█ _ حسن رجب الفخراني 2022 حصريا ديوان حديث من قلب الطين عن العرب للنشر التوزيع 2024 : وزعت وجعي فالطين ياخلق سنين والي بيدي فاس وناس ياناس كلهم ظالمين ولما يزيد القلب الوجع نصبر ونقول آمين بكره يعدلها المولى والفرحة تسكن العين شعر عامية مصرية مجاناً PDF اونلاين قسم الشعر العامية يعنى بتجميع وتوفير الأعمال الشعرية المكتوبة باللهجات واللغات المحكية مناطق معينة يشمل هذا القسم مجموعة متنوعة القصائد والأشعار التي تعبّر الثقافة والتراث والهوية الثقافية للمجتمعات المختلفة توفر مكتبة مساحة للشعراء والكتّاب الذين يكتبون بالعامية لعرض إبداعاتهم والمساهمة الحفاظ اللغة والثقافة الشعبية يمكن أن يكون محتوى متنوعًا وشاملًا ويتضمن قصائد حول مواضيع مختلفة مثل الحب والشجب والوطنية والتاريخ والحياة اليومية قسم يلعب دورًا مهمًا التراث اللغوي والثقافي وفي توثيق تجارب الناس وعواطفهم بلغتهم الخاصة إذا كنت مهتمًا بقراءة أو البحث يمكنك العثور مصادر غنية ومتنوعة المكتبة
❞ اديني صوتك
أنت خايف
ولا شايف
حد غيري
يقدر معروفك
أنا منك
وأنت مني
دانت ف النني
أنا اللي شايل همك
اللي حاسس بخوفك
ولدك وظيفته عندي
وبتك جوازتها هدية
مانا مقدر ظروفك
أنا جتلك لحد الدار
أوعك تصدق الفجار
دول مش مننا
بعد كدا يكره يشوفك
أنا منك وليك
ولو كنت غايب
كانت ظروف
واحنا قرايب
دمنا واحد
واللقمة بتشبعني
ف جوفك
إياك تغرك اليفط
ولا كتر اللغط
ويقولك دا مصاريف بالعبط
مين حافظ كل حروفك
باب القلب
قبل البيت مفتوح
الخدمة متاحة
وكله مسموح
مستشفى تطيب الجروح
وعمري يوم ما أعوفك
هخلي الطريق
يترصف بالورد
وأجيب المية لكل فرد
وأفتح ألفين مدرسة بالعد
هتلاقي خدماتي ضيوفك
بس اديني صوتك
وإلا....................
فيها موتك . ❝
❞ الخالة بهانة
زعلانة
بتقلي يا بيه
كتبت عني كتير
مشفتش منك
حتي جنيه
مش قلتلي
هتخليني كدا زي الهوانم
وصورتي ف الجرانين
تفطر اللي صايم
وتبنيلي بيت م الطوب
ولو كان حجر ابيض
ليه نستني
وقلتلي ربنا يعوض
عشان انت بقيت م المشاهير
وعمال تقابل ف الجماهير
وبقيت اشهر من اي غفير
تنسي خالتك الحاجة بهانة
ولا حتي تفتكرها
ولو بحتته زير
ليه كدا يا وليدي
قلتلي قولي يا حاجة
وان شا الله ليكي حجة
لما زي الطير اطير
وامسك ف ايدي الدنانير
سكت
وحرف الكلام وجعه مرير
يا خالة بهانة
لسايا زيك بستني الرضا
من باشا او امير
باتعلق ف قشاية
تعديني فوق عشة فقير
واصحي الصبح فرحان
وف ايدي حتة لحمة
وشوية فطير . ❝
❞ هل ذنبي
إنني أحببتك
غيرت خرائط عمري
لأجلك
وصنعت لك في قلبي
أكوان غير تلك الأكوان
الآن
صرت مدان
وجريرتي إنني حين أحببتك
كنت إنسان . ❝
❞ الحاجة بهانة
إنسانة
غلبانة
مولودة من قلب الوجع
ما تعرف الفرق
بين امبارح ولا النهاردا
لا ليها ف الكدب
ولا ف البدع
آخر الليل سريرها جريد
إن كان ليها سرير
والغطا رضا من ربنا
فرش الرضا حرير
والتوب ع البدن أمانة . ❝
❞ ياما دقيت ع الجريد ..
وفتحت فيه بيبان
انا اللي عشت وحيد..
عمري ما خفت الزمان
بيدي عملت كام قفص وسلة
وكنت باتسلي
اتاري الايام....بتعيد....الوجع
وتقلب الاحزان . ❝