمنا واحد
واللقمة بتشبعني
ف جوفك
إياك تغرك اليفط
ولا كتر اللغط
ويقولك دا مصاريف بالعبط
مين حافظ كل حروفك
باب القلب
قبل البيت مفتوح
الخدمة متاحة
وكله مسموح
مستشفى تطيب الجروح
وعمري يوم ما أعوفك
هخلي الطريق
يترصف بالورد
وأجيب المية لكل فرد
وأفتح ألفين مدرسة بالعد
هتلاقي خدماتي ضيوفك
بس اديني صوتك
وإلا....................
فيها موتك . ❝
❞ الحاجة بهانة
إنسانة
غلبانة
مولودة من قلب الوجع
ما تعرف الفرق
بين امبارح ولا النهاردا
لا ليها ف الكدب
ولا ف البدع
آخر الليل سريرها جريد
إن كان ليها سرير
والغطا رضا من ربنا
فرش الرضا حرير
والتوب ع البدن أمانة . ❝
❞ ياما دقيت ع الجريد ..
وفتحت فيه بيبان
انا اللي عشت وحيد..
عمري ما خفت الزمان
بيدي عملت كام قفص وسلة
وكنت باتسلي
اتاري الايام....بتعيد....الوجع
وتقلب الاحزان . ❝